La BASE HK

营业中

休息中

位於尖沙咀近尖東的La Base 環境舒適，狗狗可以坐室外，室外佈滿綠色植物同燈飾，仲有個被花花同波波燈包圍住既籐椅，感覺幾浪漫💕，啱哂打卡。呢度好啱約埋一班朋友聚餐，環境寧靜，最重要係冇限時間😍！老闆娘同店員姐姐都好Pet friendly，同米蘇蘇玩咗好耐🤭餐廳只採用全天然無激素肉🐓，蔬菜大部份都係有機🥬，仲有自家種殖香草🌿，令人食得安心健康。意式烤本地農場走地雞配有機菜 $308餐廳採用全天然無激素肉，本地農場走地雞肉質好嫩滑🍗，焗既時間啱啱好，外皮烤至金黃色，外脆內軟，好好食。配埋車厘茄、翠玉瓜、紅椒🌶️、黃椒同西蘭花🥦，搭配健康。海鮮意大利飯 $298海鮮份量好足，有青口、帶子、魷魚🦑同蝦🦐都係新鮮鮮甜。意大利飯煮到熟度啱啱好，蕃茄味香濃。Tiramisu $168呢份甜品有一個特別之處，就係佢不含酒精。忌廉同芝士口感柔滑，每啖都食到咖啡味，甜度適中。如果鍾意食Tiramisu，但唔鍾意有酒味，咁可以試吓呢一款Tiramisu🥰。姐姐仲好貼心畫咗米蘇蘇個樣同腳印仔係碟邊，超級可愛阿😍！Virgin Mojito $78檸檬梳打加薄荷葉，酸酸地帶點清新口感，上面有朵用蝶豆花整既紫

同朋友想好好傾下計，一search之下發現了呢間佈置得幾特別嘅“隱世”西餐，入面佈置都幾用心，仲有精緻打卡位！🌟白酒煮大蜆配蒜蓉包 ($288)-粒粒蜆都好大粒多肉，漲卜卜好肥美，點埋下面白酒汁更能突出鮮甜味道-蒜蓉包都幾脆口惹味🍝野生三文魚菠菜意大利扁麵($288) -用上野生三文魚整， 粒粒魚肉都幾新鮮。意粉嘅芝士+奶油忌廉汁幾濃香，唔會死creamy，扁麵texture不錯。🥂White Wine Sangria ($98) -賣相有熊仔超可愛，飲落去果香味重，幾易入口，啱曬女仔打卡+飲野傾計🍸Scotch Moor ($98) -比較重whisky味，飲落去好順。 🍰Tiramisu-賣相幾精緻，切開已聞到陣陣咖啡香，食落去係比較重咖啡香，配朱古力粒粒，texture 軟香唔太甜。呢到真係靜靜哋傾計飲野嘅好地方，見到有2個女仔傾左成晚~仲有人慶祝生日tim!

尖沙咀食肆競爭激烈，要令人留下印象兼再訪，確實需要深刻記憶點。位於尖沙咀的La Base Bar先擁有開揚的露天位，看著地市景進餐，份外寫意。室內亦相當寬敞，設有梳化位，適合一班朋友聚餐，同樣舒適。用餐當日巧遇老闆娘，原來這裡之前是酒吧，到年中才開始加入各式各樣美食。她分享說要製作出滋味美食，對食材都有要求，有機蔬果、本地走地雞等等，大家能在菜式中感受到老闆娘的用心。餐廳除了晚市外，更有包場服務，是用餐或開Party的好選擇。◽️ 意式燒走地雞半隻配有機時令蔬菜及串茄 $298選用本地走地雞，皮脆肉嫩又juicy，仲食到油香卻不會太重負擔，作為伴碟的蔬果亦相當突出，黃椒、紅椒及翠玉瓜都相當鮮甜，串茄入口更像濃縮了的茄味，令菜式賣相更吸引之餘，亦帶來豐富味道。◽️ 串燒拼盤 $268煙肉荔枝串的以荔枝甜味中和煙肉的膩；薯條好脆又重薯仔味，連茄汁都揀有機款；泰式豬頸肉爽而不油；原隻燒魷魚就夠爽口；霜降牛排粒及雞肉串燒得剛剛好，不會太乾身。◽️ Cold cut platter 蒜蓉包有濃香蒜蓉味，另有Salami、Ham、Cheese，當中的辣肉腸Salami有咬口且有後勁，辣味慢慢滲出，好有驚

喺一棟商業大廈入面食左一個好正好浪漫既西餐雖然天氣有 d凍，我地都簡左坐喺出面露天 area, 望住維港景色，飲住 welcome drink都幾 chill架🥂頭盤係意式田園沙律，用左本地有機菜， 好新鮮好好食，仲有牛油果同芒果點綴 ，醋同油既比例啱啱好，好好食😋蜆勁大隻仲好鮮甜，份量都唔細，食極都仲有，相當滿足，配蒜蓉多士可以點汁食😊意式烤本地走地雞，烤雞質感好嫩滑，相當好食 完全冇諗過本地走地雞可以咁滑咁 juicy, 相當驚喜黎到 Risotto, 用料一 d 都唔孤寒，有3大隻帶子，海量既蝦同蜆，仲全部都好鮮味，Risotto唔會太硬，啱啱好最後仲有甜品，Tiramisu唔會太甜，幾好食💬呢餐除咗好好食,好好食,同好好食之外,都唔知可以講咩好🤣如果大家都想食咁好食嘅西餐就記得要訂咗位先喇，因為材料係每日新鮮準備，數量有限架😉