I Café

营业中

休息中

日日屋企work from home, 難得星期六真是要鬆一鬆，今日去咗尖東搵嘢食，見好耐未食過 all day breakfast，就試下呢間在半島中心內的餐廳，網上好多好評。All day breakfast lunch set跟餐湯和飲品。賣相十分吸引，顏色豐富，令人食慾大開。肉類有司華力腸、煙肉、火腿， 條腸好大條。薯餅即炸起還熱辣辣。還有黑松露炒蛋，師傅唔吝嗇黑松露， 蛋內滲著濃濃黑松露香。 如果蛋可炒得滑一點就更好了。牛角包唔算好熱但係都幾鬆化。 仲有菜同蕃茄， 蕃茄也煎香過， 厚厚的，味道不錯，當然唔少得茄汁豆。食完真係好飽肚。我跟餐叫咗杯薄荷朱古力， 味道非常濃郁。我朋友叫了一份原條鰻魚 滑蛋飯，也同樣十分豐富， 份量十足。餐牌

發覺尖東有間價錢同食品都幾貼地嘅cafe，叫 I  Cafe就今日去試下。今次order咗煙黑椒牛肉Bagel加薯格、All Day Breakfast，飲品叫咗凍薄荷朱古力同埋凍榛子Latte。黑椒牛肉Bagel超好味，入面有三大塊薄牛肉連埋醬汁、番茄、生菜，加埋bagel咬落去，有唔同嘅口感同層次真係值得重點推介，薯格甘香鬆脆炸得啱啱好，點茄汁食真係一流。另外All Day Breakfast入面有黑松露炒蛋、煙肉、火腿、燒蕃茄、麵包、司華力腸、薯餅、沙律、仲有茄汁豆，真係超級豐富而且好味。薄荷朱古力同埋榛子latte賣相都好靚，絕對係打卡之選，而且飲落有濃濃嘅朱古力同榛子味，下次嚟大家都可以試下。

Hidden inside Peninsula Centre, I Cafe is a really popular cafe in the district as it sells quality international food at a really affordable price.The menu was quite big even for afternoon tea, I did take some time to figure out what I wanted to get.For HKD$55 I got this All Day Breakfast. It did take a bit of time for them to serve it, but everything on the plate was so good! The hash brown was freshly fried, runny and milky scrambled egg, crunchy butter toast, hamburger (a bit small and thin

一直是i cafe的粉絲，食過好幾次，每次來都必然點一個All Day Breakfast。每次來的Menu都有點不同，今次要了B和H餐。紅湯、忌廉湯都很足料，什菜蕃茄湯酸酸甜甜很開胃，菠菜煙肉忌廉湯濃郁香滑。All Day Breakfast很大一份，火腿、煙肉、司華力腸、黑松露炒蛋、烤蕃茄、沙津、薯餅和牛角包。普通女孩子自己一個不會吃得完，男友也花了很大個肚皮才吃光。再飽都請留肚給牛角包，因為好吃得不能不吃，很香牛油味，非常鬆軟；黑松露炒蛋也很香松露味，才55蚊，未免太足料！跟餐凍朱古力吱上鮮忌廉也是誠意十足。第一次試的松露忌廉汁雞扒漢堡。一上桌我就呆了，這個份量也不是一般的大小。有女孩子的兩個拳頭吧？我只吃了四份三就投降交給男友處理。跟餐沙律是水果沙律，有菠蘿、哈蜜瓜、蜜桃等等。看看這傾瀉出來的松露忌廉汁！麵包略略烘過微脆，塗上牛油更添香味，雞扒很大一塊，配上生菜蕃茄，份量超大！松露忌廉汁很多，吃到尾也不會乾！I Cafe的食物份量普遍都很大，實在地抵食夾大件！

星期六下午落雨絲濕最好搵間小店坐坐等雨細D再走走, 今日入到半島中心見到呢間Café被門口的公仔吸引咗, 然後看見餐牌相當抵食, 於是ORDER咗All Day Breakfast仲包埋餐湯和一杯Cappuccino都係$63。 先來是個蕃茄什菜餐湯開開胃口, 味道都OK帶小小甜唔太酸啱我; 之後主菜上場, 真是一點都不懶份量十足, 單是個黑松露炒蛋, 超多黑松露超正; 另外最喜歡係佢架牛角包外邊有小小麵包糠增強口感入口鬆化還帶牛油香味, 真係唔錯; 而超大條豬仔腸單是賣相已相當吸引, 有一半表皮界咗十字花, 雖然外皮沒有燒焦, 但仍然皮脆內嫩, 味道都唔錯; 而沙律菜亦相當新鮮, 真材實料一點都不馬虎。最後來個Cappuccino外表唔係咁吸引無拉花, 泡又多咗D, 但入口的咖啡味都好好, 證明佢用豆都太差而且跟單都是加8蚊, 外邊真係搵唔到; 走的時候見到佢個下午茶餐牌,又係另一個驚喜茶餐廳價錢, 而菜式有幾十個組合, 實有一款啱食, 唔怪得越坐越多人啦, 下次行過都可以再試試。

路經尖沙咀, 記得朋友曾推薦一間就在附近的café, 食物唔錯, 價錢又實惠, 一於去試。份量十足的All day breakfast 只是$48。  包括蘑菇奄列, 火腿, 豬仔腸, 焗豆, 煙肉, 蕃茄, 薯餅, 鮮果沙律 和牛角飽; 一個人吃足夠了。 最欣賞當中的蘑菇奄列, 炒蛋幼滑, 配合蘑菇清香, 好吃!  另外鮮果沙拉十分新鮮, 爽脆甜甜味道, 使剛吃過咸味食物的味蕾立即被平衡了。千島海鮮pizza $55 是店主推介人氣食物, 等待15分鐘後新鮮熱辣上桌。 薄薄餅底,上面鋪厚厚海鮮芝士層, 香味撲鼻, 賣相吸引。  切開pizza, 芝士絲線長長拉開; 海鮮即有蝦, 蜆, 魷魚, 蟹柳等, 配合香脆餅底和芝士, 鹹香可口。(午餐送沙律, 飲品) 最後點了杯熱 cappuccino,可愛小熊泡沫拉花, 完滿了一頓實惠的午餐。

餐廳位於半島中心樓上星期六午餐時間 由於我地較早黎都唔洗等位就入得Lunch Set 有5-6 款All Day Breakfast 都係四十零蚊相比起其他Cafe 賣成百蚊呢到真係好抵食而且份量都唔小 一定夠飽呢個All Day 真係好抵食有包 黑松露蛋 薯餅 煙肉 腸 蕃茄 茄豆連埋餐湯都係$48 個湯唔記得係咩湯好似係南瓜定唔知蘿蔔 但幾好飲個早餐牛角包幾鬆軟  個蛋又炒得滑薯餅食個陣仲脆同熱跟餐仲叫左杯凍朱古力估唔到會有CREAM 係上面 絕對唔馬虎另外仲叫左個PIZZA應該係即叫即焗 上枱個陣熱辣辣驚D芝士凍左會變硬所以要先食左呢個先個批邊同皮都有少少脆PIZZA 可跟薯條/沙律薯條就普普通通 正正常常無咩特別走個陣一點幾, 開始多人另一邊都差唔多Full呢間Cafe真係平靚正