sensory ZERO (One Island South ) (已結業)

新年為左慶祝開工大吉，決定食豪DD先黎一個花開富貴咖啡，雖然係跟餐咖啡，但都有拉花，唔係特別靚，足夠安撫長假後開工那憂鬱的心呢個鰻魚飯真係好好食!連蛋都係好滑，用既亦係珍珠米，不枉我地由公司飛卜落黎幫襯!由公司衝落去行到出汗，於是點左個麻醬豆腐拉面，食落真係好fresh，唔會「漏」，即刻透心涼啊!呢個都係餐廳推介之一，沙律份量都幾多，牛肉都OK，略嫌牛夫包硬左少少，冇汁就會有D干啃既感覺，所以一定要留D汁點黎食。呢間冇得訂台，亦係黃竹坑lunch多人選餐廳之一，要食最好有個同事早少少去拎位叫左野食先，唔係1個鐘真係有D趕。整體黎講可以再食!

「好耐無同你出街食嘢啦！」… 自從開始拍拖，出黎工作之後，我都好少係屋企食飯，或者同屋企人食飯。尤其是媽咪，以前每逢星期六，日，我都會同媽咪周圍搵野食，行街街。難得今日得閒，又係星期日，就同媽咪近近地渣車去黃竹坑食個午餐！ Sensory Zero，一間我想黎好耐既 cafe。就係因為佢近，所以就遲遲都未去。係 One Island South 消費滿二百蚊可以免費泊車，又近地鐵站，其實都好方便。呢度係自助形式既，自己去台前落單，付錢，然後等號碼去開放式廚房取餐。推介有我最愛既蛋治。唔係普通既炒蛋，係用咗日本雞蛋炒起既滑蛋。質感好 fluffy，半熟程度而且好滑，蛋香亦比一般既重；至於麵包係鬆厚既，塗上牛油係非常香。另一份我十分推介既係「三層蒲燒鰻魚滑蛋飯」！雖然唔係好似日本個啲咁一層飯一層鰻魚，但真係有三條蒲燒鰻魚架！飯底係日本米，滑蛋份量就比較少，但都好滑；鰻魚肉厚身，燒汁落得剛剛好，配上紫菜碎同蔥粒，真係唔得輸！為媽咪叫咗一份佢最愛既炸秋葵「粒」。炸得金黃香脆，無太多調味，就只係跟上沙律醬已經好足夠。最後，呢杯薑汁拿鐵有好 Instagrammable 既拉花，隨杯附上一匙蜜糖薑