根

营业中

休息中

這是Mirror成員柳應廷和朋友開的，特意找了朋友一起來試，竟然一試愛上😍！ 首先餐廳真係好靚，整間餐廳嘅佈置好有心思，仲有棵大樹，令你感覺好舒服好有家的感覺😊。食物方面，除左甜品精緻和好味之外，冇諗到其他主食和頭盤都咁有驚喜，特別推介係燒雞，非常非常非常之好食，好Juicy, 次次來到一定要嗌，另外，煙三文魚牛油果碎蛋沙律，黑松露意粉等等都好好食😋😋😋！

忍唔住寫第一篇食評去分享呢間Cafe1. Service好入座前Staff已經會問定想坐近樹(Cafe Signature Design) 定係 枱，樹個邊其實好啱1人/2人坐可能Staff都習慣大家影相打卡，會停低唔阻客人影相，幫手揸機又會就角度影得好靚2. 餐牌選擇多由輕食，到主食，特別甜品都比一般Cafe選擇多唯一要挑剔嘅係飲品如果非咖啡類，得Matcha Dirty較吸引，而且飲品好多偏細杯。3. 食物推介主食好高質素，意粉煮得好好，Carbonara如果一人獨食有d「漏」，反而蝦意粉份量會較適合，而招牌燒雞唔細份，配埋薯條女仔一個未必食得哂，特別一提，燒雞佢燒到啱啱好，肉好嫩，不過同一晚有客人要求餐廳再煮熟d , 所以建議想食overcook就落單同店員講聲。食飯當日M9和牛吐司7點已sold out，所以想試呢樣睇黎要早d去到甜品佢會砌埋一碟，打卡真係最靚效果♥如果鍾意食拖肥，推介仙人掌，係Hazelnut Cream x 拖肥撻底！如果鍾意朱古力，大力推介仙苔，唔會太甜ga！樹皮柚子撻就睇個人口味，鍾意微酸柚子先揀，唔係就唔好食樹皮了(笑) 芝士蛋糕就同出面餐廳嘅分別不大