Feather & Bone

营业中

休息中

話說好姊妹住荃灣區，於是上網搵下有邊間餐廳有早餐食，而且又夠chill、又打卡靚。咁就比我搵到呢間。早餐都多選擇，而且早上7:30-9:30 有免費咖啡（不過只有 Flat white、cappuccino、latte ) 食物方面，都好有水準

每次晚巿去都無位，今次決定下午三點去，的確係人唔多，感覺好chill入面係歐陸風得黎又少少輕工業風，啲牆身比較raw，再配皮梳化，個環境已經好靚另外覺得佢個吧枱都好靚，夜晚係度飲酒應該真係幾chill幾正。隔離枱既外藉人士都飲緊紅酒咖啡，但我哋就唔慣呢個鐘數飲，所以無叫。我叫左Full English, 最有驚喜係佢既豬扒，茄汁豆同埋條腸。豬扒好嫩，調味岩岩好。茄汁豆有少少辣味，有啲似平時食意粉果啲醬。條腸就唔記得叫咩名，但入面應該加左香草同其他香料，好特別，絕對係出面餐廳既all day breakfast 食唔到同行朋友叫左rib-eye 其實侍應有話可以自己行出去揀扒，再叫廚師整，佢入口位置係一個賣食材既店面，入少少就係大雪櫃俾人揀肉、芝士等等。但由於我哋對唔係好有研究同比較懶，所以就叫左佢menu個rib-eye就算。塊扒有啲太細塊，但整體味道好好，肉味濃，肉質軟，多汁，將對值得一試埋單大概四百幾，性價比ok，可以間唔中食下

同朋友黎呢度食lunch,響海之戀入面好方便~餐廳可以坐inside或者outside,兩度環境都好靚我地選擇左outsideFull English其實即係all day breakfast,有蛋,多士,茄汁豆,腸,蘑菇,煙肉,薯餅 個茄汁豆係有少少辣既 整體都ok,但價錢有啲貴Smashed avo牛油果蓉多士,整得好靚但個包有啲硬Apple  &  Cinnamon  crumble個crumble有啲鬆散,整得唔係好實,味道一般