Helen’s

营业中

休息中

今日同男朋友放工後到尖沙咀這間酒吧飲野傾下計。這間在尖沙咀的酒吧，在金馬倫道對面的厚福街中，在3樓全層，好大好寬敞好有型的環境，設計好有心思好有感覺的酒跑！燈光暗暗幾有feel,每張枱面都有4個骰盅，枱都幾闊！酒吧主點是飲野吹水，這裡酒的選擇都幾多款（啤酒、威士忌、蘭姆酒、雞尾酒等等），我們叫了2杯雞尾酒，就上這個伴酒小食（雜錦脆脆）好香脆又野味，好多不同款式的，有青豆、花生、芥末脆花生等，男朋友好喜歡這個伴酒小食，食到唔停口雞尾酒選擇了這2杯（Mojito & Helen's thyme), 好靚的顏色及裝飾(Helen's Thyme)以lime、thyme、熱情果、elderflower 及Vodka，喜歡百香果的酸酸甜甜，lime又好新鮮，好特別的配搭，酒味濃郁，唔飲得的我要慢慢品嚐(Mojito)好靚的一杯！以lime juice, rum、mint leaves & soda 作調配，好正好清新，酒香又配合得好好（唐揚魷魚圈）好香脆好有口感，彈牙美味、外皮脆內面軟，熱辣辣香噴噴！！我們都好喜歡的必推薦的小食（香烤辣雞翼）香辣味濃郁，好香好熱！單骨的雞翼好方便食，美味可口又香

今晚食完飯，朋友話想再飲下野傾下計，知道尖沙咀附近有間開左唔係好耐既飲野地方，於是就去試下！餐廳位於厚福街H8內，這裡不嬲都有很多不同的食肆，而形象最深就係電梯一開口後，仿如去了另一國度，餐廳佈置很有異國風情，有很多神像，很特別。燈光當然是昏暗，飲野地方通常都是這樣的。可能是平日晚上同時間尚早，所以唔算好多人，店員可以俾我地自己揀位。坐低後侍應遞上一份menu，menu是過膠的，很環保，只要在上面自行寫上需要的交給店員即可。炸薯條，冇諗過有咁多，薯條是幼身那種，但不會炸得過濃，鹽份適中，送酒一流。香烤辣雞翼，是以串上的，估唔到有咁多隻，有10隻，每兩隻一串，雞翼只有一條骨。味道都幾辣，但飲酒配上一齊食，能刺激到味蕾。Pina Colada，椰奶味較重，帶有少少酒既苦味！對於少飲酒既人呢款幾特別！Mojito ，這款我覺得幾岩女仔飲或者好少飲酒既人，因為飲落好似青檸梳打，容易入口，好快就會飲哂！總括黎講，酒吧位置易搵，正正在好多野食的厚福街。裝修很特別，仿如去了異國風情的地方。酒吧侍應很貼心，會主動幫忙客人。酒類選擇都算幾多，小食份量多，性價比高，值得再跟朋友黎chill 下！

食完飯諗住飲杯野先返屋企，行過見到張banner話請你飲一年啤酒，所以就比吸引左入黎。上到黎環境比我想象中大，餐廳裝修帶點異國風情，周圍都有d好奇特既擺設，仲放滿世界各地既國旗仔。望到個menu有d驚訝，食物同飲品都好平，大約係平時d酒吧既7成，非常抵。基本上你一揮手侍應就會即刻過黎，上菜速度亦好快？Helen's既然同店鋪同名，我相信應該係招牌。裏面有Gin、Butterfly Pea Syrup、Lime等等，其實味道不錯，都夠balance，不過如果gin味再多dd就更好。Mojito另外叫左杯常見既mojito，mojito製作簡單，所以其實同一般酒吧味道都差不多，不過如果酒精味道再重d就好喇。Chicken Wings其實好好食，雞肉好嫩滑，辣味又足，但對我黎講有d太辣。價錢十分抵，$68竟然有10隻雞翼。French Fries同M記既差不多，但其實我係中意食M記既幼薯，所以好岩我。Like Facebook page 仲送1664，like完見到星期五、六 3人同行送beer tower, OMG!總括而言，食物同野飲質素都幾高，而且服務非常好，價錢係平到完全唔知道佢點賺