caffè HABITŪ the table (已結業)

3.5

132 食记

味道

环境

服务

卫生

抵食

1089

九龙塘

$101-200

意大利菜面包店酒薄饼无肉餐单咖啡店

Caramel latte

3 已推介

安祖娜。姬斯蒂

等级3

上回講到我無啦啦去咗The One嘅Habitu分店，點咗兩杯「頂級」自我分離咖啡之後，都諗住我呢一世人應該都唔會再去呢度食飯飲咖啡，點知最近有朋友邀我去又一城食飯，好揀唔揀就揀咗Habitu，結果……好滿意~~ 今次我要讚讚又一城呢間分店，員工好有禮貌，動作勤快，面對橫衝直撞嘅內地遊客仍然保持專業態度，以禮待人，非常抵讚；而食物亦令我大感驚喜。先講吓我最愛嘅咖啡。今次點咗杯Caramel Latte，咖啡面有一層燒得脆脆嘅焦糖，份量剛剛好，咖啡香、濃、滑，而且夠熱，做得非常有水準。本身我除咗係咖啡精一名，更加係Egg Benedict嘅diehard fans，基本上我每去一間餐廳都會先睇menu，睇佢有無提供Egg Benedict，如果有就一定會試。原因好簡單，Egg Benedict其實一啲都唔難整，但就係因為太簡單，所以更能睇出廚師風格用心同埋餐廳質素。好多時好多人見Egg Benedict太易整就會掉以輕心，做出味道只屬普通嘅貨式，而好食嘅Egg Benedict真係可遇不可求。既然呢度都有，我當然要試試。我點嘅係Smoked Salmon Egg Benedict，整體味

上回講到我無啦啦去咗The One嘅Habitu分店，點咗兩杯「頂級」自我分離咖啡之後，都諗住我呢一世人應該都唔會再去呢度食飯飲咖啡，點知最近有朋友邀我去又一城食飯，好揀唔揀就揀咗Habitu，結果……好滿意~~

今次我要讚讚又一城呢間分店，員工好有禮貌，動作勤快，面對橫衝直撞嘅內地遊客仍然保持專業態度，以禮待人，非常抵讚；而食物亦令我大感驚喜。先講吓我最愛嘅咖啡。今次點咗杯Caramel Latte，咖啡面有一層燒得脆脆嘅焦糖，份量剛剛好，咖啡香、濃、滑，而且夠熱，做得非常有水準。

本身我除咗係咖啡精一名，更加係Egg Benedict嘅diehard fans，基本上我每去一間餐廳都會先睇menu，睇佢有無提供Egg Benedict，如果有就一定會試。原因好簡單，Egg Benedict其實一啲都唔難整，但就係因為太簡單，所以更能睇出廚師風格用心同埋餐廳質素。好多時好多人見Egg Benedict太易整就會掉以輕心，做出味道只屬普通嘅貨式，而好食嘅Egg Benedict真係可遇不可求。既然呢度都有，我當然要試試。我點嘅係Smoked Salmon Egg Benedict，整體味道不錯，而配菜－potato & salad都同樣出色，Holland sauce 做得唔錯，只可惜Egg Benedict配上生菜係敗北之處，佢哋完全唔夾，生菜味太搶而且太硬身，令整體味道同質感失去平衡，或者改配菠菜會好啲。