SO Coffee & Gin

营业中

休息中

今次要介紹嘅就係一間位於深水埗嘅cafe佢有咩特別？！ 又有生酮餐可以叫啦首先佢有個出名嘅慢煮黑豚叉燒炒滑蛋三文治，可以轉生酮方包。生酮方包個口感極似真嘅方包，但係好濃烈嘅蛋香同杏仁香，黑豚用咗梅肉，腍滑得嚟有啲咬口，配埋個炒滑蛋就一流，酮學仔一定會好興奮大蝦脆肉瓜麵，啲蝦非常爽口彈牙，脆肉瓜麵又煮到啱啱好，佢個汁又有少少辣令到食嘅時候非常開胃。仲有兩杯咖啡都好濃好香Latte 好滑好綿，咖啡嘅濃同奶嘅滑比例啱啱好Coffe tonic，好多地方都有得飲，不過我覺得勝人之處係佢咖啡味唔會太霸道，加上tonic 有少少西柚味，可以有一個好好嘅平衡。服務員都好細心，order 食物嘅時候，佢見我嗌咗生酮嘢，會主動問我咖啡幫你轉杏仁奶？ 呢樣夠哂細心仲可以帶寵物入去一齊食嘢 ，同狗仔行街行到攰可以入去坐低飲杯咖啡休息下

位於荔枝角道嘅SO coffee & Gin喺人氣大排檔愛文生行過少少，前身為民興針車行，所以入面擺咗幾部舊式衣車作展覽用途，以示不忘本。嗌咗signature 嘅 coffee tonic($48) 同iced mocha($42) ，前者用哥倫比亞🇨🇴single origin 豆，入口就係濃烈咖啡味，比一般嘅coffee tonic 重口味，個人覺得酸度可提高，亦略嫌唔夠凍唔夠汽，不過，係有潛質嘅。iced mocha 有原粒朱古力碎喺底，記住搞匀先飲，豆係house blend，巴西豆，偏nutty，啡味幾濃，但朱古力味可以再突出啲。整體來講幾抵飲，份量大，價錢唔會太進取，店員（定老闆？）好友善會主動介紹咖啡，值得支持❤️-PS:店舖還有生酮飲食menu ，幾特別。