每日都倒数紧圣诞、除夕佳节嘅来临!! 阿根廷风格红砖扒房“La Parrilla Steakhouse”趁住欢乐节日，推出7道菜「节庆限定分享套餐」，啱晒成班亲朋好友一齐欢度圣诞，迎接新一年～呢度嘅深色木系、砖墙、弔扇打造出浓厚外国气氛，一整排大玻璃窗更映透红砖大馆，相当浪漫，节庆期间仲有圣诞装饰㗎。
欧洲红砖小屋装潢，置身异国气氛。
窗边座位好开扬，适合把酒谈欢。
【节庆限定分享套餐Festive Season Sharing Menu】
佳节夜紧系要成枱美食先满足喇!! “La Parrilla Steakhouse”嘅7道菜套餐可以自选2道前菜、3选1主菜、5选2配菜连埋甜品，由头食到尾都有惊喜。
【开胃前菜Appetizers】
打开盛宴序幕由一系列丰盛前菜开始，有鱿鱼沙律／冬日节庆沙律／自家制阿根廷咸味馅饺 (Empanadas)选择。
沙律唔一定系淡寡寡，呢款鱿鱼沙律加咗藜麦、番茄外，仲有近期流行嘅心里美萝卜(watermelon radish)，青皮红肉、甜中带芥辣香好过瘾。
鱿鱼沙律 Calamari Salad
色彩缤纷嘅冬日沙律就以香甜蔬果为主，有苹果、南瓜、甜番薯、核桃同南瓜籽。特别钟意南瓜同甜番薯，食落柔软甘甜，大人小朋友都钟意食！
冬日沙律 Winter Salad
一场嚟到，点可以唔体验吓阿根廷style嘅地道前菜？自家制嘅咸味馅饺可以自选安格斯碎牛肉／烤鸡／波芙隆乾酪配焦糖洋葱。钟意乾酪咸香嘅话推介波芙隆乾酪口味，香脆外皮包住半融乾酪，口感丰富又唔腻。
自家制阿根廷咸味馅饺 House made Empanadas
【主菜Main】
主菜3选1都好丰富，提供牛肉眼扒／T骨牛扒／焗制三文鱼选择。“La Parrilla Steakhouse”作为专业扒房，当然设有自家熟成柜。每款牛扒熟成至少7-14日，特别粉嫩同肉味突出。
钟意油花丰腴啲可以嗌21日熟成肉眼扒，脂肪比例较高，烤到啱啱好入口juicy，搭配多款传统阿根廷特色酱汁一齐食，好出色！
牛肉眼扒 Cowboy Steak
T骨牛扒嚟自牛腰脊部份，同时叹到牛柳同西冷牛扒嘅部位。前者肉质幼嫩，后者油脂分布均匀有咬口，一次食匀2种口感同味道。
T骨牛扒 T-Bone 1kg
海鲜控推介充满蛋白质嘅三文鱼，焗得啱啱好中间好滑嫩。配红椒坚果酱(Romesco Sauce)，香甜微辛同主角三文鱼好夹。加埋烤时蔬伴碟，系营养丰富又好食嘅组合～
香焗三文鱼 Baked Salmon
【配菜Sides】
每款主菜都可以跟配2款配菜，5选2包括松露薯蓉／烤球芽甘蓝／蒜香薯条／烤南瓜／沙律。
Truffled Mash Potatoes/ Roasted Brussels Sprouts/ Garlic French Fries/ Roasted pumpkin/ Green field Salad
【甜品Desserts】
甜品系令人留下深刻印象嘅最后一道菜，而呢度绝对唔会令人失望!! 3选2甜品有西班牙经典甜品Flan Casero／苹果批／流心朱古力蛋糕。
Flan Casero卖相同布甸大同小异，分别在于Flan以蛋为主、牛奶为辅。入口香甜顺滑，蘸上焦糖牛奶酱简直系绝配！
Flan Casero
苹果批加咗马尔贝克酒(Malbec wine)慢煮青苹果，食落清新酸甜，食晒成个都唔会好腻。而流心朱古力蛋糕趁热食有流心效果，暖笠笠嘅朱古力浆加埋绵密蛋糕，系满满幸福感啊～
Green Apple & Malbec Tartelette
Molten Chocolate Cake
餐厅仲精心设计咗$288阿根廷葡萄酒Wine Pairing，分别为前菜、主菜同埋甜品搭配各款酒品，增强每道菜式喺味蕾嘅风味，爱酒人士可以试吓！
La Parrilla Steakhouse
地址: 中环云咸街77号嘉兆商业大厦1楼
电话: 26378555
【亲民价食牛扒界天花板】阿根廷牛扒拼盘+乾酪焦糖洋葱饺
“La Parrilla Steakhouse”一向主打牛扒界天花板—阿根廷牛扒，北角店更走亲民价路线，抵食价钱就食到同中环店一样咁高质嘅牛扒！餐厅空间感十足，红砖墙搭配黑白格仔地砖同复古梳化位，好似瞬间穿梭到外国咁啊！
【节庆限定分享套餐Festive Season Sharing Menu】
趁住圣诞同除夕佳节，餐厅推出$498「节庆限定分享套餐」，食匀2款开胃前菜、1款主菜、2款配菜、1款甜品共6道菜，食物种类绝对唔会令你失望。
【开胃前菜Appetizers | 3选2】
前菜当然唔少得开胃沙律， “La Parrilla Steakhouse” 嘅沙律仲要超丰盛，冬日沙律有色彩缤纷嘅香甜蔬果如苹果、南瓜、甜番薯、核桃同南瓜籽，配埋新鲜沙律菜一齐食好fresh!!
冬日沙律 Winter Salad
推介海鲜迷试呢款鱿鱼沙律，鱿鱼本身已经大大件够鲜甜弹牙，香烤之后更加惹味。加埋香气独特嘅阿根廷番茜酱调味，作为前菜太正喇～
鱿鱼沙律 Calamari Salad
想体验阿根廷正宗小食，一定要拣呢款自家制嘅咸味馅饺(Empanada)，可以自选烤鸡／波芙隆乾酪配焦糖洋葱口味。香口饺皮包住嫩滑鸡肉，食落唔会好干，成个配搭意外地夹。
自家制阿根廷咸味馅饺 House made Empanadas
【主菜Main | 2选1】
主菜2选1有牛扒大拼盘／焗制三文鱼选择。同三五知己开心share最好就系拣牛扒拼盘(Pampas Platter)，食匀重量级500g T骨牛扒+多汁Ojo de Bife(肋眼牛排)，啖啖肉劲满足！T骨牛扒结合肉质幼嫩嘅牛柳同油脂丰腴嘅西冷部位；而Ojo de Bife以丰富肉汁同肉味香浓闻名，完美感受到阿根廷牛扒嘅层次感！
牛扒拼盘 Pampas Platter
轻盈之选推介香焗三文鱼，柔软鱼肉搭配浓厚嘅红椒坚果酱(Romesco Sauce)同烤时蔬，更突出到三文鱼嘅鲜同香！
香焗三文鱼 Baked Salmon
【配菜Sides | 4选2】
配菜4选2包括松露薯蓉／蒜香薯条／烤南瓜／沙律。饮酒嘅话，拣松露薯蓉或者薯条都好佐酒。
(左上、左下) 蒜香薯条 Garlic French Fries、烤南瓜 Roasted pumpkin
(右上、右下) 沙律 Green field Salad、松露薯蓉 Truffled Mash Potatoes
【甜品Desserts｜3选2】
未食甜品点舍得走啊? 最后甜品可以3选2，分别供应流心朱古力蛋糕／青苹果及马尔贝克酒挞／阿根廷风甜品Flan Casero。
冬天总想食返个甜滋滋嘅流心朱古力蛋糕暖吓肚，朱古力蛋糕好松软，中间仲有暖笠笠嘅流心朱古力浆，甜而不腻而且好rich。
流心朱古力蛋糕 Molten Chocolate Cake
青苹果及马尔贝克酒挞以马尔贝克酒(Malbec wine)慢煮青苹果而成，入口清新酸甜带微微酒香，并以鲜奶油同香烤杏仁片点缀，相当精致。
青苹果及马尔贝克酒挞 Green Apple & Malbec Tartelette
阿根廷风甜品Flan Casero卖相同布甸好似，不过入口蛋香比较浓厚。
阿根廷风甜品 Flan Casero
餐厅仲精心设计咗$288阿根廷葡萄酒Wine Pairing，分别为前菜、主菜、甜品搭配各款酒品，增强每道菜式嘅风味，爱酒人士可以试吓！
La Parrilla Steakhouse
地址: 北角堡垒街19号景文楼LG层
电话: 26623000