稻八日式火鍋炸物放題 (已結業)

2017年6月3日，今日無預期嘅大雨，無預期嘅黑雨警告，但換來今年首個酷熱天氣警告！酷熱天氣警告就梗係要留喺室內嘅地方啦，無限量飲住Asashi再嘆邊爐，真係一大享受呀！我哋去咗邊？之唔係去咗荃灣稻八日式火鍋炸物放題囉！呢度嘅入門價係$158至享受價$368，8款湯底，但食日式火鍋就一定要揀壽喜燒湯底啦！我嘅寶貝A姐問究竟日式和牛好味啲吖定澳洲和牛好味啲呢？以價錢嚟睇，應該日本和牛好味啲，但口味嘅嘢，人人都唔同，一於叫晒兩款比拼吓！喺等緊牛嘅時候，先出去攞吓嘢食先！除咗有沙律吧、日式小食、火鍋配料（菜類、丸類、麵類）之外，仲有一部DIY天婦羅機，首先喺雪櫃度選擇，想要嘅食材，如蝦、紫薯、腸仔、南瓜、茄子、蓮藕、冬菇、秋葵、福袋年糕、灸燒芝士丸、芋頭、魚餅，加上天婦羅漿同麵包糠，再放入部機度炸2分鐘，就有得食喇！真係好玩又好食呀！日本國產黑毛和牛三角腩：入口即溶嘅感覺太美好喇！肉質鮮嫩，油脂分佈均勻，記住淥5至6秒就食得喇！肉眼上蓋：脂肪比例較多，但入口香滑，唔油膩，牛味係三種之中最濃郁！牛肩肉：脂肪比例相對較少，口感十足，唔韌仲好香牛肉味！澳洲M6和牛盛合牛胸肉：肉質軟腍，無根幼嫩，接

週四晚收工後就同男朋友搵飯食，試左呢間稻八日式火鍋炸物放題，價錢唔貴，質素都唔錯喎一共有6個價錢，定價$168-$368，任食120分鐘，9:30pm後入座仲有全單85折。餐廳裝潢帶日本風，空間感足，分佈唔會密密麻麻，牆上仲有幾靚嘅壁畫。有個角落掛左好多許願木牌，客人可以喺門口位置自取，寫上願望，都幾特別嘅。所有套餐包肉類任食，蔬菜、丸類等自助吧自取，另外設有DIY炸天婦羅吧，客人可以親手試做天婦羅，沙律吧、雪糕、糯米糍都係任食，飲品任飲，選擇豐富。湯底有8款，例如鮮蕃茄湯、沙嗲湯、北海道3.7牛乳牛骨湯等，雙味湯底每鍋加$18。我地揀左一個除左牛、豬、羊、雞、炸物，仲包埋刺身嘅牛小排放題($238)，每位加$20可任飲啤酒Asahi，會飲酒嘅抵鮮蕃茄湯底就冇乜特別啦，都有幾片蕃茄同少少茄味，呢啲湯底都係自己拎材料再調較味道啦，加啲粟米、冬瓜片、南瓜片。極上安格斯牛小排放題 $238呢個餐包括特級美國榖飼牛、美國進口牛肉、羊肉、美國自然豚肉片、日本北海道雞片、炸物、刺身任食，兩位起會送一份海鮮盛合。$238以上嘅套餐可任選刺身，點其他餐嘅客人如果想食就要單點，逐件計錢，$3-$5/件。