I'm Nuts (已結業)

老五下週將與女友去日本玩，出發前要向XO仔借旅遊書，嘩哈哈，細佬當然係要乘機呃餐晏仔食啦，地點由主人家話事去一家佢常幫襯o既「I'm Nuts」。步入門口，先由聖誕小鹿歡迎食客。哎唷，依個咪是但哥？！店主見小肥咁識貨，即解釋話店內o既卡通人物原來就係出自「Is But Gor」手筆，OIC！餐廳o既午市套餐全部都包有餐湯及$38或以下o既飲品，另不設加一服務費，西餐黎講都好經濟。是日餐湯之南瓜忌廉湯：南瓜忌廉湯清香微甜，輕巧暖胃。白松露菌意粉（$148）：真係估唔到一間咖啡店o既意粉麵條可以煮得如此煙韌彈牙，講真比坊間好多自認為意大利餐廳o既食店更為出色！簡單以白松露菌點綴已夠芬芳美味，讚！紐倫堡腸（另加$15）：加$15有兩條腸，絕對抵食。白酒牛油蜆肉意粉（$108）：老五所點o既白酒牛油蜆肉意粉麵條一樣咁al dente，個白酒牛油調味亦好芳香甜美。煙三文魚（另加$28）：煙三文魚呈花花形狀，小肥雖然冇份食，不過淨睇都覺得好靚。餐飲老五要咗杯凍齋啡黎提神。Cappuccino（單點$38）：喺咖啡屋食晏，小弟已學懂要點杯有拉花睇o既cappuccino。杯靚啡柔滑得黎帶有陣陣朱古力

今日去香港動漫節加埋同人展，行完就打算找個地方吃Dinner（肚餓到痴線灣仔呢頭唔少平價又好味既餐廳（無論中式定係日式），要祭五臟廟其實好簡單，但之前有個朋友同我推薦呢間餐廳既綠沙灘上的軟殼蟹同牛肉漢堡，就用openrice既地圖帶路行左過黎門面冇咩特別，係有一塊西式餐廳常見既Menu寫今日既Set Dinner,雖然見到係寫「紅」沙灘....但抱著正Menu應該有就入左去因為冇留意Cash only，所以一入去第一件事都係數一數自己有幾多錢再叫野食....一入去就見到一個好耐之前識既人整緊coffee（佢好似唔記得左我lu），另外有一個人（樓面既老闆？）就係到同一枱客（應該係熟客黎）傾計佢比左一份Set Menu with Drinks同另一份whole Menu我睇，找唔到綠沙灘.....就叫佢過黎問一問，原來係菠菜缺貨.....咁好呢，決定試下一個紅沙灘上的軟殼蟹再加一個牛肉漢堡，野飲後叫過左大概十至十五分鐘就上左第一碟意粉第一個感覺：點解好似唔熱....？唔緊要，開始試先單獨試味：1） 軟殼蟹：微暖，炸到過曬火，腳位完全乾曬，吃落帶少少焦味。試埋個蟹身，好咸...同埋一樣好乾2