根

营业中

休息中

歐遊兩地之前，留意到柳伯嘅cafe轉咗新menu，特別係甜品🍰調配同設計帶有《坐看雲起時》嘅意味，所以回港後有日同朋友相聚送手信時，下晝見冇嘢做就一齊去咗食下午茶。可惜，當日星期日，所有甜品都賣晒 😬 而久唔久會嚟啟德做嘢嘅小編，心有不甘，順勢兩日後開工前嚟試，當然依次就有得食啦！😚🥧 枯山水 😋😋😋😋甜品名改得吸引，襯返歌詞提及嘅「枯山水」～ 食材配搭幾啱小編口味 ☺️ 「枯山水」造型上有一粒粒扮石頭🪨嘅慕絲，咬落軟綿綿；內裡係鮮豆腐慕絲醬、日本黑芝麻慕絲醬同抹茶蛋糕碎，品嚐到豆腐、黑芝麻同抹茶嘅味道，各安其位，唔會搶走任何一種味道～//☕️ Cappuccino 😋😋😋😋😋咖啡香濃，奶泡綿密，拉花十分精緻 👍🏻☕️ Hojicha Latte 😋😋😋😋😋加咗熱奶都飲到好濃郁嘅焙茶味 😚 洋蔥心拉花相當清晰 👏🏻 (偷影埋朋友叫Matcha Latte，之前試過都好正！😄)下午茶 💵💵 約港幣$100/人💁🏻‍♀️ 小編幫襯過cafe好幾次，差在冇嚟食過早餐咋 🤣 (利申：佢哋早餐時段品開嘅) 一直好鍾意佢哋用心打造有「靈氣」嘅餐飲，雖然有時peak hours見到店員好繁忙，少咗啲定靜嘅感

首先點咗個千層麵，再嚟水牛城雞翼覺得$88得五(細)隻真係小貴 再點咗個french toast (因為我哋帶咗狗仔所以坐outdoor好熱) 千叮萬囑同咗個staff講 我哋食咗主食先入嚟拎結果第一樣上菜就系甜品🫤🫤🫤我仲要特登提佢佢都拎出尼。呢下真係令到我覺得冇下次。食物幾好食的，今日都有個男staff好幫手呀，好主動斟水俾啲狗仔，見到有其他留言話服務一般其實都睇得出點解🙂總結唔打算回頭。

我不在乎是誰開的店，也不在乎別人的評價，我只是一個美食愛好者。可是這次的體驗實在是太差了，首先服務不好，有位留鬍子的侍應生感覺很不樂意服務客人，我一直招手他都假裝沒看見。好不容易才點到餐，卻又等了好久才上菜，時間一點一點在浪費。肉醬芝士千層麵 $158性價比不高，醬是甜的和有種不新鮮的蕃茄醬味，千層麵就軟了一點，應該是焗的時間不恰當吧。個人覺得不合格，有點像超市能買到的急凍意粉，誠意久奉。鮮豆腐慕絲撻 $58撻的尺寸比想像中細小，這樣卻賣$58有點不合理。撻皮不脆，應該是放久了吧，口感有點像紙皮。黑芝麻慕絲過份地甜，吃後令人喉嚨有點不適。成份有豆腐但沒有吃到豆腐味，只有極甜的黑芝麻味。個人不會再光顧，味道和服務不合格，唯一好處是沒太多客人可以慢慢坐。

幫襯過幾次，食物質數係幾好，menu會大約半年轉吓，由小食、主菜到甜品，都幾好食。但係價錢唔平，而且份量都唔算好飽。可能呢間餐廳有明星開，主力靠Fans嚟幫襯，唔憂做。嚟過幾次都冇食評最終忍唔住，係因為覺得服務質素越嚟越難以接受。多數我放工嚟食，餐廳收9pm，8:15pm last order都算，試過幾次8:30pm 我都未食完，職員就想收咗我碟嘢，我快快脆食完，8:45pm都未到啲員工就連我隻水杯都收埋。通常啲職員無嘢做，就係三兩個圍埋喺度玩電話，個洗手間甚至嗰塊門擋布，污糟到我掂都唔想掂。最近一次最離譜，都知成日有啲item會賣晒，我問職員有乜嘢係sold out ，佢叫我自己出cashier睇，真係嬲咗。其實間餐廳食物、環境、咖啡都幾好，我都仲想嚟幫襯，但係次次嚟親都俾啲職員搞到一肚氣！

環境舒適，可以另人好放鬆。相比最初開的時候，大樹前的坐位更舒適，換了張再大些的抬，叫多幾款食物都冇問題。Vongole既意粉口感一流，蜆大大隻，十分肥美，鮮味，白洒汁亦非常好。Aglio Olio既意粉同樣出色，口感一流，蒜味同攖花蝦好香，大蝦又鮮甜又彈牙，係食過最好既蝦意粉。甜品 - 枯山水就像一件藝術品，芝麻和豆腐非常match, 亦唔會太過甜，餅底亦做得好好。呢個環境同食物質素來說，價錢亦唔算貴。staff既服務亦不錯，特別喜歡每次叫Hojicha 的拉花都唔同，亦拉得好靚。Hojicha 味道亦很好。唯一少少意見，冷氣比較大，如果夏天著背心，短袖，帶件外套比較好。

同朋友lunch time過嚟試吓一間充滿大自然風既餐廳。今日轉左新menu, 即刻叫一個香辣蒜油大蝦意粉，再加個招牌辣蒜香草烤雞加多個甜品枯山水同杯Ice latte試吓😋再加上要支持柳闆💪🏻先黎一杯冰凍Ice Latte門口嘅原木長凳已經好靚，遲啲冇咁熱，一定要嚟試吓坐喺度飲咖啡“枯山水”好好食，唔太甜，唔太好甜品嘅我都成個食晒😋招牌香草烤雞新出品香辣蒜油大蝦意粉，少少辣好惹味大蝦好彈呀👍🏻👍🏻裹面個裝修真係好靚，加上下晝有陽光曬入嚟，好舒服❤️

早排終於有機會嘗試呢一間人氣咖啡店。佢嘅裝修將大自然同藝術融為一體，未入門口已經見到佢哋入面有棵好大嘅樹，同事都採用咗落地玻璃去吸光，未坐低已經覺得好舒服。因為已經食咗嘢，所以今次過嚟就淨係試吓佢哋嘅甜品，發現佢哋嘅甜品原來唔係固定Menu，係會經常改動嘅Seasonal Menu。🍨首先介紹咗右邊呢個先，食落就大概好似芝麻味嘅芝士撻咁樣。芝麻味為主抹茶味為副，芝士都唔會話好嬲，係一道值得推介嘅甜品。🍰至於左邊就係以柑桔味為主嘅芝士撻。上層好似蛋糕咁嘅口感，下層就有少少似芝士泡芙。整體都算唔錯，不過呢個會輕微偏甜少少。🍊

卡邦尼意粉 $148材料用咗意式煙肉及風乾火腿，煙肉半肥瘦，帶有少少鹹香，一啲都唔肥膩，有肉質 😋 火腿，薄薄一片，脆卜卜，就咁食會有啲鹹，將佢撈返成個意粉一齊食，攞返平衡就啱啱好了麵條幼細，少少硬身，有咬口唔會好軟，掛上日本蛋蛋汁，每條都好分明，好好食。😋法式焦糖吐司配雪糕 $88吐司外層包咗焦糖，外脆內軟，面層淋上朱古力醬同杏仁碎，雪糕口味係雲呢拿，而伴碟配上士多啤梨同藍莓，份量好大，都食唔晒🫢Cappuccino $40Dirty $35Cold Brew Rose $70咖啡正常發揮，當中cold brew rose 最特別🌹玫瑰茶+冷萃咖啡(nutty)+蜜糖隱約有少少酒味回甘

一開始要walk in要排隊入座，內籠設計有心思，真係放左一棵樹係中心做裝飾，無論係咪柳柳粉，都會想打個卡影下相。但係野食價錢就偏貴，而且冷氣好凍，座位又少，想飲住咖啡坐足一個下午就無可能了。

身為柳柳粉，點都要嚟柳闆嘅Cafe「#根」食嘢😻！環境同食物唔單止好適合打咭，食物質素亦都有水準🤤😋我哋叫咗1碗沙律+2款甜品+2杯飲品：🥗#煙三文魚牛油果碎蛋沙律：基本上都算係我鍾意食嘅嘢撈埋一齊😹 碎蛋其實半熟蛋，但咁樣唔洗撈多重沙律醬反而健康啲🤭 本身係配柚子醋汁，但我本身唔鍾意柚子味，問店員話可以轉黑醋，呢個位對我嚟講係加分位🥰🍰#苔玉：用嚟打咭一流🤩！開頭以為係綠茶味，但其實係朱古力味😆 我覺得鍾意食朱古力嘅朋友都可以一試🙆🏻‍♀️🥪#法式焦糖烤吐司配雪糕：甜品嚟講都幾飽肚，叫多個主食嘅話相對會太飽。如果肚餓想食個甜品做下午茶，呢個份量應該會啱你😉🍵#午夜抹茶：（唔知點解我見到杯嘢，就諗起 #坐看雲起時 🤣）作為抹茶控兼咖啡控、又鍾意打咭嘅我，當然要點返杯名物😝 除咗抹茶同咖啡，仲有竹炭同奶，望落去都已經好有層次😻 我覺得幾好飲，但係貴咗啲🥲 ☕️#Dirty：朋友揀咗杯Dirty，望落比例都平均😉下次會再嚟試吓其他嘢～～😊

#胃在啟德 #胃在cafe💗➋⓪➋➍ 第☝🏻𝓅𝑜𝓈𝓉 ✨「🪵†♄€ ☈⊙⊙†🪵」好耐都冇po呢個 IG🤣首先係因為懶,其次係冇食到啲令我好驚艷到要開個post寫佢去咗啟德食飯咁多次第一次試呢間the root，聽講係Mirror開嘅，現場果然好多食客都係Mirror粉絲，對於呢啲餐廳一開始都冇抱太大期待，但味道真係比想像中好，佢個青醬意粉texture同埋粗幼度啱啱好，唔會過於油膩，而燒春雞好香口，有淡淡地嘅辣味，非常惹味。朱古力牛奶味偏重，整體價錢都小貴，兩個人食lunch都要四百幾。店舖環境都幾特別，好大個樹幹🤣🪵就係坐窗邊太陽有啲曬冇窗簾之外，其他都幾好👍🏻😽-青醬意粉（$148）辣蒜香草烤雞（$188）巧克力（$55）

大自然森木系咖啡店—根，店舖以全落地玻璃裝修設計，令室內彩光度十足，店內樓底高，有一棵豎立既大樹根，配上一幅大藝術牆壁，帶比人一種好療癒嘅感覺🌳 食飯方面，價格雖然屬於偏高，但質素無令人失望，例如卡邦尼意粉，以天使麵做麵底，採用日本蘭王雞蛋，配上煙肉粒、烤到香脆嘅意大利火腿，油脂口感豐富好味道🥚 而其中一款吐司選用棉滑既馬斯卡彭芝士醬，微酸而有濃郁奶香，味道亦非常唔錯～ 整體而言，咖啡店帶比人一種放鬆心情既感覺，而且食物咖啡水準亦相當唔錯🍵

應該唔少人都知呢間係Jer開既咖啡店，地方細細座位唔多，但主題性黎講特別既🤫▪️慢煮雞胸沙律 配紅桑子醋汁（7/10）💲88雞胸慢煮過後軟嫩，配上個紅桑子醋真係幾酸，夠曬清新醒胃🥗▪卡邦尼意粉（6.5/10）💲148採用日本蘭王雞蛋，色澤真係好搶眼，蛋香濃郁🍳意式煙肉粒既油脂香唔錯，不過塊意大利火腿烤烘到硬身，單食的話實在太鹹，我哋都淨返佢喺度，唔加好過加🫣意粉係幼身既天使麵，但算係掛到蛋漿，另外黑椒味都幾濃😅整體份量比較少🤏🏻▪️ 苔玉（6/10）💲78有隻小甲蟲係青苔上面，打卡黎講唔錯🐞主題係朱古力慕絲同埋蛋糕，中間會係士多啤梨軟心，但大概雪左一段時間，質感比較實的的，個底係偏硬既朱古力脆脆🍫▪️ 焙茶（7/10）💲50 (Hot)入口都順滑既，茶味亦都可以☕️🔎 整體評分（6.5/10）

千辛萬苦，終於食到根🥲。上次黎，發現佢竟然有落場時間，行到身水身汗嘅我，今次睇準lunch後過黎，終於入到去啦🥰。其實環境算係幾舒服，餐廳正中間有棵大樹，呼應返餐廳名“根”呢個主題。”大樹下”呢個景點，當然好好打卡啦😊，但想坐得舒服，都係坐返另一邊嘅四人雅座好啲啦🙈。⭐️慢煮牛頰肉肉醬意粉呢個意粉，都幾好味，牛肉味都幾濃，茄汁都唔會話好假，整體係好食。以一個打卡餐廳黎講，佢算係超額完成。⭐️牛油果堅果碎吐司基本配置，真心係好基本，物如其名，就係牛油果加吐司加堅果碎。佢又唔係唔好食，但就普通左啲啲，屋企都會整到嘅簡單食譜，賣$148都幾貴😅。本來仲想試下好signature嘅甜品，點知話無😅。客人基本上都係鏡粉😂，睇身上嘅衣物同帶黎打卡嘅公仔，都好明顯分辨到。佢又唔係唔好食，但真係搵唔到記憶點。作為fans，黎支持下都ok嘅。但作為食客，又好似去一次就夠😅。

柳柳粉唔可以唔幫襯嘅打卡cafe！Cafe以大自然為主題 有室內同室外座位室內座位有bar枱/普通座位同樹幹位～Idiot當日星期日1點去到 等咗半個鐘 咁啱坐到樹位 好chill！-👩🏻‍🍳Idiots翻兜之選❤️‍🔥辣蒜香草烤雞 (半隻) 配薯菜 $168辣蒜汁係BB辣程度 幾惹味雞皮非常香脆 肉質好嫩滑😋沙律菜幾新鮮 配上黑醋汁好開胃薯條金黃唔會油整體好唔錯👅👅❤️‍🔥苔玉 $78賣相好吸引 最頂有隻紅色朱古力小甲蟲最外層係啲抹茶味嘅蛋糕碎 好似青苔咁😝裡面層「泥」係朱古力mousse 同朱古力海綿蛋糕 朱古力味超級濃！最中間有嚿士多啤梨軟心 口感QQ 有啲似麻糬😻口感好豐富～❤️‍🔥仙人掌 $68賣相一樣好可愛😻入面係榛子味mousse 同樣好濃好順滑～底層係朱古力+焦糖醬嘅撻 朱古力味勁濃 而且好脆！不過個撻底有啲難切～-👩🏻‍🍳Idiots食過就算⚡️卡邦尼意粉 ($148)同一般卡邦尼唔同 蒜味偏重中間有隻橙色嘅日本蘭王蛋 撈埋意粉之後每啖都有蛋黃味 幾正但意大利火腿有啲過鹹😶