影片
开饭介绍
标榜椰子水火锅汤底绝不加水，使海鲜、各式肉类味道更鲜甜。装潢走怀旧风格，以绿色为主调，设有多个厢座，环境舒适。
继续阅读
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
有关奖赏计划
終於唔使返大陸食係香港都可以食到，四季椰林海南椰子雞火鍋終於開分店，地點非常方便唔使再北上啦。出哂名不加一滴水四個椰子做一個湯鍋諗起都流口水，座位大部份卡位坐非常舒適，價錢大眾化，店員十分細心建議先飲湯後食雞。海南文昌雞半隻文昌雞走地雞，雪白雞肉，肉質彈牙順滑超嫩，先飲湯後加雞，雞肉烚至剛剛熟即刻食口感一流。椰子湯底湯底係靈魂之作，四個椰子不加一滴水，哇哇哇好鮮甜，不知不覺飲咗幾碗先開始開餐，飲湯都已經飲到飽。潮汕牛筋丸，魚丸雙拼魚丸彈牙，牛筋丸好香中間有肉汁流出來火山肥牛肥瘦適中，唔錯，牛肉味濃，打邊爐必叫鮮活水培菜自家種植培菜（生菜），我都係第一次試又可以玩吓，一邊擇菜一邊淥菜，生菜口感爽脆幾得意。午餐肉看似簡單嘅午餐肉，一落湯就變得非同凡響。炸腐竹腐竹吸湯一流，等於一邊飲湯，一邊食豆皮，豆皮有豆香只刷2秒剛剛好。招牌臘味煲仔飯熱辣辣香噴噴原個煲仔上，店員會灑上蔥花芫荽豉油。趁煲仔熱辣辣嘅時候不斷翻炒，蔥花芫荽即時發揮作用，臘味油香再加上飯焦好惹味，每個人都有三碗份量。今次體驗唔錯，環境舒服食物有水準。
继续阅读
馳名國內的海南椰子雞鍋專門店在屯門開了新分店，今晚慕名而來一嚐特色海南雞鍋。餐廳裝修雅緻，卡位寬敞舒適。服務員彬彬有禮的歡迎客人到臨。坐下來，先來一壺海南特產“鷓鴣茶”，味甘而帶清香，有消滯解膩的功能。特色調味料：砂薑、辣椒、甘桔，最宜點雞肉吃。服務員先放下一鍋用4個椰子不加一滴水的純天然椰子水，傳來陣陣椰香，待水滾後才由服務員放下雞塊。倒轉沙漏計時，約5分鐘後便可享用。“原味椰子雞”由自家養殖到屠宰的新鮮海南文昌雞，肉質幼嫩無比，雞味濃郁，加上椰子香味，味道更上一層樓。“中山脆鯇魚片”正宗中山脆鯇，魚肉新鮮爽口，味道鮮甜。“貴州紅托竹蓀”爽滑口感，味道天然，椰香滲透其中，特別滋味。“手打黑虎蝦滑”蝦滑中帶粒粒蝦肉，鮮甜彈牙，有意想不到的美味。“鮮冬菇”、“娃娃菜”新鮮蔬菜，平衡腸胃，自然鮮美，椰香四溢。“金牌非遺臘味煲仔飯”香噴噴的臘味煲仔飯，由服務員送上及拌飯，臘肉、臘腸份量不少，由秘製醬汁煮成的糯米飯，配上臘味，口感、味道都令人一試難忘。原來用椰子雞湯泡飯焦來吃，又是另一番滋味。總括而言，這家餐廳的食物質素高，製作認真，服務殷勤，怪不得開業不久已經其門如市，座無虛席。
继续阅读
同一大陸品牌，來到香港，先講服務， 一個字『差』，等位食飯好正想，等到枱到我們，侍應態度就好有問題，我都等了50min, 都係期待 食你呢間餐廳的一餐，我地人未齊，好多餐都會說 ，到齊先一切進入。都係好正常， 今次令我覺得好有問題 在於，你而家唔入去仲要重新排隊， 侍應再說 ，你可以唔食， 即時火起。我真係唔該你同重視下員工的態度。在國內四季椰子雞的品牌 我也經常去食， 服務態度有很大的差距。在食物方便冇乜太大分別，湯底及 雞方便都很好， 只是款式比較少
继续阅读
今日去咗屯門嘅四季椰林海南椰子雞，佢哋嘅椰子雞真係好出色，餐廳環境清新，讓人感覺放鬆。首先點咗主打的椰子雞湯，四個椰子一鍋湯，完全唔加一滴水，純純嘅椰子湯，湯底清甜無味精，喝上一口就能感受到濃郁的椰香。再加上海南文昌雞半隻，雞肉嫩滑，雞味十足，好食，必點推介。手打黑虎蝦滑蝦滑的口感非常爽口，吃起來彈牙，亦有鮮味。娃娃菜和鮮冬菇，冬菇厚厚的，滑身又鮮美，搭配湯底簡直完美。中山脆鯇魚片薄切魚片淥一陣就可以食，口感帶爽，忍不住再來一片！貴州紅托竹蓀口感脆嫩，係我嘅最愛，索埋清甜椰子湯底，正！金牌非遺臘味煲仔飯熱辣辣上桌，飯焦香脆，搭配臘味，味道層次豐富，真係好滿足。而家餐廳仲推出咗午市熟食套餐，只需$99就可以享受到招牌文昌雞，對於忙碌的午餐時間來講，真係一個好選擇。
继续阅读
之前北上食過四季椰林海南椰子雞火鍋，念念不忘佢個湯底，國內已超過60間分店，而家香港有兩間分店旺角同埋屯門，唔使北上都食到啦～🥥椰子湯底湯底係四個椰子一鍋湯，不加一滴水，真係好鮮甜，忍唔住飲多2碗。🐔海南文昌雞（半只）店員話文昌雞放落湯5分鐘就食得，肉質結實得嚟有彈性，油脂分布均勻，唔會太油膩。不需要過多的調味就能品味到雞肉鮮甜原味。🦐手打黑虎蝦滑一客4件黑虎蝦滑，鮮活捶打，保留鮮味，涮煮3分鐘變橙色就食得，非常彈牙。🍄🟫貴州紅托竹荪貴州紅托竹荪（竹笙）係一種珍貴食用菌，富含蛋白質、維生素和礦物質，對人體健康有益。口感細膩，肉質嫩滑。味道清香，可以吸收椰子湯底精華。🐟中山脆鯇魚片中山脆鯇魚片肉質緊實滑嫩，爽脆富彈性，魚片味道鮮美，沒有腥味。🍄🟫冬菇🥬娃娃菜🍚金牌非遺腊味煲仔飯 （中煲）非遺傳承地道廣式風味，獨家配方，熱辣辣香噴噴原個煲仔飯，店員會灑上蔥花、芫荽、豉油再兜炒，臘味油香再加上飯焦好惹味，比茶餐廳更有水準。
继续阅读