NINETYs (形點 I)

营业中

休息中

餐廳喺yoho mall戲院斜對面，好易搵。雖然係開放式廚房，但係竟然冇油煙味😮😮，出街食飯都好怕食完成身味，呢點值得一讚。而家night menu有半價，超抵食！首先係燒魂飯，本身聽個名以為係中式嘅黯然銷魂飯咁😂，但原來唔係，反而更似日式嘅丼。中間隻「日本蘭王蛋」簡直係畫龍點睛，有蛋香同令到成個飯更濕潤，叉燒甜甜地、啖啖肉、有油脂香。要試！波士頓龍蝦意大利粉，見隔離枱有叫好吸引跟機叫的😂。龍蝦有半隻，肉質實淨啖啖肉。意粉唔係平時食開嗰啲，係比較粗身的，麵質有咬口唔會太淋，pomodoro sauce酸酸甜甜幾夾。蟹肉布拉塔芝士薄餅，推介！成個pizza非常鮮味，因為有蟹肉同三文魚子😍😍。蘆筍同蕃茄增加爽脆口感，食落不單調。一定要襯熱食。95 Fruity Coffee Cake，以食用花伴碟，啱晒打卡。對咖啡認識唔係太深入，初初見到fruity以為係果味蛋糕😂，但原來係fruity blend coffee整出嚟嘅蛋糕，蛋糕好香咖啡味，質感實淨之餘好creamy。最後係Affogato，又似甜品又似飲品，幼滑嘅果仁蛋糕淋上espresso，夏天飲消一消暑😬。

同屋企人睇完戲諗住搵間餐廳食完飯就返屋企，點知一出戲院就見到呢間新開既cafe就睇下啦！初初仲諗住佢個樣主打賣咖啡無咩好食，點知睇完個menu家就話要試吓😅當然試完個個都話好味😋介紹下個日食左咩先🍴Crab Fat Mashed Potato Bowl呢個係我覺得最好食既每一啖都有蟹肉（因為本人勁鍾意食薯仔）🍴Salmon Pasta🍴Truffle Pasta🍴Miso Spring Chicken🍴Affogato(呢個要提一提佢唔係用雲呢拿雪糕架😋）🍴95 Coffee Cake