PAN de PAIN Pancake & Sweets (K11購物藝術館)

营业中

休息中

一直以來對pancake都情有獨鍾，猶其是pan de pain pancakes & sweets既souffle pancake同其他甜食更加係我最愛。數數埋埋今次都已經係第3次黎喔，對上兩次都係食original口味，所以今次決定試下其他口味。Pan de pain位置係尖沙咀K11既B1層，基本上見到最多人排隊就是了，另外餐廳係無得訂位的，一定要walk in等哦。Apple caramel souffle $95首先叫左份必選既souffle，今次就揀左apple caeamel，相比原始口味，焦糖味比較甜一點，souffle一如既往有水準，軟綿綿加上 creamy既口感簡直令人着迷，只是蘋果略嫌有點酸。Brûlée French toast $78另一款叫既Brûlée French toast真心有驚喜，蜜糖toast入面充滿牛奶香，有一種半溶化既感覺，搭配雪糕一齊食個種冷冷暖暖既feeling就更加完美，同樣只係生果有點酸，如果更甜一點就更好了。

昨晚看飲食節目時介紹日式pancake，被它吸引了， 到openrice搜尋一回，看到這家店人氣很高，所以今天決定要去吃🤣這家店沒有訂座服務，所以想吃就有等候一陣子囉～還好沒有太多人，我們只等了15分鐘左右就能入座，但入座之後人就突然變多啦，真的好幸運呀😄在店外等候的同事，店員會先給餐牌我們，之後會幫我們先下單，所以入座後很快就有東西吃了。《Cold Strawberry》這款pancake是薄薄一塊的，夾住士多啤梨味忌廉和帶微酸的士多啤梨，一層層的，口感層次豐富。《Apple Caramel Souffle》而這款是梳乎厘pancake，口感跟士多啤梨那款完全不一樣，外型震騰騰的，入口即化，口腔充滿焦糖味，還有肉桂蘋果，口感爽口，肉桂味濃。伴碟的有琥珀合桃，非常香脆。兩款pancake我比較喜歡這款。《Hot Matcha Latte》飲品方面我點了抹茶味Latte，還有很可愛的畫花，抹茶味濃。

.今次講嘅又係Pancake，香港人有一種心態係越要排隊就越想食。呢一間係出名嘅，見冇人排隊即刻衝左入去食。.今次要嘅係蘋果疏乎厘，佢嘅空氣感好重，一上枱就騰騰震。蛋味正常，可能啲焦糖蘋果會蓋過左少少嘅蛋味，不過加埋合桃脆脆嚟食都唔差。.餐名: Apple Caramel Soufflé 價錢: $88評分: 7/10餐廳: PAN de PAIN Pancakes & Sweets (尖沙咀)地址: 尖沙咀河內道18號K11購物藝術館B1樓B111B號舖

自從近期大熱的人氣西式甜品「梳乎厘班㦸」在香港出現之後，香港坊間越來越多西式甜品餐廳，都開始有推出跟「梳乎厘班㦸」有關的西式甜品，我亦差不多快要試了六間左右的「梳乎厘班㦸」甜品店。例如曾經掀起排隊熱潮，但是每日供應「梳乎厘班㦸」份量偏少的尖沙咀「GXXms Pancake & Cafe」、在油麻地以廉價跟無限量供應「梳乎厘班㦸」，因而受大眾歡迎的「黃巴士食店」「AX.PX」。至於位於食店雲集旺角美食區，價錢同樣便宜，但是「梳乎厘班㦸」無論是味道，還是款式都比「AX.PX」來得更多元化的「梳乎厘班㦸」專門店「I Love YXX Dessert Bar」，我到現在還未試得完所有口味。另外銅鑼灣有同樣推出限量版本「梳乎厘班㦸」，但是店舖位置地段更勝「GXXms Pancake & Cafe」的梳乎厘班㦸食店「FLIXXER'S」，還有今次要講的，位於尖沙咀商場「K11」開在韓國雪糕店「百X堂」對面的「Pan de Pain Pancake & Sweets」。「Pan de Pain Pancake & Sweets」跟尖沙咀「GXXms Pancake & Cafe」本來都一樣，「梳乎厘

特然好想食pancake，又諗起尖沙咀K11呢間長期都要排隊嘅Pan de Pain。立刻要去潮一潮聖❤兩個人大約六點到，可能因為係尷尬時間（下午茶嫌太晏，晚餐又太早），所以都唔使等好耐就有位。點咗咸甜pancake各一款😃另外有咖啡癮嘅朋友點咗杯Iced Latte☕🥑Smoke Salmon and Avocado Pancake咸味款揀咗smoke salmon加avocado，兩樣都係我最愛。Pancake薄薄地，幾鬆軟，唔係太過紮實食完會好飽滯嗰種。仲有蔬菜沙律加醋伴碟。🥞Apple Caramel Souffle👍🏻空氣感極高嘅疏乎厘，待應上菜時都分外小心，因為一路行疏乎厘就一路震滕滕。隔離枱都叫咗一份，就係因為個雪糕球喺短短嘅運送過程中，震到跌咗落嚟，要再整理先上菜。Souffle蛋味香滑，焦糖味剛剛好，唔會太甜。食落入口即溶，難怪溶化到唔少少女💖