Courage Eighteen (已結業)

係附近行街，之前好想試呢度嘅Bagel，就特登過黎，估唔到星期日下午茶時間都好多人排隊，可能因為舖面唔大，又要限聚，都等左一段時間就入到去。坐低覺得好餓，立即叫左野食，朋友叫義大利黑醋汁安格斯牛柳粒炒扁意粉，同埋Cappuccino，而我就當然叫左Bagel，貪得意就試下咖啡加Tonic。當然就係飲品先黎，朋友叫嘅Cappuccino（$35），我無試到，但朋友話都可以。自己點嘅Coffee Tonic（$48），意外地非常好飲。自己唔特別鍾意飲咖啡，但平身杯咖啡已經好香，如果加Tonic水飲，就會非常清爽，仲會好似有種飲咖啡汽水嘅感覺，好適合係夏天飲。貝果配煙三文魚、洋蔥、煎蛋（$78），第一次食Bagel，有少少唔慣，非常煙韌又扎實，夾埋餡料好厚身，想用刀叉分少少比朋友都切左好耐，如果再烘多啲，表皮再脆少少我會更加鍾意。配料都唔錯，煙三文魚點都唔會失手，煎蛋流晒蛋汁超級正。隔離沙律菜就正正常常，加黑醋後亦算開胃。朋友嘅義大利黑醋汁安格斯牛柳粒炒扁意粉（$82），試左少少，牛肉粒正常，雖然都可以，但可能因為配料關係，食落唔知點解諗起中式炒牛柳。感覺下次可以繼續係度試咖啡，不過唔想等位

尖東好時中心呢個死場竟然都有好嘢食呢間文青Cafe叫Courage Eighteen，聽講直譯係18歲的勇氣店主18歲開舖，現場所見店員都係年輕人個個服務用心又有禮貌，執位執得快，細心又話頭醒尾唔計All Day Breakfast同輕食，以咖啡同貝果為主打整體價錢合理，份量十足咖啡選擇多多，咖啡香充斥小店內簡單坐低先歎杯Cappuccino $35小小咖啡杯加入跳脫圖案，一新耳目未嘗唔係好事咖啡有靚靚拉花，圖案好精緻，味道有水準香濃咖啡味好醒神，入口滑順舒服奶泡打得恰到好處，咖啡甘香味略有餘韻可以refill嘅Deutsch Flower $45，以成壺茶壺上枱Deutsch係德文，花茶中包含有機接骨木莓果、玫瑰果、香檸雜果茶、荔枝茶入口有種類似酸梅味，但未至於話梅味第一啖有少少澀味，refill後澀味同梅味減輕，酸甜味更突出飲完好舒服，似足消滯茶，而且可以無限refill輕食有安格斯牛柳粒沙律 $74，大大粒Angus beef cube份量唔少，仲好厚肉，入口軟嫩，唔會韌粒粒充滿肉汁，香而不膩，有飽肚感配搭清爽veggie可中和油膩感，沙律唔簡單有香甜嘅蘋果片、鮮甜嘅蕃茄粒、清甜

喜歡尋找可以真正悠閒地坐坐、嚐嚐咖啡的咖啡店，偶爾發現這間在尖東新開，由年青人主理的新店，一直都想找時間試，當作試試新，也當作支持一下年青人。終於在年初五的時間偷來點閒。店不算大，長條型，在兩、三個半室外的位置，室內除了一般的二人枱、四人機，還有一張大枱，適合最多6個朋友相聚或來個小型會議。長條型的室內環境，就以長條型的開放式廚房配合，前半是收銀和沖咖啡的地方，後半是煮食和清潔的地方。於我而言，一間咖啡店基本能提供空間給顧客邊喝咖啡、邊看書或談天。不知道是這天還沒有太多人上班，還是店的位置，這天不算多人，輕鬆的喝杯啡、吃個沙律、看本書，安靜地過了兩小時。牛油果蛋沙律，份量比我預期中大。牛油果是剛熟的狀態，蛋切片，沙律菜尚算新鮮。送上來時，並沒有加上黑醋，隨顧客喜好自行加上。本來想試這裡的手沖啡，幾款咖啡豆，我想喝的剛好賣光了，又不想喝別的，就點了Cappuccino。我對Cappuccino很有要求，會直接影響我對咖啡師的出品的觀感。一杯Cappuccino，咖啡豆重要，奶泡也一樣重要。奶泡要細滑豐富，要飲到底仍可以見到完整拉花(如果有拉花)。這裡的奶泡做得不錯，沒有過份花巧的拉花，而

朋友介紹呢間係尖東新開的咖啡店,話環境唔錯,咖啡都幾好飲.佢講到咁吸引,作為咖啡控的我點可以唔去試下呀~我同朋友星期六中午到到達,店面唔算大,coffee bar設係店中間,把長方形的店分開成前後兩部分.店員話因為係weekend,客人應該不會大多(應該係佢地主要做office生意),所以讓我地三個人坐張大長枱.本以為細細的咖啡店只會提供簡餐,估唔到都有意粉,all day breakfast等主食,而且佢地叫野食已經包一杯黑啡或茶,想飲espresso base的奶啡都係加+$8,價錢真係好親民.羅勒汁香而唔太油膩,闊條麵食落有咬口而且份量都幾多.軟殼蟹炸得香脆,不過就覺得有少少油左啲.好豐富好大碟的all day breakfast,睇見就已經好興奮.其實大部份食材都係ready to eat,所以味道都係咁.特別要提係牛角包好有牛油味,但如果可以烘得香脆啲會仲好.而薯角就炸得唔夠脆同埋油左啲.如果可以改善到呢兩樣,成個感覺會好好多.蒜味好香,意粉炒得乾身.帶子都有4-5粒,性價比高又好食.Magic其實係double ristretto flat white,飲落咖啡味重啲苦啲同