BuBu燒麻辣燙

营业中

休息中

平時都會去油塘大本營果邊搵野食，但就好少到商場以外嘅地方。今次同朋友食完晚飯後又想食返啲宵夜，就搜尋左下附近就見到呢間BuBu燒麻辣燙，淨係見到有麻辣燙就已經非常吸引到我，直接決定去買嚟試試。———————————————🌟BuBu麻辣燙麻辣燙需要$50起跳，我一共選擇咗5種菜式分別係肥牛、牛柏菜、鵪鶉蛋、娃娃菜同粉絲，份量唔算多，但係食落真係超級惹味。Bubu麻辣燙同我過去食嘅麻辣燙有少少分別，平時出面叫嘅好多都連湯上，但呢度嘅麻辣燙係比較似乾撈嘅形式，用麻辣湯煮過後再加一堆香料係上面，主要係蔥、辣椒同炸蒜，撈完再食味道真係超濃郁，最適合重口味人士。.🌟生炸雞脾之前search openrice見到其他人推介雞脾必叫，所以我都叫返隻嚟試，一咬落去就已經超多汁，大大隻仲炸得非常香脆，內裡肉質鮮嫩，值得推介。.🌟串燒 (羊肉串、雞軟骨、雞腎)串燒方面熟嘅程度啱啱好，特別推薦羊肉串咬落超腍唔會好酥，雞軟骨、雞腎亦都唔錯，但值得一讚嘅位係佢個調味，夠咸夠辣，完全啱曬我口味。如果您唔食得辣都可以同老闆娘講聲，老闆娘仲會根據您嘅要求調整辣度。.🌟脆炸魚肉春卷(3條)外層嘅腐竹炸得都幾香脆，入面魚

平時返工都係叫外賣 今日就同同事一齊出去試下新野😋去左呢間食麻辣燙嘅舖頭-🍗脆炸雞脾 $20超級熱辣辣、脆卜卜嘅大雞脾😍但肉質都仲keep到鮮嫩☺️唔會鞋sap sap意外驚喜呀 $20咁平真係必食💓-🍲🌶Bubu麻辣燙 $50起我地叫左🫔魚肉春卷、🥒萵筍、🥩午餐肉、🍡墨魚丸、🍄金菇、🍄鮮冬菇 六款餸😋由於減緊澱粉嘅關係就冇嗌到粉麵lu😌個麻辣燙仲有蔥粒 辣椒粒 同蒜等等大量香料～可以自己撈入去～😚如果唔識得辣就可以同老闆娘講要少辣～💓-🍢🍡Bubu串燒 $10～$28見到呢到啲串燒咁抵食 我地都叫左幾串黎share~🥬韮菜 $15、🍆茄子 $28👅牛舌 $20、🐮一口牛 $28特別推介燒韮菜同燒茄子🤤🤤-🍼豆漿 $8🥤冬瓜檸檬 $18食左辣野要飲返啲野解辣😌豆漿同冬瓜檸檬都解辣又健康😚唔會太甜 飲到原汁原味 價錢仲好抵😋

油塘中心雖然舊，不過有好多食肆。話說之前有間新餐廳係賣台灣嘢，但話咁快就易咗手🙈。呢日去開家興入貨，就試吓新店「BuBu燒麻辣燙」。舖頭用個BB頭像做招牌👶🏻🍼，好得意呀。估計小店係由一家人經營。女店主好友善，同我傾偈，叫我下次再嚟幫襯。小店賣嘅食物種類唔算多，不過係大路嘢，例如有麻辣燙、串燒、炸物同涼拌小食等，價錢大眾化👍。食物即叫即整，大約需時十分鐘，等嘅期間可以喺户外啲枱櫈坐吓。BuBu麻辣燙($50起)，呢個係乾拌款式🥢，餸料選擇有廿幾款，分兩個價位$13及$9，同時亦可揀主食$10。我要咗米線，基本上你可以當佢係正餐，大大碗，夠晒飽。麻辣燙口味火辣辣🔥，辣度唔講得笑，建議大家唔好一次過撈晒啲辣椒，逐啲逐啲嚟。佢另外仲有蔥同芫荽等，食落好鬼惹味。墨魚頭($13)，屋企兩老好鍾意食墨魚🦑，但好多時都好硬、咬唔開。不過呢度嘅出品相反，爽得嚟一啲都唔韌，幾正。但佢個樣就衰少少，有啲似雞子🤣。魚肉春卷($13)，🍢春卷有兩大條，腐皮包裹彈牙魚肉，好食過普通魚蛋，佢有啲似南記招牌。豬頸肉($13)，🐷即使豬頸肉唔係泰式燒烤咁香口，不過味道都OK，肉質唔嚡，亦無過多肥膏，個人認為好過五花腩