芝加哥串燒 (美豐花園) (已結業)

有位好耐冇見嘅朋友喺大埔女校返學，住學校宿舍，佢成日都會嫌麻煩唔想出咁遠，我今次突登捱義氣山長水遠嚟到大埔，夠晒朋友啦掛！揀左一間鄰近太和站、網上幾多好評嘅bar飲嘢，再叫左唔同款嘅串燒嚟佐酒。石燒Prime牛小扒$168本身好想嗌嗰個保雲酥羊架，可惜賣晒。退而求其次叫左個牛。叫左七成熟，肉味濃，肉質嫩滑冇筋，不過比預期細份。燒茄子$30食串燒我必食燒茄子。呢度嘅茄子大大條又多汁，將啲茄肉刮晒出黎，配埋啲蒜蓉同蔥花一齊食，好滋味！炭燒法式鵝肝$68一串有四小舊，食到香料味喺面，入口即融、味道甘香。韮菜燒$15唔係個個人都鐘意韮菜嗰種味，不過我就幾鐘意。燒完之後，嗰種獨特嘅香氣更出，而孜然粉亦都令佢更惹味，燒羊架$33七成熟，燒得好👍🏻肉嫩而且唔太羶，個薄荷醬同羊肉真係好夾❤️燒雞翅包飯$18好食😋雞翼啖啖肉，入面包住軟糯而香辣嘅飯，好想一隻接一隻！香蔥燒半殼扇貝$39蒜蓉香蔥同貝類永遠同係絶配，鮮甜多汁！燒鵪鶉蛋$18比較少食到鵪鶉蛋串燒，所以特別叫嚟試下。燒完之後，鵪鶉蛋嘅蛋白會變後比較實同有彈性，個人就覺得冇乜特別。Apple Cider $32未飲過呢隻牌子，但果味重，酸酸地，唔係

今日同屋企人出街行吓，夜晚就試咗呢間黃色小店。因為媽咪平時都幾鍾意飲酒，就試吓帶佢去小酒吧啦！店舖唔大但店員非常殷勤咁，有介紹我哋邊樣好食。我哋就叫咗好幾樣主食同小食，又叫咗apple cider～Fish and Chips新鮮即炸，上枱一切開仲熱到出煙，有兩大舊厚身嘅魚柳，配薯條跟沙律醬同茄汁。然後炸菇配黑松露醬，個醬好香黑松露味，個菇亦都炸到外脆，裡面有汁咁，好好味～最後再試埋羊架，有三大塊，面頭有大量炸蒜啱晒我呢個蒜味愛好者啊！塊羊架叫咗7成熟，唔會太老，有少少羶味好正！

黃店 💛 #芝加哥串燒酒場 #DragonBar #大埔今日爸爸生日，我哋一家人就黎咗大埔呢間Bar食嘢😋 芝加哥係喺太和站附近有兩間芝加哥，一間係食串燒（太和中心），另一間係食西餐（美豐大廈）嘅，我哋就去咗西餐嗰間。媽咪叫我一定要寫：waitress好有禮貌、服務好好👍🏻🐣 芝士蘑菇雞翼 （$58/4隻）前菜方面，店員推介咗呢款新菜式，係餐單冇嘅，既然有隱藏餐單，一定要試吓啦😆 廚師將芝士同蘑菇饟咗喺雞翼入面，咬落去除咗啖啖肉之外仲好有芝士蘑菇嘅香味，好豐富嘅口感！🍳 黑松露炒蛋 （$38）炒蛋我哋揀咗半熟，加埋超級多黑松露醬超香超好味🤪🍛 黑松露意大利飯配帶子 （$118）身為黑松露fans嘅我當然又要再叫黑松露啦😆 黑松露意大利飯一上枱就勁香！上面有兩粒超大粒嘅帶子，好抵食！份量都好大份🤤🥂 Apple Cider ($48 normal hour)Apple cider 係用咗Magners嘅，比飲開嗰隻酒味出啲香啲，讚😋