寶軒印度餐廳

营业中

休息中

印度菜真係久唔久都要食下☺️，太耐無食早排去開tst就搵下。不過重慶大廈嗰邊就未有勇氣試😂，所以黎左K11呢邊。呢間餐廳位於半島大廈，入口比較隱蔽，喺藥房隔離行入去就係大廈入口，行樓梯上去1樓轉左就到啦✨。🔅Murgh Masala ($108)食印度野點少得Masala🤤。好香濃，唔算好辣🌶，加上微微既酸味，食落唔會膩，好惹味🤩。入面仲有幾件雞，都頗入味。特登配個paratha，點咖哩就perfect🥰。🔅Dum Pukht Biryani(Chicken) ($158)黎呢到主要係因為openrice見到呢個古法炭燒煲仔飯，覺得幾有趣😝。印度香飯biryani偏幼長，同平時食開既泰米/日本珍珠米好唔同，口感輕盈啲，加少少咖哩辣辣地仲正😙。個飯份量好多，最少都夠3個人食，唔係特別大食既都夠4個人，計返一啲都唔貴。🔅Laacha Paratha ($32)千層烤餅都係食印度菜必叫😚。呢到係用全麥麵粉整，無平時嗰啲咁油，燒到少少焦香，點埋咖哩無得彈☺️。💬餐廳位置唔算好易搵，可能人流就比較少，有啲可惜。整體食物相當滿意，連埋加一都係300蚊鬆啲，好抵食😎。

一直想試正宗啲嘅印度菜🥴咁岩喺尖沙咀搵到呢間果然係好選擇👍🏻門面睇落唔起眼 原來係開咗好耐🎊 仲要曾經得到 Hong Kong Tatler推薦🏆果然有返咁上下質素 裝修帶點傳統懷舊風 但係店員非常親切💕 味道果然好有水準喺傳統味道同香港人口味中間拿捏一個完美既平衡 少食異國菜色既都一定會鍾意 🇮🇳⭐️ Tandoor Ki Bahar 🍖一次過試到幾種印度式燒烤🔥 有魚肉雞肉同羊肉🐑燒完口感難得唔會太乾身都好Juicy🤪 炭烤香味好濃 香料既味道唔算Typical 反而好有層次唔會淨係辣🌶⭐️ Murgh Masala 🍗雞肉口感好嫩滑🐔 瑪沙拉香料比一般杰身🌿 但係聞落去到入口每一啖都濃濃既香料味🤎絕對唔係一般嘅咖喱雞🥘⭐️ Malai Kofta 🧆呢個比較少見嚟嘅係炸過嘅芝士素菜薯餅 🍘入口唔會太Dense 好香口🥰 用香濃Creamy既 Gravy 包住黎食 點Naan一流🤍⭐️ Naan 🥙鬆軟程度出色唔會太重麵粉味🍞 咬落去有空氣感⭐️ Masala Tea 🧋⭐️ Mango Lassi 🥭兩款飲品都好傳統地道🤪 香料茶比較龍尾但配上幼滑嘅奶茶Blend得好Smooth好容易入口☕️