Crêpe Delicious (MOKO新世紀廣場) (已搬遷) 新店位置

同友人食完晚飯散步，行經過呢間賣Crepe既鋪頭，聞到一陣隱隱約約Crepe既香味，一時受唔住誘惑，就行咗入去。鋪頭唔算好大，有幾個卡位，然後有啲可以分拆既長臺，如果遲黎，可能都要等一等先有位。因為我地晚飯食得早，所以食甜品個時間都早，大概夜晚八點半到，基本上唔洗等位，一入去就有位坐。我地叫咗兩款Crepe，一個Cookies & Cream，一個Red Fruit Patisserie，賣相擺得都幾靚之餘，兩份都好好味，特別係塊Crepe本身口感非常好，煙煙韌韌，甜度又適中，加埋自己喜愛的配料，簡直一流！雖然個肚都仲飽飽地，但都一口接一口食唔停，最後瞬間就KO咗兩份Crepe。Cookies & Cream（HKD68）友人選擇了Cookies & Cream口味，甜而不膩既Cream，加上Oreo曲奇粉，正！Red Fruit Patisserie（HKD88）酸酸甜甜既草莓+紅桑梅，配合幼滑既吉士醬，酸甜既配搭真係一口接一口食唔停。

早陣子與朋友下午茶聚聚，來到這間在旺角MOKO新世紀廣場開將不久的Crêpe Delicious，感覺很不錯呀^^路過門囗時，很容易會被雪櫃裡的Gelato吸引，然後就會看到旁邊店員在即場製作可麗餅皮^^店內紅白sharp醒主色調有點像餐廳遊戲中的場景呢>D<配上不同配料的咸甜款式都非常吸引，共有多達10款的鹹可麗餅(Savoury Crepes)及15款的甜可麗餅(Sweet Crepes)任君選擇!!咸食招牌上還有標明了卡路里含量，注意健康的朋友可以參考一下!! 忍惡揚善地未有列出甜食版的卡路里含量，相信大家也聞得到惡魔的味道吧>D< 管不了太多的心情下，我們order了一起share^^Seared Hotatekai Scallops $148帶子、粟米蓉、蟹肉、生菜、意式芝士、木魚花、沙律醬、法式香餅 大大粒的香煎帶子，非常厚肉足料，口感很爽口彈牙^^ 蟹肉、木魚花、沙律醬等可麗餅有種日式口味的感覺，法式香餅由於是即時製作的，所以吃得出有點香口，不會太濕糯，整體是口感及味道都很讚呢!!  Red Fruit Patisserie $88士多啤梨

早前放工後會去旺角做Treatment, 之前先去食嘢. 今次去了位於旺角新世紀廣場的Crepe Delicious食嘢. 來這裡的嘢, 全因我被這裡的可麗餅所吸引, 因為唔多食店有咁多款式選擇. 第一時間選了一個咸味, 叫Seared Hotatekai Scallops. 材料相當豐富, 有帶子, 蟹肉, 粟米蓉, 生菜等… 帶子幾大粒. 塊餅帶點脆, 而材料配搭剛剛好, 幾款材料混合一齊食, 多重口感,估唔到咸的咁好味. 飲品點了意大利泡沫咖啡. 食完咸, 有點唔夠喉, 就試埋甜味道. 我選了Red Fruit Patisserie, 因為我特別愛食當中的吉士醬. 賣相相當精緻, 色彩繽紛. 紅桑子帶酸, 士多啤梨帶甜, 兩者配搭甜甜酸酸, 可以起中和作用. 而吉士醬甜度剛好, 沒有膩的感覺. 這裡仲有食Gelato. 選了當中最受歡迎的芝士蛋糕味和芒果味. 甜度適中, 最啱炎熱的天氣食, 夠透心涼.