Chok 雞

营业中

休息中

大家好！今日我地試試 2人HK$300 可以食到幾多野同推介下邊間係必食！食評次序: 3分 - 慧食貓 -> 無辣不歡 -> DP Dessert -> 萬波島嶼紅茶 -> 2分 - 屯の大阪章魚燒 -> Chok雞 -> 1分 - 烤焗工房 -> 冇分 - 嘆杯貓茶 -> 緣味之家 -> Free D Coffee -> 丸子茶(艾文自家評分，滿分3個【好食！】，口味各有不同，評分只供參考！)Chok雞喺3樓TOP世界巷內，落單後即叫即炸，等約10分鐘。雞件鮮嫩多汁、外脆內軟，非常美味，櫃檯上有多種調味料任君選擇，艾文和旅伴選了芝士、避風塘蒜香和少許紫菜，非常惹味，唯價錢不便宜，不過亦不算貴，值得一食再食！6件雞件・HK$40VLOG:

💛就到長假期，去葵廣掃街真係假期嘅好去處😆😆 仲可以支持唔少良心小店! 葵廣嘅美食真係食極都唔完呀！1️⃣CHOK雞 💛🔸6件雞件 ($35)呢間Bookmark咗好耐，今次終於去食，每件雞件都好大件，炸粉薄，啖啖肉又juicy，食落都唔覺油膩！👍🏻👍🏻店內有提供好多款調味粉比大家Chok雞，當日有麻香風味、香濃芝士、五香孜然、避風塘蒜香、特級香辣，我地先落咗➡️避風塘蒜香+香濃芝士+少少孜然去CHOK下, 味道好夾, 佢個芝士味好濃, 唔想芝士搶味, 可以落少d~食咗幾件後, 我地轉加➡️麻香風味+五香孜然, 估唔到"麻香風味"係我地最鍾意，佢令到雞件味道更香更惹味！炸雞控真係必食😍😍P.S: 門口仲有好多造星應援

講到葵廣3樓TOP世界，點可以漏咗Chok雞🐔 其實小編已經食過幾次，但次次都影得唔係好靚所以無post😂 唔理lu反正佢哋係用味道取勝，擺到明唔係畀人用嚟打卡！😋 CHOK套餐 - 6件雞件 $323個套餐入面我只會叫6件雞件呢個set，避開雞翼同雞槌，因為懶噒骨😬 啲雞件用個大紙袋裝住，可以自己揀落啲咩調味粉同埋落幾多粉，有香濃芝士、紫菜、五香孜然、特級香辣、避風塘蒜香，落完再chok下成袋雞就食得！唔食得辣嘅小編就落咗紫菜同香濃芝士～ 啲雞件件都好大嚿同好嫩滑😝 即炸出嚟有啲熱，食落去仲會有啲油咇出嚟，雞肉醃得幾香，所以雞味幾濃😗Btw佢哋喺旺中二樓開咗分店，叫老表Chok雞，遲啲試吓係咪一樣咁好食先😆

難得今次咁裹遠水路出到葵廣，就一於試下D新野，CHOK雞，之前其實經過過幾次，但次次都係食到飽曬先行到呢邊，所以每次同呢間店的雞粒都緣慳一面，難得今日有備而來，就即刻來試一試。係門口已經見到有好多唔同口味的調味粉，比客人自己選擇番鐘意的口味，咁我地今次就叫左個6件無骨雞配芝士粉同避風塘蒜粉，但因為C小姐今次貪心落左兩隻粉，搞到食落個時都唔知食緊咩味，但雞佢勝在係即叩即炸，所以就算係個味唔知食緊咩咁，都唔會太難食，下次去食的

收工之後好肚餓呀！即刻行入葵廣醫醫肚先一入到去梗係直上三樓，今次特登行入少少，揀咗呢間「chok雞」黎試下。行到去門口已經聞到好香炸雞味，吸引咗唔少人係門外排隊。我同朋友點咗「6件雞件」（$32），價錢好抵！因為老闆即叫即炸，所以都等咗5-10分鐘，但一食落去就知係完全值得！雞件雖然得六件，但份量都幾大，女仔絕對可以當正餐嚟食。而且雞件啱啱炸完熱辣辣，炸粉好薄，入面啲肉汁又夠多，雞肉嫩滑，簡直完勝豪XX同繼光XXX呀！加上雞件啖啖都係肉，十級滿足！推介唔鍾意lur骨嘅朋友仔。鋪頭門口有好多唔同口味嘅粉俾客人自己落，我地揀咗特級香辣、紫菜同芝士粉，三隻味道都勁推介！尤其係特級香辣，個辣粉真係夠辣，辣得好過癮，但又唔會搶走炸雞原本嘅鮮甜，啱晒食得辣嘅朋友。至於芝士粉個奶味都幾重下，鍾意芝士嘅朋友，我覺得落半匙就夠，唔係芝士味就會太濃冇咁好食～總括嚟講，呢間chok雞已經成為左我嘅No.1炸雞店，聽聞佢嘅炸燒賣都好出名，下次黎一定要試下！