Little Napoli (已結業)

咁我都慣左睇中果一樣食物果期就會係咁食今期就係正宗拿玻里pizza有一次終於去左想食左好好好耐既little napoli呢間開店短短一兩年由蔡瀾介紹經MM再講多兩次拎左亞洲五十大pizza最後今年仲入選埋米芝蓮真係唔食都對唔住自己不過跑馬地山同數碼港一樣長水遠仲要轉電車入去餐廳又日日都大排長龍真係幾難搞但係上次試過星期一諗住去但無開轉左去食老母pizza覺得麻麻地之後去lttile napoli就好似變成左怨念一樣結伴就係一個收工落大雨既星期二夜晚係灣仔坐叮叮過去係電車總站落車再行過去原來舖頭就係座銀對面但當時我係完全無留意到呢個地方影片話餐廳入面裝修都係意大利運過黎主廚gavino pilo亦都係意大利人餐廳主打外賣pizza雖然店入面都有兩張檯但最多都只可以企到五六個人所以我地都要係門口排隊等入去都仲keep住見到有人黎拎外賣而我地就由七點九開始等舖頭營業時間去到九點我地都驚最後會食唔到後尾每次有人行過想排見到我地都覺得要等好耐而放棄大約八點左右終於入到我地應該算係最後一班客原本以為老闆係意大利人所以要用英文落單但原來舖頭都有香港職員餐牌除左中英對照仲有對應番既實物圖睇完mm當然

朋友推介佢地嘅Pizza 係跑馬地名物！難得去到跑馬地就緊係要試試啦🍕🍕成個Pizza 嘅皮係最好味，軟軟的又重麵粉香，就算只係食個皮都會停唔到口！餡料似乎係用全新鮮食材，特別係茄汁底食到酸酸甜甜新鮮蕃茄味道，真材實料嘅感覺！佢仲有教學教大家正確食pizza方法🤭因為即叫即焗，繁忙時間要等一個小時以上！MARGHERITA $188餡料有：聖里馬札諾香濃茄醬、 阿傑羅拉水牛芝士、鮮羅勒，羅馬羊奶芝士DIAVOLA $208同上面果個好似，只係多左莎樂美腸

餐廳主打傳統拿坡里pizza,入門口見到店內裝修就知店主好有誠意，會見到來自拿坡里既傳統石窯烤爐，師傅就係旁邊即時拉好麵團放餡料，再放入爐內烤焗，睇住呢個製作過程都係一大享受👍🏻店內位置較小，只有一張坐到4-5人既長枱，同埋係旁邊既一張小枱，所以大部分街坊都選擇外賣，如一大班朋友想約埋一齊食可能要另覓地方🙈今次叫左最傳統既Margherita聖瑪札諾香濃茄醬阿傑羅拉水牛芝士羅馬羊奶芝士鮮羅勒欖欖油【全香港最好食既pizza👑🍕】呢個名簡直當之無愧！新鮮熱辣就唔洗講，即叫即焗即上枱，香濃既芝士味馬上撲鼻🧀店員亦教我地最好品嘗pizza既食法係要將pizza左右對接食，滴出黎既汁可以用包邊沾黎食，食完第一塊終於明白點解要咁食😂因為麵團就算焗完都係比較軟熟，pizza如果就咁拎起，上面既茄醬或者溶左既芝士一定會倒塌😂😂😂我認為最好食另一原因就係個餅底，真係好軟熟！顛覆左平時既想像🤯再加埋芝士半溶拉絲既質感，係完美配搭！同埋都可以幾肯定pizza既材料係冇味精😂當晚本想叫拿坡里啤酒，可惜餐廳暫未有酒牌，所以冇叫，本來諗住食完要拿拿林出去買野飲，始終都係熱氣濃味食物，點知食完行返出去銅鑼灣，可能

跑馬地新店。廚師Gavino Pino來自義大利，一人主理，客人落左order，再用預先整好嘅Pizza Dough搓個Pizza Dough，再擺入去用磚頭整嘅焗爐10-15分鐘，確係新鮮出爐！🍕😋依家無得堂食，好多人特登揸車🚗喺車入邊食。原因Neapolitan Pizza厚邊，中間比較薄，真係好快就凍!但都強烈建議要試試！

好耐冇食過好味到可以一塊接一塊嘅Pizza啦🤤最近就俾我發現到喺跑馬地入面嘅Little Napoli，主打用拿坡里傳統石窯烤爐烤嘅Pizza，係最正宗嘅拿坡里味道😍 今次試咗最經典嘅Margherita (HK$158) 同 Vesuviana ($218)，所有Pizza即叫即整，批邊係外脆內軟好有空氣感，仲有啲炭香，Pizza中心係濕軟。佢哋呢度係會成個Pizza上，然後再俾較剪你剪開嚟食，食食下好快就食曬成個Pizza😈 Margherita嘅蕃茄醬香濃得嚟帶少少酸，配埋水牛芝士同羊奶芝士啱啱好，一啲都唔膩👍🏻 另外Vesuviana係比較少見嘅白汁底Pizza，食落好香菠菜味，有少少辣，推介！之前都有食過其他出名嘅拿坡里Pizza但都幾失望，有啲個邊係燶曬食落係苦嘅，有啲個中間係濕到出曬水😪 所以話其實好食嘅Pizza真係好難搵。P.S. 佢哋係啱啱開業，所以營業時間可能會有啲浮動，暫時平日得夜晚開，weekend就開lunch同dinner。