天然酵母麵包店

营业中

休息中

多數人都鍾意食鬆軟嘅麵包，但大部分都添加防腐劑同人工酵母。酸種麵包相對比較健康，因為佢只係用麵粉、天然酵母、鹽和水做原料。 香港食酸種包嘅cafe唔多，Levain 喺Quarry Bay開左新店，我又剛剛經過附近所以試吓。新店面積頗大，坐得舒服，又有音樂同裝飾，都幾chill。我試左佢地main menu嘅 baguette w/ Parma ham n gruyere 同 mocha。麵包有成呎長，偏硬但脆嘅，由頭到尾都可以食到Parma ham同gruyere ，幾足料，賣相都幾給引。Mocha真係有驚喜，佢唔似出面一般cafe有靚靚嘅topping，但一飲就知佢係實而不華。一開始係濃濃嘅朱古力味，口感厚滑，隨之而來嘅係咖啡嘅少少酸味，層次豐富。老闆最後送咗我一碟蘋果，佢話配合麵包一齊食又會有另一種味道。我反而覺得飲完杯mocha食件蘋果，個味道幾特別幾fresh。櫥櫃有十多種麵包供選擇，花多眼亂。環境裝修好靚，好chill。