CoHee

营业中

休息中

去完粉嶺參觀法院去埋隔離Cohee速食，開始落雨☔️，有室內室外位，都有7成滿，午餐🥣叫咗明太子🤴小龍蝦🦞扁意粉🍝（$113），都幾足料，好飽，餐飲加$15有latte，有拉花，味道👅唔錯😌，有張卡仔介紹用咩豆同咩風味，甜品🍮叫咗自家製日式🇯🇵焦糖布丁🍮（$42），夠哂甜，啱我，女👩🏻侍應服務幾好👍🏻，臨走較啱時間追巴士🚌

雖然呢間cafe我成日都去，但通常都係下午茶時段先去，仲要講緊係平日食飽飽去嘆杯咖啡就坐半個晏奏😆😆朋友見我成日去，有日平日得閒就入嚟搵我食lunch同試吓我呢間成日去嘅Cafe☺️叫咗個 #慢煮雞胸沙律配柚子醋汁 ，因為我朋友食咗早餐先出嚟，話唔算好餓，所以諗住叫個沙律無咁飽～ 個雞扒好滑，柚子醋好清新解膩～另外叫咗個 #黑松露雜菌溫泉蛋扁意粉 ，呢個想試好耐，因為睇相好似勁多芝士😂 作為芝士人，我好好奇個味係點，不過食落原來都唔係好重芝士味，比我想像中普通🙈不過都算幾多菇最後一人一杯 #Latte 🫶🏻 一如以往好飲～住開九龍嘅朋友話呢間Cafe環境好好，有啲似去咗外國feel🤭 之前天氣涼涼哋嘅時候，我坐過出面我都有呢個感覺🤭🤭

粉嶺唔多咖啡店，呢間係一間我經常去嘅cafe❤️ 佢哋位於 #粉嶺港鐵站 附近，由車站行過去大約5分鐘左右路程，要由 #前粉嶺裁判法院 正門鐵閘到入（即露天停車場隔離，對住祥華邨個門口），然後經過前粉嶺裁判法院行到尾先係。其實佢正正前面有個閘口位，但嗰個位入唔到，我第一次去嗰時行咗去後面，結果都要兜返轉頭正門入🫢呢間cafe其實都幾大同幾多位，有室內同室外，冬天好天嘅時候，我會揀坐出面Chill下～ 望出去四周無高樓大廈，即刻有離開香港感覺。室內裝修好舒服，佢有啲位係好似日本榻榻米咁可以坐地下，同朋友嚟坐嗰啲位都幾Relax。佢有Cake、包類同正餐食，暫時我食過佢幾款Cake同Bagel，未有機會試正餐🤭呢杯 #Latte 係全粉嶺最好飲嘅🤣Nutty 味，個奶又香濃，我成日過去叫杯咖啡就消磨一個下晝。