得閒飲茶

营业中

休息中

「得閒飲茶」原來唔單止係口號😂太子有間「得閒飲茶」真係飲茶架👍🏻👍🏻太子一向都比人感覺係酒吧街其實都有好多唔同種類嘅嘢食今次已經係二訪🥶決定幫佢寫個食評先🍴藥膳雞腳 $36個人認為必食！ ⭐️5-6隻雞腳炆得淋又入味 次次碗湯都一定要飲晒😋暖胃🍴蒜蓉粉絲蒸墨魚仔 $38呢個辣辣地 粉絲仲要索晒啲汁 好惹味🍴千島醬脆皮蘿蔔糕 $33加咗千島醬同木魚碎 甜甜酸酸我當佢係甜品咁食🤣就算凍咗個皮都勁脆朋友話熱辣辣仲正🍴 XO醬菜苗餃 $32作為菜苗餃粉絲既我 基本上食親點心 都一定會嗌不過今次呢個餃皮比較厚身 餡料味道唔太突出 普通左D🍴原籠蒜蓉蒸蝦飯 $54本身鐘意食蝦既我，上次見到隔籬枱個叔叔食得好滋味🙈今次決定叫黎試下點知，蝦既新鮮程度同肉質都係一般上次個肉餅飯仲好食 😩 🍴龍蝦湯鮮竹卷 $33俾佢「龍蝦湯」三個字吸引咗🤭鮮竹卷味道就正常，個人覺得個味就比較淡啲但朋友話支持 因為出面少見🤭兩個人 六樣野 味道唔錯 好滿足茶錢每位 $6 仲要冇加一 推介！

得閒飲茶 太子口痕好想食點心，但突然想起太子有一間頗高質的點心專門店，所以今日下午2:00就即刻黎到攞飛等位，幸好只係要等2張檯得獎蝦餃之王黎到係一定必食的，因為皮薄餡靚，蝦食落去係好爽口的，而且個餡料唔會鹹，幾好👍🏻XO醬菜苗餃熱辣辣食，加上裡面有爽口的蝦和菜苗，再配上XO醬一流👍🏻椰香黃金糕食落去有濃香的椰汁味，再加上熱辣辣咁食好煙靭沙嗲金錢肚濃郁的沙嗲味再加上黑椒。再加上豆卜索左沙嗲汁，味道再昇華黑金流沙包啱開始都擔心它係奶皇包口感，但食落去係有濃郁的蛋黃味，脂肪爆表千島醬脆皮蘿蔔糕名如其名脆皮，仲要係即叫即炸，都係一樣脂肪爆表既

已經數不清是第幾次來這裡飲茶了，今次趁下午茶時間又到訪😜平日下午茶時段2:30-5:30(入座計)有優惠點心可以選擇😉以下是優惠價錢的點心 —懷舊香菇燒賣：蒸籠上，四粒都好大粒，每粒餡粒都好飽滿！😉韭黃鮮蝦腸：較清淡的款式，主要靠豉油調味。腸粉皮超薄、超級滑溜，有機會都想試埋其他腸粉🤤以下是正價的食品 —原盅燉湯：上方為瑪卡燉竹絲雞(跟蒸飯套餐$27)，下方為蟲草花木瓜燉豬骨湯($33)每次來都必點的燉湯，熱騰騰的燉湯，每一款口味都有其特式。瑪卡燉竹絲雞好清甜，蟲草花木瓜燉豬骨湯就非常足料，仲有兩隻雞腳仔喺入面！飲完都不會口乾口渴，絕對是真材實料呢～👍🏼同樣是每次必點的原籠蒸飯，飯粒都充滿荷葉香氣，將表面的章魚肉餅整碎後拌入白飯，加上豉油調味及香菇的口感，非常有質素。而且一大籠都只售$38，絕對是飽肚之選😇XO醬菜苗餃：我最愛吃的水晶餃皮，菜苗餃內餡內滿滿的菜苗，上面XO醬再吊吊味，比起其他點心一般以肉為主要餡料，這款非常合我口味💓

💛得閒飲茶·我哋超耐無食點心 所以之前禮拜六就專登嚟咗太子食呢一間😌·春風得意腸$36 l 蟲草花花膠灌湯餃$30 l XO醬菜苗餃$29我哋本身就係俾佢個春風得意腸吸引 果然真係幾好食😈佢出邊個腸粉好滑 之後中間有一層薄脆 入邊仲有好多蝦膠 豬肉 粟米粒咁 口感超好😋之後佢個灌湯餃都勁有驚喜 佢個灌湯餃本身就正正常常啦 反而佢個湯係超清 飲落超舒服 而且佢仲有舊有膠質嘅花膠仔同埋超多蟲草花 我地幾鍾意🥰之後佢個菜苗餃都係好食既 佢入面好多菜苗 口感好好 而且個皮唔會太厚 配埋佢個XO醬超惹味🤤🤤·陳村粉蒸排骨$25 l 椰香黃金糕$18 l 龍蝦湯鮮竹卷$30難得見佢有陳村粉 所以我地就嗌左 佢口感唔錯既 就係腸粉同河粉既混合物 不過佢蒸既時候好似無摷散佢先 所以有少少一舊舊🤭不過佢個排骨都ok既 之後佢個黃金糕就正正常常啦 煙煙韌韌咁 有淡淡既椰子味🥥最後個鮮竹卷我自己就覺得麻麻地啦 佢個湯無咩味咁 所以就算索完汁都無好特別咁🤔·#rbyeat#rby港式#rby💛#rby太子·📍太子運動場道7B號地舖📍元朗谷亭街13號傑文樓地舖

得閒飲茶🫖 今次真係唔係得把口要應驗喇～🙈 咁啱得閒黎左呢間傳統點心又有、創意點心都有嘅點心專門店, 價錢唔算話好貴雖然裝修望落舊舊地但係味道真係幾驚喜～ 點心都係即叫即蒸, 熱辣辣😃👍🏻 推介1️⃣ 春風得意腸 💰$36驟眼望好似炸兩😍 皮夠薄～ 入面夾住粟米粒🌽 蟹籽, 芫荽, 仲有👦🏻🧒🏻都超鍾意超脆口嘅薄脆🤤推介2️⃣ 千島醬脆皮蘿蔔糕 💰$30外層咬落好似食緊炸鮮奶嘅表層, 裡面嘅蘿蔔糕軟綿綿, 配埋甜甜地嘅千島醬同木魚又出奇地配搭😍推介 3️⃣ 蒜香蝦春卷 💰$26即叫即蒸👍🏻 外層好脆口又夠熱😋 春卷裡面夾住唔少蔬菜之餘仲有大大隻嘅蝦添🦐推介 4️⃣ XO醬菜苗餃 💰$29餡料幾多, 食落成口都係菜苗 🧒🏻表示超鍾意❤️ 餃皮幾軟熟, XO醬令到成隻餃幾香口😋推介 5️⃣ 灌湯小籠包 💰$26小籠包包住嘅湯底多到爆曬汁🤤🤤🤤 皮略微有dddddd厚🤏🏻🤏🏻 如果再薄d就perfect池～～～

邊個話飲茶一定要去茶樓！其實我都幾鍾意去啲新派點心店。除左有傳統點心，亦有創新fusion點心，啱晒家中老幼一齊去飲啖茶食個包。平日嚟到，點心店長期滿座。環境有啲似平時嘅茶餐廳，較為逼夾。如果咁啱坐到卡位，會相對舒適。▪️春風得意腸 $36薄薄的春卷皮 包裹著炸得脆身的米網紙，還有粟米、蟹籽、蝦，口感豐富。油膩感比想像中來得低。▪️千島醬脆皮蘿蔔糕 $29蘿蔔糕炸皮非常薄，外脆內軟，還有細碎的蘿蔔顆。配上木魚絲跟千島醬，不知為何很有大阪燒的感覺。▪️XO醬菜苗餃 $29菜苗餃餡料十足，包滿彈牙的蝦肉跟菜苗。餃子皮晶瑩剔透，滑身帶煙韌。▪️蒜香蝦春卷 $26春卷皮較一般的厚，相當香脆，但毫不油膩不會過乾。蝦肉彈牙，調味十足。整體而言，點心足料有水準。唔收加一，茶錢都只係$4，性價比唔錯。唯獨環境較為逼夾。

今次已經係小弟二年內第N次過嚟得閒飲茶醫肚， 因為佢所有嘅點心都係即叫即做，再加上每次都保持到水準！雖然要等約15至20分鐘，但我都覺得係好值得！ 回想疫情前， 繁忙時段每次都要等大約1小時先至有位， 雖然內子係一個性急嘅人， 但每次佢都會耐心等候！限聚令實行期間， 每台只可以坐兩個人，所以食客明顯少咗好多，不過就有勁多外賣！今次就叫咗五個點心一個蒸飯， 1）懷舊香菇燒賣：我哋兩個每次都會叫， 大大粒脹卜卜熱辣辣！ 2）原籠蔗糖馬拉糕：蔗糖甜味香濃甜度適中，鬆軟又唔太濕！ 3）春風得意腸： 腸粉香滑， 入面啲餡鬆脆！4）千島醬脆皮蘿蔔糕： 即叫即炸， 香脆好味， 但略嫌千島醬太多！ 5）XO醬菜苗餃：皮薄餡靚！ 6）原籠雲耳雞飯： 雞油味好香！ 可能用金鳳米嘅關係， 飯味好香！ 正！

呢日有新同事入職，但而家有限聚令，只能二人堂食，所以我哋決定食番餐外賣自取嘅Welcome Lunch啦😊。我哋覺得食心點(小新叫法)，一人一件、唔駛夾嚟夾去，感覺衞生啲。我哋再次透過🐼外賣App落單，咁就可以享受折扣優惠。不過餐廳嘅堂食餐牌價格同App唔同，有啲點心折完平幾蚊，但有啲又同價。總計就大約有85折到啦，都抵咗嘅👍。「得閒飲茶」位置好方便，太子地鐵站一出就係，喺正🐶寵物屋對面。堂食要等位，外賣訂單亦都多，落單開始計到食物準備好要約三十分鐘，比預期中多十分鐘。天氣好熱☀️，等得有啲辛苦。不過點心真係熱辣辣蒸起，所以拎到返去都仲係熱的，不比喺堂食差😋。我哋四個人叫咗九樣點心，份量剛好，或者多一樣都OK。留意番部份點心件數係三件，四件亦都有。原籠牛仔骨蒸飯($43)，原本無諗住叫飯🍚，但好彩同事提議，個飯唔錯喎，而且勁大盒，飽肚之選。就算係外賣，蒸飯底都墊有荷葉，如果啖飯近荷葉位置更帶份清香。至於牛仔骨配中式蒸飯則較少見，幾夾之餘，亦頗惹味。春風得意腸($36)，呢個係同事點名要食🙈，附近幾間點心舖得依間有賣，所以先食佢。賣相幾吸引，上碟時已係切開一件件，有六件。作為外皮嘅腸粉包住

太子附近其實好多食點心小店，幫襯過呢間舖頭兩次，除咗正常嘅點心之外，都有啲特色點心喺其他舖頭好少食到，例如春風得意腸粉，佢哋嘅腸粉皮其實算唔錯，起碼唔會太厚，仲有芥茉醬炸豆腐，其中有一款千島醬脆皮蘿蔔糕，好唔好食就見仁見智，本人覺得用呢種味道煮反而失去原有蘿蔔糕嘅味道，不過都可以一試；原籠蔗糖馬拉糕都好鬆軟，如果未到在香一啲就更好，最開心就係呢度居然有得食我至愛嘅蒸黃金糕。仲有好幾款特別點心，都要等下一次，以點心嚟講整體算唔錯啦。

🎐熊妹呢排飯局太多，唔想再出街咁頻密，今日就特定係家庭樂，約定卡肥同阿豬媽去《得閒飲茶》食點心喇。📌晚上🌃7點幾黎到，都好多人夜晚飲茶喎！📌其實今時今日香港人飲茶文化已經唔再局限於去茶樓飲早茶下午茶，所以發展到有很多這類型的全日供應點心店，任何時段都可以食一盅三味喇。📌點心紙簡而清，點心名非常清晰，又有圖文並茂，好快地熊妹就揀齊想食的點心喇，大家口味都差不多喇，一家人嘛👩‍👧‍👦。蒜香蝦春卷，$25一碟有六件切半的春卷，其實即係三大切。嘩，真係好重蒜香味喎，非常切合產品名稱，絕對符合商品條例。春卷炸得外表好脆，剛炸起，熱辣辣，彈牙蝦肉🦐，連埋啲沙律醬酸酸的，味道很不錯！千島醬脆皮蘿蔔糕，$28一碟有四大件，面頭鋪上日本木魚，輕飄飄的還隨著空氣擺動。呢款蘿蔔糕同傳統的不同是拿去炸起的，入面的蘿蔔糕就唔係咩特別，都食到蘿蔔粒的，主要特別在有脆脆的炸皮，再配合惹味的千島醬，係非常特別的一款新菜式，熊妹一家都認同幾好味，出面係食唔到的。野菌素粉果，$22粉果係卡肥的點心最愛，熊妹特登點俾卡肥的。🥰素粉果皮好薄，餡料有粟米，野菌粒同少得的粉果粒，全部切粒好有咬口，素菜材料一定夾得來。紫薯流沙煎推