Artemis & Apollo

营业中

休息中

4

4

100 食记

味道

环境

服务

卫生

抵食

|

22554

湾仔

$201-400

地中海菜希腊菜

69

21

6

Prawn Saganaki

4 已推介

fat pooh

等级4

732

0

Artemis & Apollo 位於灣仔月街，係一間傳統希臘菜餐廳，個門口都好有希臘小白屋既感覺，希臘菜平時真係好少接觸，我地一行8人一齊體驗下Cold MezzeHummus鷹嘴豆泥Tzatziki Theodoros希臘青瓜乳酪Roasted Eggplant烤茄子泥配以一碟蔬菜條同pita bread一齊食用，3個醬入面我覺得Hummus係最好味，酸酸地既味道同蒜味好香，pita bread亦都軟熟同d醬好夾SaladCypriot 主要有希臘乳酪、洋蔥碎、番茄粒、香草、紅石榴、小麥脆粒等等既材料，第一啖好有驚喜，小麥脆粒好脆口同所有野都好夾，但食到一半個口開始咬到好攰同有點膩Hot MezzeSaganaki Platanos鐵板燒芝士，用上羊奶芝士，再加上杏脯果醬同杏脯肉，羊奶芝士膻味無平時咁強烈，芝士既咸同杏脯既甜形成一個好大既對比，味道好夾Spit-Roasted Meats and SeafoodPrawn Saganaki 呢個絕對係打卡既菜式，侍應會淋上已點了火既酒落鐵板蝦到，個個唔係火咁簡單，係火焰黎架🔥🤣，蝦燒得好香亦都食到酒香味，好食Chicken Sou

更多

Artemis & Apollo 位於灣仔月街，係一間傳統希臘菜餐廳，個門口都好有希臘小白屋既感覺，希臘菜平時真係好少接觸，我地一行8人一齊體驗下

Cold Mezze
Hummus鷹嘴豆泥
Tzatziki Theodoros希臘青瓜乳酪
Roasted Eggplant烤茄子泥
配以一碟蔬菜條同pita bread一齊食用，3個醬入面我覺得Hummus係最好味，酸酸地既味道同蒜味好香，pita bread亦都軟熟同d醬好夾

Salad
Cypriot 主要有希臘乳酪、洋蔥碎、番茄粒、香草、紅石榴、小麥脆粒等等既材料，第一啖好有驚喜，小麥脆粒好脆口同所有野都好夾，但食到一半個口開始咬到好攰同有點膩

Hot Mezze
Saganaki Platanos鐵板燒芝士，用上羊奶芝士，再加上杏脯果醬同杏脯肉，羊奶芝士膻味無平時咁強烈，芝士既咸同杏脯既甜形成一個好大既對比，味道好夾

Saganaki Platanos

Spit-Roasted Meats and Seafood
Prawn Saganaki 呢個絕對係打卡既菜式，侍應會淋上已點了火既酒落鐵板蝦到，個個唔係火咁簡單，係火焰黎架🔥🤣，蝦燒得好香亦都食到酒香味，好食

Chicken Souvlaki
雞肉烤肉係好有希臘風味既一道菜式，但真係好咸，咸到完全食唔到，有點失望

Honey Lemon Chicken
因為我地都有好多人唔食羊，大廚特登整左呢款蜂蜜雞卑我地，味道酸酸甜甜，雞肉肉質亦都好嫩滑，雞肉略嫌咸左少少，整體都好好食

Honey lemon chicken

Steki Tou Ilia Lamb Chops by the Kilo
烤薄羊架係呢度既signature，份量亦都唔少，中間有d乳酪中和返個油膩感，大火烤既關係邊位有少少燶味但係香口的，鍾意食羊既朋友應該會喜歡的

環境係不錯的，但燈光也未免太暗了，暗到我唔係好睇得清楚d食物，希臘菜主要都以奶製類食品為主，所以我地食完頭盤同沙律都已經好飽🙈，整餐既體驗係唔錯的，好岩一大班人gathering 既好地方

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

推介美食

sleepbeauty

等级4

654

0

再訪希臘小餐館，今次就join左佢地嘅Greek Wine Orgy，完全係超另類體驗！先黎紅白酒任飲嘅希臘盛宴，再黎全場一齊載歌載舞，之後竟然仲有smash the plate呢個環節！簡直係全晚最舒壓嘅一刻，氛圍超正呀！🍷𝙂𝙧𝙚𝙚𝙠 𝙒𝙞𝙣𝙚 𝙊𝙧𝙜𝙮 $688pp 𝘸𝘪𝘵𝘩 𝘧𝘳𝘦𝘦-𝘧𝘭𝘰𝘸 𝘳𝘦𝘥 𝘸𝘪𝘯𝘦 + 𝘸𝘩𝘪𝘵𝘦 𝘸𝘪𝘯𝘦 + 𝘰𝘶𝘻𝘰𝘾𝙤𝙡𝙙 𝙈𝙚𝙯𝙯𝙚1️⃣Roasted Eggplant 香烤茄子睇落樣樣衰衰，但食落又唔錯喎。質地好軟滑，相對希臘乳酪薄身，入口帶煙燻香~2️⃣Tzatziki Theodoros 希臘青瓜乳酪醬稠滑，味道有啲似魚柳包嘅沙律醬3️⃣Warm Pita and CruditésPita任食唔嬲！趁熱食好軟熟，放涼左就變得有咬口，唔覺唔覺食左勁多塊。Crudités就有蘿蔔、西芹、椰菜花、青瓜等多款蔬菜。雖然好raw又無乜調味，但全部都勁爽脆！食得岀好新鮮！作為開胃菜唔錯~ 無論係pita定Crudités，點埋上面兩隻醬都別有一番風味𝙃𝙤𝙩 𝙈𝙚𝙯𝙯𝙚 4️⃣Prawn Saganaki 火燒大蝦！店員會係客人面前點燃希臘茴香酒再倒落鐵板，個火

更多

再訪希臘小餐館，今次就join左佢地嘅Greek Wine Orgy，完全係超另類體驗！先黎紅白酒任飲嘅希臘盛宴，再黎全場一齊載歌載舞，之後竟然仲有smash the plate呢個環節！簡直係全晚最舒壓嘅一刻，氛圍超正呀！

🍷𝙂𝙧𝙚𝙚𝙠 𝙒𝙞𝙣𝙚 𝙊𝙧𝙜𝙮 $688pp
𝘸𝘪𝘵𝘩 𝘧𝘳𝘦𝘦-𝘧𝘭𝘰𝘸 𝘳𝘦𝘥 𝘸𝘪𝘯𝘦 + 𝘸𝘩𝘪𝘵𝘦 𝘸𝘪𝘯𝘦 + 𝘰𝘶𝘻𝘰

𝘾𝙤𝙡𝙙 𝙈𝙚𝙯𝙯𝙚

1️⃣Roasted Eggplant
香烤茄子睇落樣樣衰衰，但食落又唔錯喎。質地好軟滑，相對希臘乳酪薄身，入口帶煙燻香~

2️⃣Tzatziki Theodoros
希臘青瓜乳酪醬稠滑，味道有啲似魚柳包嘅沙律醬

3️⃣Warm Pita and Crudités
Pita任食唔嬲！趁熱食好軟熟，放涼左就變得有咬口，唔覺唔覺食左勁多塊。Crudités就有蘿蔔、西芹、椰菜花、青瓜等多款蔬菜。雖然好raw又無乜調味，但全部都勁爽脆！食得岀好新鮮！作為開胃菜唔錯~ 無論係pita定Crudités，點埋上面兩隻醬都別有一番風味

𝙃𝙤𝙩 𝙈𝙚𝙯𝙯𝙚

4️⃣Prawn Saganaki

火燒大蝦！店員會係客人面前點燃希臘茴香酒再倒落鐵板，個火大到！好IGable呢~

蝦肉彈牙，鮮味十足。加埋面頭富鹹香奶香嘅feta cheese、Greek pepper，食落唔會太寡。

5️⃣Spanakopita

希臘菠菜批🇬🇷外層超脆，層次分明，毫不油膩。入面有唔少菠菜同Feta cheese，濕潤度恰到好處，不過芝士香氣就唔算好突岀。

𝙎𝙖𝙡𝙖𝙙

6️⃣Cypriot

希臘乳酪上舖滿脆脆同石榴，好香口好有咬口。雖然咬咬下都幾累，但都係忍唔住係咁食

𝙏𝙖𝙫𝙚𝙧𝙣𝙖 𝘾𝙡𝙖𝙨𝙨𝙞𝙘𝙨

7️⃣Roasted Ribeye

厚切肉眼扒份量十足！嗌左3成熟，切開就知無overcooked。肉質軟淋有咬口，成功保留肉汁，入口好香蒜蓉味之餘，不失牛味。

8️⃣Wood-Fired Red Snapper

Wood-Fired Red Snapper

紅鯛魚用上柴燒製，質地軟腍，肉汁被鎖緊。不過魚皮唔算好焦脆，無第一次食嘅sea bream咁岀色。而旁邊就配左唔少多汁爽口嘅希臘青瓜同黃椒。

整體嚟講，Greek Wine Orgy氣氛一流，特別係全場一齊掟爛碟個刻！超舒壓！食物份量十足，質素有一定保證，加埋紅白酒ouzo任飲，呢個價錢都算OK~

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

推介美食

RheaChim

等级4

988

0

❀ Artemis and Apollo #灣仔 ❀❗️特色希臘餐館再度推出新款式❗️——————————————————依房呢間位於灣仔星街嘅希臘餐館☺️簡潔嘅白色開場真係超級打卡，內裏亦富有希臘風情，仲有個室外private room，約埋三五知己食飯就啱晒！最近餐廳推出左新款式，所以決定要再次到訪😆佢哋有唔少特色希臘dips、烤肉，喜愛中東嘢嘅你就絕對唔可以錯過。.✷𝑀𝑒𝓃𝓊✷☞ Mezze♥ Roasted eggplant $48 (4.1/5)♥ Pita Bread $28 (3.9/5)嚟到希臘餐廳當然唔少得dips配Pita Bread！第一次食咗佢哋嘅蒜味香濃嘅hummus，今次決定試吓新嘢！香烤eggplant原來同樣好好食😋，好creamy，帶點獨特嘅香甜，食唔晒仲特登攞咗返屋企繼續點麵包😆。以佢哋嘅Pita Bread 我自己覺得係相對鬆軟，雖然我本身鍾意煙韌少少🤏，不過都唔錯㗎 ♥ Saganaki Platanos $98 (4.1/5)另外仲試咗呢款經典希臘鐵板烤芝士☺️！將羊奶芝士嘅表面烤到香脆，內裏就煙煙韌韌。配上香甜嘅蜜糖、杏脯乾、香草，各款食材平衡得恰到

更多

❀ Artemis and Apollo #灣仔 ❀
❗️特色希臘餐館再度推出新款式❗️
——————————————————
依房呢間位於灣仔星街嘅希臘餐館☺️簡潔嘅白色開場真係超級打卡，內裏亦富有希臘風情，仲有個室外private room，約埋三五知己食飯就啱晒！最近餐廳推出左新款式，所以決定要再次到訪😆佢哋有唔少特色希臘dips、烤肉，喜愛中東嘢嘅你就絕對唔可以錯過。

.
✷𝑀𝑒𝓃𝓊✷
☞ Mezze
♥ Roasted eggplant $48 (4.1/5)
♥ Pita Bread $28 (3.9/5)
嚟到希臘餐廳當然唔少得dips配Pita Bread！
第一次食咗佢哋嘅蒜味香濃嘅hummus，今次決定試吓新嘢！
香烤eggplant原來同樣好好食😋，好creamy，帶點獨特嘅香甜，食唔晒仲特登攞咗返屋企繼續點麵包😆。
以佢哋嘅Pita Bread 我自己覺得係相對鬆軟，雖然我本身鍾意煙韌少少🤏，不過都唔錯㗎

Roasted eggplant

♥ Saganaki Platanos $98 (4.1/5)
另外仲試咗呢款經典希臘鐵板烤芝士☺️！
將羊奶芝士嘅表面烤到香脆，內裏就煙煙韌韌。
配上香甜嘅蜜糖、杏脯乾、香草，各款食材平衡得恰到好處，好好食！

Saganaki Platanos

.
☞ Salads & Sides
♥ Cypriot Salad $88 (4.1/5)
再試呢款Cypriot salad都係咁鍾意😙炸grain rice好似粒粒脆米咁，十分香口，配埋酸酸甜甜嘅希臘乳酪、石榴粒一齊食，好好味！
不過呢款千祈唔好擺過夜，之後就會腍晒㗎啦🥲。

♥ Lemon and Garlic Mushroom (3.9/5)
仲有啲款炒蘑菇都出乎地惹味😯。
加咗少少檸檬、蒜頭、同埋芝士，鹹鹹酸酸咁，都係款唔錯嘅配菜。

Lemon and Garlic Mushroom

.
☞ Seafood
♥ Prawn Saganaki $168 (3.8/5)
每台必嗌嘅燒大蝦🍤記住一定要預備定相機📷！
店員會係你面前淋上酒，立刻呈現熊熊烈火🔥溶化鐵板上嘅芝士，令到大蝦更加惹味。
不過就只有兩大隻，感覺性價比稍欠。

.
☞ Spit-roasted meat of the day
♥ Chicken (3.8/5)
最後仲嘗試左佢哋新推出嘅烤雞。
呢款份量頗足，有四至五舊超大雞胸及雞髀🍗。
而且雞胸肉都夠滑，絕對唔係鞋口。
不過驚喜就相對冇咁大，只係喺表面加上鹹鹹酸酸嘅醬汁醃製🙈，建議可以試其他烤肉。
反而側邊嘅配菜仲香甜可口😂。

——————————————————
✨整體味道: 4/5
✨環境裝修: 4/5
✨服務態度: 4/5
✨性價比: 3.8/5
✨再訪興趣: 3.5/5
.
💞整體來講
喺香港嘅希臘餐館絕對唔多，呢間絕對係數一數二出名😆無論係環境裝修、服務態度、抑或係菜式都中上水平🤤可以一戰！

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

推介美食

sleepbeauty

等级4

654

0

希臘神話就聽得多，希臘菜就真係第一次食！今次就黎到灣仔月街一嘗隱世希臘小餐館Artemis & Apollo。餐廳裝潢充滿異國風情，純白色嘅拱門背後隱藏住意想不到嘅地道希臘菜同埋多款希臘岀產嘅紅白酒~▪️Hummus $58鷹嘴豆泥質地好順滑！唔似平時食開好重香料味個種，反而有種清新嘅感覺，超岩口味。▪️Warm Pita $32薄餅軟熟有咬口，入口帶麥香焦香，配hummus一流！▪️Vegetable Crudités $68有蘿蔔、西芹、椰菜花、青瓜等多款蔬菜。雖然好raw又無乜調味，但全部都勁爽脆！食得岀好新鮮！作為開胃菜唔錯~ 點埋hummus就別有一番風味▪️Tirokroetes $138芝士控必食嘅炸芝士波波！外層香脆唔油膩，內𥚃滿滿鹹香芝士，摵開仲有拉絲添！估唔到點埋蜜糖甜甜鹹鹹仲好食！ ▪️Watermelon and Beetroot salad $98好似甜品嘅一道沙律。西瓜香甜多汁，配上富鹹香嘅羊奶芝士，甜味更為突岀。加埋紅菜頭黃菜頭，係好fresh嘅開胃菜，好啱清一清味蕾再食主菜~▪️Prawn Saganaki $168見到差唔多每枱都有嗌呢道火燒大蝦！店員會係客人

更多

希臘神話就聽得多，希臘菜就真係第一次食！今次就黎到灣仔月街一嘗隱世希臘小餐館Artemis & Apollo。餐廳裝潢充滿異國風情，純白色嘅拱門背後隱藏住意想不到嘅地道希臘菜同埋多款希臘岀產嘅紅白酒~

▪️Hummus $58

鷹嘴豆泥質地好順滑！唔似平時食開好重香料味個種，反而有種清新嘅感覺，超岩口味。

▪️Warm Pita $32
薄餅軟熟有咬口，入口帶麥香焦香，配hummus一流！

▪️Vegetable Crudités $68

Vegetable Crudités

有蘿蔔、西芹、椰菜花、青瓜等多款蔬菜。雖然好raw又無乜調味，但全部都勁爽脆！食得岀好新鮮！作為開胃菜唔錯~ 點埋hummus就別有一番風味

▪️Tirokroetes $138

芝士控必食嘅炸芝士波波！外層香脆唔油膩，內𥚃滿滿鹹香芝士，摵開仲有拉絲添！估唔到點埋蜜糖甜甜鹹鹹仲好食！

▪️Watermelon and Beetroot salad $98

Watermelon and Beetroot salad

好似甜品嘅一道沙律。西瓜香甜多汁，配上富鹹香嘅羊奶芝士，甜味更為突岀。加埋紅菜頭黃菜頭，係好fresh嘅開胃菜，好啱清一清味蕾再食主菜~

▪️Prawn Saganaki $168

見到差唔多每枱都有嗌呢道火燒大蝦！店員會係客人面前點燃希臘茴香酒再倒落鐵板，個火大到好IGable呢~ 蝦肉彈牙，一啲都唔乾，加埋面頭嘅富鹹香奶香嘅feta cheese、Greek pepper，食落又唔會太寡。不過呢個價錢食兩隻蝦，又真係肉赤左啲。

▪️Whole-roasted Market Fish (時價)

Whole-roasted Market Fish

時令烤魚~ 今次就碰上Sea bream $368
魚皮烤得焦脆，肉汁依然能夠被鎖緊，質地好嫩滑呢~ 亦唔會有好多細細條嘅魚骨。鯛魚鮮味十足，只經檸檬汁、橄欖油簡單調味，味道已經唔錯。面頭仲有啲好似薯片咁脆嘅葉

▪️Lantides 5 Senses $108
黎自希臘Peloponese嘅white wine~ 用上Moschofilero呢款提子。飲落好清新，酸度低，入口有檸檬、青檸味，幾啱配沙律一齊食~

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

推介美食

Siupeix

等级2

10

0

希臘依個地方應該係好多人心目中旅遊天堂～不過未去到之前，都可以係位於月街既Artemis and Apollo 餐廳食住希臘菜式先既！/餐廳氣氛不錯，由於小妹都係第一次食希臘菜，頭上滿滿問號？？幸好個度既員工都好熱情有禮推薦菜式。/MEZZE (COLD)希臘鹹鯡魚子醬配埋pita一齊食，味帶微酸，好鬼開胃。對於味蕾敏感既我都接受到魚醬既味道，頗有特式。/MEZZE (HOT)依個菠菜芝士批好出色！餐廳每日新鮮炮製黃金千層酥皮，酥脆既外皮裡面夾住菠菜同羊奶芝士，仲有小小微辣添。/SPIT ROASTED MEAT炭火香烤燒雞肉，連埋洋蔥等配菜夾入薄餅，搽埋酸中帶辣既乳酪醬，好香口！/SEAFOOD侍應將依度菜一放上枱面淋佐酒再點火，玩味十足既火焰蝦配上羊奶芝士。不過味道一般。/總括而言：價錢合理，下次可以再黎嘗試不同既MEZZE配佢個PITA BREAD 😉

更多

希臘依個地方應該係好多人心目中旅遊天堂～不過未去到之前，都可以係位於月街既Artemis and Apollo 餐廳食住希臘菜式先既！
/
餐廳氣氛不錯，由於小妹都係第一次食希臘菜，頭上滿滿問號？？幸好個度既員工都好熱情有禮推薦菜式。
/
MEZZE (COLD)

希臘鹹鯡魚子醬配埋pita一齊食，味帶微酸，好鬼開胃。對於味蕾敏感既我都接受到魚醬既味道，頗有特式。
/
MEZZE (HOT)

依個菠菜芝士批好出色！餐廳每日新鮮炮製黃金千層酥皮，酥脆既外皮裡面夾住菠菜同羊奶芝士，仲有小小微辣添。
/
SPIT ROASTED MEAT

Chicken Souvlaki

炭火香烤燒雞肉，連埋洋蔥等配菜夾入薄餅，搽埋酸中帶辣既乳酪醬，好香口！
/
SEAFOOD

侍應將依度菜一放上枱面淋佐酒再點火，玩味十足既火焰蝦配上羊奶芝士。不過味道一般。
/
總括而言：價錢合理，下次可以再黎嘗試不同既MEZZE配佢個PITA BREAD 😉

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2019-09-14

用餐途径

堂食

人均消费

$400 (晚餐)

推介美食