Will's Coffee (已結業)

因為之前電腦壞左, 依家先可以寫返...我家老貓尋晚(1月25日凌晨)走左,老細叫我放假抖下,所以去食個好D既早餐, 精神一下.係大埔道北河街既WILLS COFFEE, 我久唔久都黎, 鋪仔細細, 清新既裝修, 濃濃既人情味, 同其他食客啡友都可以亂噏一餐, 無所不談,店主兩公婆對食物同咖啡都有一份執著, 要將好既野帶比客人.佢地既ADB 係區內係非常受歡迎, 炒蛋嫩滑, 芝麻醬青瓜清新, 牛角包外脆內軟,牛油雜菌香濃.今次佢特別跑出去買左包朱古力整左個MENU 冇既咖啡沙冰比男人.我唔鍾意甜飲都比佢個外表吸引左呀滑蛋配鴨胸加圈圈包又係一樣好好味既野, 無論係蛋汁, 定鴨胸油香, 索左落圈圈包度都好正.多謝wills coffee 老細鹹味沙冰,應該冇咩人會咁喜歡咁飲, 但係咖啡入面既苦, 酸,甘,同岩鹽既味加埋一齊, 真係好似人生...老闆娘仲好細心,將圈圈切細, 肉同蛋分開, 方便我食❤因為我整緊牙, 佢怕我食唔到.

中午見到呢間幾有特色嘅Coffee House，餐廳細小但坐滿客人。🥯 煙三文魚番茄莎莎貝果漢堡 $98Smoked Salmon & Tomato Salsa Bagel Burger 入到聽餐廳見到display 咗四款Bagels，最後揀左全黑色嘅（Black Sesame） 竹炭黑芝麻，係硬身少少嘅Bagels，煙三文魚好新鮮，加埋番茄莎莎感覺清新。🥐 精選全日套餐 $100All Day Breakfast Scrambled egg 🥚 bacon 🥓 Sausage, Mixed Mushroom 🍄, Cucumber, Cherry tomato 🍅, Beans, Garlic Toast好鐘意點呢度菜，啱晒貪心乜都想試嘅我，蛋夠滑，多士香脆，芝士腸仔唔會太膩。☕ Mocha and Latte 兩杯咖啡拎到返屋企都仲夠熱，唔洗落糖都夠甜。餐廳提供嘅食物唔會太濃味，亦唔會落太多調味料，食材新鮮，即叫即煮，份量亦啱啱好，感覺健康。

今日行去大埔道諗住去一間西餐廳，點知門口貼住東主有喜，搞到我哋摸門釘，於是乎就喺附近搵嘢食。咁啱行到呢間「Will’s Coffee」，舖仔細細但入面有兩個位，橫掂都已經行到冇力，就決定入去醫肚啦🤣。小店嘅佈置簡約得嚟都幾有文青嘅感覺，牆上貼上簡單嘅圖畫令人睇起嚟好舒服😌。呢度仲有出售Croissant🥐同Bagel🥯，加多杯咖啡做早餐就啱晒喇！呢間Cafe仲有意粉同All Day Breakfast賣，其間仲聽到店員同熟客嘅對話，喺度討論咖啡唔同產地、唔同級數喺味道上嘅差別，我就知呢度cafe嘅咖啡係好專業👍。我見到呢度有All Day Breakfast (Set $96)就心心眼😍，所以就叫咗一份全日早餐配Mocha。呢份All Day Breakfast大概整咗10分鐘，都好明白點解製作需時，因為佢每一樣食材都真係精心製作過，多士帶點蒜蓉牛油香🍞，蛋炒得好滑🍳，炒雜菇帶有好香嘅蒜蓉牛油味🍄，尤其要讚香腸嘅選材，好食又唔鹹！Mocha比出面咖啡店所出品嘅較少甜，我就十分滿意💯。因為咁先更飲到咖啡嘅香味，唔會俾甜味蓋過咗。另外就叫咗卡邦尼意粉(Set$76)配熱朱古力🍫。呢碟份量都