BRICK LANE Deli (已結業)

沙田新城市廣場這間Brick Lane Deli 餐廳，絕對係 shopping完後最佳補給站。今日同老婆兩口子行完這商場， 大家都知新城市商場有幾大㗎喇， 閒閒哋都會行幾個鐘， 行到好攰之際比我見到這間咁顯眼餐廳，又碰上非常肚餓，就决定食這間。餐廳主打英國菜，有薄餅、漢堡包和all day breakfast，還有多款特色嘅甜品。 睇啱餐牌，就可以自行到收銀處 畀錢， 稍等一會兒，食物就會由侍應送上。 而這裏座位非常多， 加上餐桌之間寬敞，又有梳化座位，輕鬆自在。先嚟Lobster Eggs Benedict HK$168, 這裏招牌菜之一， 我哋都係睇IG才決定食這， 賣相絕對吸引， 味道 有非常特色。 先有龍蝦肉的鮮甜味, 龍蝦肉粒全部放在蝦頭中， 啖啖鮮味。 而班尼迪蛋配上鹹蛋黃荷蘭醬， 食落分外滋味， 加上流心狀嘅蛋黃，吸引至極，味道额外甜滑。燒豬肋骨HK$128, 稍為要等多片刻才食到， 因廚師是即時焗的， 但味道確實值得回味。 豬肋骨燒得好香，肉質 嫩滑,加上燒烤汁甜甜地又唔腻，十分惹味。 伴碟的蘆筍和薯蓉也不錯， 蘆筍幼嫩爽口，正。還有這裏的甜品，當然唔可以錯過，紅絲絨

無意中發現Brick Lane進駐了新城市廣場，於是放工順路過黎一試。店員好主動接待，坐低睇完餐牌之後，只要拎住檯面上的檯號就可以出去counter直接落單。晚市餐牌都好多款選擇，有傳統英式all day breakfast，fish n chips之外，亦都有Pizza，意粉等好飽肚嘅主食。忙完一日真係好肚餓，於是叫左好多嘢食。Lobster Eggs Benedict 荷蘭汁配上一粒一粒龍蝦肉，再加上蛋汁，味道意想不到的夾。½ Grilled Chicken 雞肉烤完可以繼續保存到肉汁，唔會變得好乾好鞋，雞胸厚肉部分都仲係好嫩，呢個值得推薦，至於配菜的薯蓉都好滑好香。Guinness Beef Stew with Bread 牛肉燉得好稔好入味，而且份量好大份，即使只係配麵包都已經好飽肚。其實甜品都好吸引，但由於實在係好飽，食唔落，下次有機會要過黎試下佢啲甜品。

同大學同學又係時候一聚，個日先講起以前一齊返學食飯，今日朋友就話帶我去重捨昔日美好，去食返餐英國菜咁話，我地去左呢間BRICK LANE Deli食。餐廳係需要店員安排入座，但其餘一切，拎水拎餐具，甚至叫野食都係各下自理，幾自由嘅感覺！裝飾方面用上代表英國嘅單車做擺設，再加上鋼材屏風及鐵絲網，滿有代表工業革命嘅色彩，非常英倫風。餐牌方面，傳統All Day Breakfast係必備的，Eggs Benedict，Ribs 同Grilled Chicken 都算係英式大路菜式，佢有齊晒，一幕幕舊時嘅畫面湧出黎！而且仲有Pasta 同Pastry，菜式非常到位。我地一人點一個餐，另外再叫左個Egg Benedict 分黎食。首先我叫左個1/2 Grilled Beer-Marinated Chicken $108，再配餐湯、沙律、飲品。今日個餐湯係薯仔忌廉湯，薯仔味好rich，個湯creamy得黎，又咬到d薯仔粒，唔錯！沙律係沙律菜配上上蕃茄及粟米，黑醋嘅微酸，非常開胃。呢個烤雞雖然半隻都幾大份下，望到都驚驚呀。不過一切落去，有驚喜wo，肉質一d 都唔粗糙，無overcooked！口感結實

之前食過尖沙咀總店一試難忘，愛上佐班尼蛋😚 但奈何香港無乜地方有得食👉🏻👈🏻 所以由佢未開之前，已經好期待😍 .有別於尖沙咀的別緻裝潢，比較普通同開放式，此店採用半自助既形式，同前店一樣有led menu，埋位後先看餐牌然後記住自己枱號再到cashier落單比錢，咁岩我地個位上面仲有個牌做裝飾(雖然唔知係有乜意思😂），而枱面係用依期打卡好hit既大理石😚。.Lobster Eggs Benedict $168一上碟就嗅到好香既龍蝦味😍 但一入口係偏龍蝦沙律既味 同埋龍蝦肉既份量都偏少 所以一心諗住嗌依個食龍蝦就可能會失望了 主角🤤 食親班尼蛋 見到佢流心果下真係好治癒😚 唔知有無人有同感哈哈 一口食落去個口感真係好豐富 🙈 但係佢話配鹹蛋黃荷蘭醬 完全無食到鹹蛋黃味😂.Classic English Breakfast $85雞蛋有得簡太陽蛋定炒蛋，我地簡佐炒蛋，但整體黎講略為普通，煙肉都幾好食無其他地方咁油，不過A1同A2配菜係有分別既，但係我地無佐蘑菇同焗薯換黎豬肉腸同烤豆🤦🏼‍♀️ 唔知係咪因爲新開張所以⋯ .整體黎講，雖然有啲失望，但依然係我覺得全港最好食既班尼蛋餐廳☺️，但我會p