影片
更多
2015-08-04
940 浏览
ACCRO COFFEE位於朗屏西鐵站天橋下, 由西鐵站行過黎唔駛5分鐘, 呢度冇元朗大馬路個面咁多人, 亦冇個種畀人催促既感覺, 坐得好舒服 今次係第二次黎, 之前黎既時候仲係舊舖, 聽講係因為舊舖加租所以老闆先搬過黎新舖~新舊舖只係一街之隔, 新舖比舊舖面積大左好多, 仲有樓上雅座, 相信座位既增加係一眾喜愛咖啡既朋友既好消息 今次係下晝3點左右黎到舖頭, 剛好下層有三數張吉台, 所以可以即時入座~一入去就聞到一陣咖啡味, 我快要被咖啡香暈了~~加上店內裝修有木元素, 主要啡色同白色, 感覺清幽典雅, 非常適合假日時間同三五知己小聚共度時光 因為自己有D怕咖啡既苦澀, 所以叫左杯榛子LATTE而我朋友就叫左CAPPUCCINO另外我地因為冇食晏既關係仲叫左兩份雞肉PANINI係咖啡味薰陶之下, 好似感覺唔到時間咁, 兩杯咖啡係好幾分鐘後就送到~唔知係咪刻意既安排, 我既榛子LATTE用紅杯紅碟盛載, 正好配合到咖啡味比較溫和既LATTE, 妙~咖啡面有厚厚奶泡, 上面既拉花令人一見到就覺得開心, 一喝之下, 口腔內除左彌漫住咖啡味, 更加係一種幸福感 因為太熱既水有機會破壞咖啡豆既
今次係第二次黎, 之前黎既時候仲係舊舖, 聽講係因為舊舖加租所以老闆先搬過黎新舖~
新舊舖只係一街之隔, 新舖比舊舖面積大左好多, 仲有樓上雅座, 相信座位既增加係一眾喜愛咖啡既朋友既好消息
今次係下晝3點左右黎到舖頭, 剛好下層有三數張吉台, 所以可以即時入座~
一入去就聞到一陣咖啡味, 我快要被咖啡香暈了~~
加上店內裝修有木元素, 主要啡色同白色, 感覺清幽典雅, 非常適合假日時間同三五知己小聚共度時光
因為自己有D怕咖啡既苦澀, 所以叫左杯榛子LATTE
而我朋友就叫左CAPPUCCINO
另外我地因為冇食晏既關係仲叫左兩份雞肉PANINI
係咖啡味薰陶之下, 好似感覺唔到時間咁, 兩杯咖啡係好幾分鐘後就送到~
榛子LATTE
$34
46 浏览
0 赞好
0 留言
CAPPUCCINO
$34
41 浏览
1 赞好
0 留言
咖啡面有厚厚奶泡, 上面既拉花令人一見到就覺得開心, 一喝之下, 口腔內除左彌漫住咖啡味, 更加係一種幸福感
因為太熱既水有機會
破壞咖啡豆既質素, 所以店員唔會用滾水沖咖啡, 而係用溫度冇咁高既水沖
所以咖啡送到客人面前就已經係適宜飲用既溫度畀客人飲, 而且非常容易入口
飲左幾啖咖啡, 同朋友吹下水, 我地既PANINI就到喇~ (唔記得影相)
兩份PANINI好大份, 用既意大利香草包經烘熱後非常香!!
質感亦控制得剛剛好, 雖然經過烘熱, 但係絕對唔會烘到乾爭爭, 麵包表面微脆, 包身依然具有一定程度既軟熟, 好好味
包入面亦有好多芝士, 味道咸咸香香, 雞肉份量唔算太多, 味道較淡, 但配上咁香既香草包同咸香芝士成個包仍然非常好味!
總括黎講, 我覺得飲咖啡除左享用咖啡之外, 仲要享受當時既環境~相比起連鎖咖啡店STARXXXXX, ACCRO COFFEE可以帶到一份遠離繁囂同舒服既感覺畀我
平時返工放工好忙碌, 難得假日可以黎到呢度休息下, 真係好舒服
我黎過呢度兩次, 事隔一年多, 但係咖啡同食物質素保持得好好, 十分有水準
更加重要既係COFFEE SHOP老闆個種對咖啡既熱誠同堅持, 作為客人既我完完全全從佢既食品上感受得到~
有水準有熱誠既ACCRO COFFEE, 我點可以唔黎第三次呢?? 期待下一次既聚會
题外话/补充资料：
除左精品咖啡, 一般既咖啡只係30幾蚊一杯, 用呢個價錢享受到咁多野, 我覺得好抵飲 :)
(以上食记乃用户个人意见 , 并不代表OpenRice之观点。)
张贴
