疯狂食鸡机会嚟喇！日本人气烧鸟店鸟贵族，香港首间分店已经进驻屯门，全城瞬间掀起食鸡热潮，磨拳擦掌准备去屯门食鸡啦！即刻为大家搜罗屯门市中心多间出色鸡肉料理，食匀日本菜、韩国菜、美国菜、泰国菜同火锅，今次真系「鸡！全部都系鸡」呀。
香港首间分店开幕｜鸟贵族
喺日本拥有超过600间分店嘅鸟贵族，香港首间分店正式进驻屯门市广场1楼啦！香港店特别由日本引入专用烤炉，菜单亦同日本本店一样提供各式鸡肉部位串烧—鸡腿、鸡胸、鸡翼、鸡皮、鸡软骨同鸡内脏等，提供盐味、酱汁同香辣3种口味拣。
鸟贵族一向主打平民价，嚟到香港价钱依然亲民。菜单只有两种价钱，快速餐牌同无酒精类饮品系$19.9，所有串烧类、特色菜、饭面、甜品同酒精类饮品一律$29.9。厨房团队早前更飞往日本本店，向日籍总厨学烧鸟技巧，确保将日本鸟贵族风味带到香港。
鸟贵族首间香港分店正式进驻屯门啦！
菜单同日本本店一样，提供各式鸡肉部位串烧。
日本平民价天妇罗丼｜天丼てんや
屯门市中心有唔少日本过江龙，当中就有主打天妇罗丼饭嘅天丼てんや，用180度油温即叫即炸天妇罗，够晒薄脆。可能你以为天妇罗丼饭都系海鲜为主，其实呢度嘅华味鸟天妇罗好值得一试，系用九州养殖场鸡只，采用天然饲料无生长激素，以自然、健康而闻名。华味鸟天丼仲有只温泉蛋，将鸡肉天妇罗同饭粒捞匀蛋浆食好正！
鸡迷想疯狂食九州鸡肉天妇罗，都可以直接嗌碟华味鸟天妇罗，例如华味鸟鸡丸天妇罗或者华味鸟鸡肉天妇罗。
华味鸟天丼。戳开温泉蛋，将鸡肉天妇罗同饭粒捞匀蛋浆食好正！
华味鸟盛合。除咗有华味鸟鸡肉、华味鸟鸡宝天妇罗，仲有黑虎虾、南瓜、紫菜、莲藕、四季豆天妇罗㗎。盛合会配埋荞麦面，面香衬托天妇罗更有层次。
海南走地文昌鸡｜四季椰林海南椰子鸡
冬天绝对系打边炉季节！原来人气椰子鸡火锅—四季椰林海南椰子鸡登陆屯门市广场啦。佢哋一直坚持「健康美味、真材实料」理念，嚟到一定要试主打嘅椰子鸡火锅，由食材至汤底都采用100%天然椰子水，保证「不加1滴水，4个椰子一锅汤」嘅工艺，打造100％原汁原味嘅正宗椰子鸡火锅。
另外，当然唔少得今次主角—正宗海南走地文昌鸡，真系肥瘦适中，鲜美嫩滑又够鸡味。成个汤底一啲都唔油腻，打边炉之前一定要饮啖清甜鸡汤先！
经典欢聚4人餐。包括一份椰子汤底、原只海南文昌鸡，以及多款火锅配料，CP值高。
椰子鸡火锅汤底。坚持「不加1滴水，4个椰子一锅汤」工艺，打造100％原汁原味。
唯美韩系｜반찬앤쿡 Banchan and COOK
韩国炸鸡出名又脆又嫩，屯门市广场2楼近FOODMAZE位置就有间靓靓韩国菜啦。木系大自然装潢有好多打卡位，绝对可以边食边打卡。呢度嘅无骨炸鸡有两款口味，甜辣炸鸡微甜带辣劲，风味浓郁；柑橘炸鸡就有清新果香，酸甜爽口有层次。
另一鸡迷必食，系融合韩式同西式风味嘅鸡扒泡菜奶油炖饭，鸡扒煎到酥脆多汁又有泡菜酸辣味，加埋浓郁滑顺嘅奶油炖饭好满足。
甜辣拼柑橘无骨炸鸡。甜辣炸鸡裹满微甜带辣酱汁，风味浓郁；柑橘炸鸡充满清新果香，酸甜爽口有层次。
鸡扒泡菜奶油炖饭。鸡扒煎得香脆滑嫩，啖啖juicy，配埋带有辛辣感嘅泡菜奶油，令人食唔停口！
韩国过江龙薄饼｜Pizza Maru
屯门市广场2楼仲有间韩国人气薄饼Pizza Maru，食到炸鸡同时仲可以品嚐各款pizza。推荐各位鸡迷试吓薯角炭烧鸡肉芝加哥，炭烧鸡同脆薯角份量好多！批边铺满糖霜同蜜糖杏仁片，增添口感，再配上三重乾酪做出超级拉丝瀑布效果！
追求双重口感嘅话，另一款蒜香牛油炸鸡薄饼就啱晒喇。薄饼铺满蒜香脆鸡粒，黑芝麻曲奇批边又有独特松化口感，撞上慕丝咁幼滑嘅蕃薯蓉一脆一绵好过瘾。
薯角炭烧鸡肉芝加哥。批边铺满糖霜同蜜糖杏仁片，增添口感，再配上三重乾酪做出超级拉丝瀑布效果！
（左）蒜香牛油炸鸡薄饼。薄饼铺满蒜香脆鸡粒，黑芝麻曲奇批边又有独特松化口感。（后）蒜香甜辣炸鸡配炸莲藕片。微甜嘅蒜香甜辣酱唔会辣，配埋爽口炸莲藕片仲有双重口感。
火山石焗炉｜California Pizza Kitchen
睇嚟薄饼界都有食鸡热潮！嚟自美国嘅California Pizza Kitchen都有多款鸡料理㗎。店内特设火山石制焗炉，均匀高温焗出外脆内软香喷喷薄饼。佢哋嘅原味烧烤鸡肉薄饼就系经典之一，烤鸡肉裹满浓郁秘制烧烤酱，再加埋低脂乾酪，卡路里大减25%！
除咗薄饼，墨西哥特色鸡肉菠菜阔面都系推介之选。阔面挂满独特嘅青柠墨西哥辣椒奶油汁，加埋啖啖嫩鸡肉、新鲜菠菜充满异国风味。
原味烧烤鸡肉薄饼。以火山石制焗炉高温焗出酥脆批底，烤鸡肉更裹满浓郁秘制烧烤酱。
墨西哥特色鸡肉菠菜阔面。青柠墨西哥辣椒奶油汁配搭啖啖嫩鸡肉，好有异国风味。
新派泰菜｜Bamboo Thai
以上咁多鸡肉料理都系又炸又焗？呢间新派泰菜Bamboo Thai就有椰子鸡汤畀大家滋润吓啦。利用清甜椰子、嫩滑鸡肉熬出乳白色汤底，味道浓郁、汤身顺滑，每啖都饮到椰香同鸡肉鲜味，冬天咁干燥真系要饮多两碗呀。
嚟自清迈嘅泰北咖喱鸡腿金面，好啱各位浓味控！蛋面挂满惹味咖喱汤汁，真系会忍唔住大大啖面咁食，加埋只厚肉肥美鸡髀好有幸福感。
椰子鸡汤。以清甜椰子、嫩滑鸡肉熬出乳白色汤底，相当滋润。
（左）椰子鸡汤。（中）泰北咖喱鸡腿金面。蛋面挂满惹味咖喱汤汁，加埋只厚肉肥美鸡髀好有幸福感。（右）泰式海南手撕鸡。手撕鸡肉质嫩滑，配埋红萝卜、洋葱、九层塔、青木瓜等，酸酸辣辣好开胃。
揾食仲可以揾埋着数！
即日起至2025年2月9日期间，嚟屯门市广场指定食肆消费即获赏印花。集齐指定数量印花，可以换领「S现金券」同「HK$100 AEON礼券」㗎。食得愈多、赏得愈多，快啲约埋朋友一齐嚟开餐啦！
