Bouillon

营业中

休息中

上環法國餐廳，之前已經想試，每次經過都滿座，今次專程訂枱。餐廳面積比較細，兩人選擇坐喺吧枱，感覺高高在上比較舒適。睇了餐牌後，點了不同前菜及主菜，有Eggs Mayo 、黑板上special 嘅白蘆筍、豬肉卷、同埋Sea Bream和Rossini de Boeuf牛扒，菜名已經唔記得太清楚，加埋一支紅酒。我不是法國人，但覺得味道正宗。餐廳裝修環境比較輕鬆，不是高級法國餐廳 fine-dining格局，我們很輕鬆地享受了一個週末法國午餐。

疫情影響下，中上環區人流大不如前，晚市時段都只有潦潦數人。但仍有小部分餐廳人潮不斷，甚至乎要提早訂座先有位； 就譬如呢間法國餐廳，雖然位置偏僻，但每晚都full booking。喺朋友介紹及幫忙訂座下，呢晚有機會一嚐當地人炮製嘅地道法菜。裝修上亦投放不少心思，入門左手邊係吧枱，再走入內嘅小雅閣擺放咗舒適嘅梳化座。不同午市，晚市只有a la carte menu選擇。主要圍繞口感較light嘅海鮮、肝醬、牛肉等，更適合配佳釀輕酌淺嚐。前菜比主菜更吸引，鴨肝、田螺係必點之選；鴨肝質感呈膠狀，綿密彈滑，配上軟熟嘅葡萄麥包同酸甜果醬，獨特嘅肝香同油脂豐盈而不膩。法式田螺雖經焗製，但入口彈牙，無貝殼類嘅韌感，簡單平實嘅牛油蒜蓉調味絲毫無阻螺肉嘅風味，提鮮又不至於喧賓奪主。生蠔來自Britanny，蠔肉唔算好肥但勝在新鮮，海水味非常濃郁，鹹香極重。推薦大家可以試吓呢款坊間少見嘅牛骨髓。晶瑩油潤嘅啫喱，內外如一帶有強烈油香，入口感受到滿滿油份及膠質，呢道菜更適宜配酒食用。唔怕生嘅一定要試試生牛肉他他，牛肉切成蓉狀及小塊，同時包含兩種口感，伴入生雞蛋液同紫洋蔥，加咗絲絲辛香及黏滑口感，食落又綿又滑。主