食包 (已結業)

Winner Burger是位於太子一家主打外賣的即製漢堡小店，廚房是半開放式，可以看到店員如何製作漢堡。而店面設計就如遊戲畫面般很可愛。漢堡價錢大部分60多元，然後加18元跟餐有汽水及一款小食，除了薯條還有不少選擇，值得跟餐。點餐後看著店員即製，十多分鐘就完成了。我們選了招牌的WB手打牛王漢堡及WB手打豬妞漢堡，看起來都十分大個；配薯格及水牛炸雞翼。即炸薯格的份量不少，都十分厚身及飽滿，上菜時熱辣辣有點燙手。沾茄醬吃能完全感受到表皮的薄脆及咬下去後棉密的薯粒蓉，愈吃愈想吃。邪惡的水牛炸雞翼也是即炸再澆上暗紅色的水牛城醬汁，比想像中辣。熱度使辣度更為提升，加上外脆內嫩的質感，我吃得相當過癮，友人表示不行了。漢堡包的頂及底部的表面光滑，烘得金黃，有著酥脆接著鬆軟的質感，實在得來也有空氣感。餡料都是店員仔細疊好的，賣相工整。兩款漢堡的餡料都有芝士、充滿蛋香又柔軟的煎蛋、新鮮爽脆的生菜及蕃茄，當然重點是又厚又大片的手打牛肉、豬肉啦！單看相片是看不出他們的漢堡其實是充滿自家經典醬汁的，因為質感較稀，所以吃的時候有點難控制，真的會爆汁，但是酸甜的味道跟包十分配合！手打牛肉頗為厚身，中心部分略帶粉

今日嚟到太子行街，喺維景酒店後邊開咗間手工burger店，裝修風格用咗大膽嘅鮮明黄色，俄羅斯方塊裝飾玩味十足。舖頭以外賣為主，亦可提前線上落單，到店付款及自取；另外有少量空間堂食；即叫即製，製作過程透明，乾淨衛生。餐牌款式以漢堡為主，另外加$18可以有套餐，套餐包括一款飲品同一款小食，都幾抵食👍🏻估唔到飲品除咗罐裝汽水外，仲有果汁同茶。WB手打牛王漢堡 果然係王牌之選，漢堡好厚身，材料豐富，有牛肉漢堡扒，芝士🧀，生菜🥬，蕃茄🍅，煎流心蛋🍳 流心蛋蛋漿爆漿😍 漢堡扒都好多肉汁，配上特製醬汁，加埋爽脆生菜同蕃茄减少油膩感，漢堡包烤到外脆內軟，好正👍🏻WB手打豬妞漢堡配搭基本同牛堡冇咩分別，豬柳雖然薄身啲，不過煎得好香，滴晒啲肉汁出嚟🤤店主都好細心準備咗手套俾大家，女士食漢堡就唔可以顧儀態啦😂炸薯格；炸洋蔥圈 🧅；甜蕃薯條 🍠；炸雞翼炸物炸到金黄色好香脆，個人比較鍾意食炸洋蔥圈同甜番薯條，甜甜地，不過整體炸物炸得比較乾身，同老闆反映咗，佢都話會再調節下火候。Burger真心推薦, 價錢都好合理；舖頭堂食空間比較細，小店規模；老闆同店員態度都幾親切。

在花墟買完花後路經太子道西，見到一間漢堡包店，被它的玻璃大廚房吸引入去。餐廳廚房很大，用膳區則只有5個座位，所以是以外賣為主。🔅WB手打牛王漢堡（$68）手打牛肉漢堡扒、蕃茄、煎流心蛋、芝士片、生菜和WB經典醬。咬一口已感覺肉質新鮮鬆軟，手打的確是唔同。充滿了不同味道的肉汁、蛋汁、番茄汁和醬汁在口內爆發，真是名符其實的爆汁漢堡包！🔅WB手打豬妞漢堡包（$62）同樣爆汁美味！肉質新鮮軟稔，麵包鬆軟。一個包加$18便可升級自選套餐，包小食和罐裝飲品，樽裝則加$3。就算單點小食也只是$15。如此質素並不貴。我們加了薯條、洋蔥圈、甜番薯條和青山炸雞為小食，全部都大大份，新鮮即炸外脆內軟。其中薯條和甜番薯條最好食。薯條外皮特別酥脆，可選加辣粉，很惹味。炸甜番薯條比較特別，很少地方有售，甜甜地又有番薯味，當餐後甜品都得。

其實我真係幾鍾意食burger🍔，前排經過見到呢間的burger幾吸引，價錢都相當抵，就點了來食（ard $80-90 就有薯條+burger+飲品）～所有burger都是即叫即製的，聞到好香嘅煎肉味～🍔手打牛王漢堡真係好大個，唔單止牛肉煎得厚+juicy，配料都好豐富，有蛋+番茄+生菜，個蛋真係將成個漢堡的口感昇華～🍔手打豬妞漢堡同樣用上多個配料，特別喜歡濃香芝士，配在豬妞上格外滋味。薯條同薯格都係新鮮炸起，熱辣辣好香口。薯條還配了黑椒，香口惹味店內還有姜濤deco😆有機會再來order大大個的🍔！

姜糖除咗餐餐食老麥撐偶像，其實好多小店有應援，仲有props打吓卡不過呢啲係題外話啦，好食最實際，呢間太子快餐店係唔錯嘅選擇漢堡離不開牛肉，牛控不妨選擇呢間小店嘅招牌牛堡手打牛肉冇得輸，嫩口有彈性，配上特製醬汁，加埋爆汁雞蛋，就似青春般激烈大胃之母唔牛得，呢度嘅豬堡都係招牌，實在太好喇！同樣有爆漿雞蛋，豬堡煎得好有炭香，咬埋勁fresh蕃茄，呢一刻味蕾要爆喇加$18就可以upgrade套餐，都有薯條以外嘅選擇，洋蔥圈勁脆口，嗦嗦聲另外揀咗原味雞翼，炸得好辣手，肉汁鎖得好好，又嫩滑又juicy加$3可以轉樽裝飲品，都唔算貴