Kachimushi

营业中

休息中

繁忙工作了一整年，年廿九收爐，放假去咗西貢食午餐放鬆一下。😌 西貢係慢活嘅好地方，喺西貢市中心行大概5分鐘，見到間日系簡約Cafe就入去試吓吧。坐喺窗旁，柔和既陽光從窗邊照入，看著寧靜樸實既街景，感覺十分溫暖～☺️🌸 波特蘑菇Open Toast $98本身想叫Wagyu Beef Open Toast，但今日冇哂和牛，有啲失望。🥺🥺🥺 食肉獸既我叫咗個蘑菇toast，唔知係咪有d失望既關係，呢個蘑菇toast就變得好有驚喜～🤩😂 吐司上面放咗兩隻大啡菇同埋好多火箭菜，吐司用咗酸種麵包，質感煙靭濕潤，比起出面嘅酸種麵包較酸，我幾鍾意。☺️ 將酸種麵包夾埋d蘑菇、火箭菜、巴馬臣芝士、比爾芝士連忌廉蘑菇汁一啖食落去，口感豐富，味道濃郁，冇肉食都覺得好好味～😚👍🏻🌸 Mixed Berries Dutch Baby Pancake (西貢限定口味) + 豆腐雪葩🍨Pancake即叫即焗，以鑄鐵鍋盛載上枱熱辣辣。Pancake蛋味濃郁，邊位焗得好金黃香脆，蛋漿又唔太厚。豆腐雪葩豆味濃同熱pancake一齊食有種冰火交融嘅感覺，配埋雜莓🫐一齊食，酸酸甜甜唔膩，果然係餐廳推介～😋👍🏻🌸 Matcha

呢日係平日下午，雖然入西貢無得襯熱鬧，但多左一份寧靜悠閒既感覺。之前聽朋友講呢間人氣cafe周末成日排長龍，襯呢日係平日，當然要試一下。Cafe係出名賣茶果果條街，唔難搵。主食好似選擇不多，但具有小店特色，好多都係一般cafe較少見，例如：Open Toast 和 Dutch Bany Pancake。作為抹茶控既我，當然會揀Matcha latte。抹茶同花混合得幾好，口感順滑，抹茶味出，好飲！是日餐湯同包好精緻，特別係個包，份量多，有咬多，好食。個周打蜆湯大大碗，兩個人share都ok。味道仲要creamy得黎，飲完都唔會感到膩，必叫。黑松露蟹肉沾醬配吐司蟹肉份量不少，帶鮮味，加埋陣陣既黑松露味，味道特出得黎，唔會覺得過咸，連我個揀飲擇食個朋友都話岩食。真係有啖啖蟹肉。上網見呢Dutch Baby Pancake咁人氣，當然是叫返個試下。個Pancake係薄身同重蛋味，加埋個豆腐雪芭，味道好有驚喜，會唔覺唔覺食哂。

今次是二訪了，上次衝住Dutch pancake而去，呢次推介埋朋友同我一齊去試幾款食物。Cafe以白色及木色為主，簡潔又不失打卡元素，特別留戀佢地嘅門面位置，真係會讓你不停按下快門，當日去到聖誕裝飾尚未移除，氣氛滿滿啊！寒冬之下，取暖當然需要熱湯，所以坐低就點咗碗暖暖身。是日湯品係粟米濃湯及蛤蜊周打湯，和朋友一人點了一款，想不到份量超大呢，不得不說蛤蜊周打湯十分足料，濃稠又多料所以有點飽肚感啊！凱撒沙律都好大碟，沙律菜新鮮所以幾爽脆，另外仲有麵包粒及紅莓乾增加口感。多士有幾款，其中Portobello Mushroom Open Toast同SRF Beef Open Toast都好吸引，所以why not both梗係嗌晒佢啦！大啡菇好多汁，所以食落唔會乾，配合松露醬超搭啊！極黑和牛toast牛肉粉嫩肉味幾重再加埋焦糖洋蔥同埋薄薄一層芝士，好食得讓人意猶未盡啊！除咗食toast當然要再食外面比較少見嘅Dutch Baby Pancake，之前曾經有段時間好迷Dutch pancake，但食開個間餐廳無再營業就好耐無食啦！今次試雜莓Dutch Baby Pancake仲加配一球冧酒提

每次來到西貢都會十分興奮🥰恍似置身去了一個小旅行一樣!附近海旁景色很美,令人感到很放鬆!然後去了一間人氣Cafe⭐️門口裝修已白色小清新風格作為特色很吸睛😍於是和朋友決定在這麼美的Cafe食午餐。店內雖然空間不大,但設計方面有點小心思☺️我和朋友都瘋狂拍照打卡🤣極黑和牛⭐️店內人氣之選必食牛肉Toast😋牛味極度濃郁,細緻油脂在口中擴散開來,肉質Q彈有嚼口,加上火箭菜和焦糖洋蔥味道絕配,味道令人驚嘆十分推介👍芝士拼盤⭐️拼盤裏面有三種芝士,埃文達芝士,羊奶芝士,比爾芝士!配料有無花果,風乾火腿,麵包,核桃,葡萄亁等等..可以自由配搭自己口味👍我最喜歡羊奶芝士,羊奶奶味香濃很軟滑。Cafe mocha⭐️朱古力同咖啡調配剛好,不會蓋過原本朱古力的甜味,賣相也很漂亮😍Matcha latte ⭐️抹茶鮮奶入口順滑奶味香濃😋