有时小店嘅优惠真系特别抵，好似呢间「黑木亭」嘅尖沙咀、元朗分店都推出指定时间散叫刺身及寿司68折。
呢度唔只得刺身寿司食，仲会定期推出创意日本料理，几有惊喜。除咗早前推出嘅A5宫崎和牛小熊泡泡浴寿喜烧、A5宫崎和牛他他引爆人气；最近新出嘅生蠔海胆大满贯、活海胆拖罗5点等指定料理更低至6折，即刻睇吓优惠详情啦～
【本月重点】海胆·刺身·迷你丼
今个月新出多款料理都有折扣优惠㗎！趁住海胆时令季节，日本直送原板海胆(40g)更有5折𠻹，CP值劲高。
日本直送马粪海胆 5折$298/原价$596
首先要mark实5折嘅日本直送马粪海胆，足足40g份量几个人share都得。
时令生蠔海胆大满贯 64折$888/原价$1,388 (尖沙咀及元朗限定)
呢个大满贯真系超级丰富！单单系吞拿鱼已经有齐大拖罗、中拖罗、赤身同吞拿鱼蓉；仲有右口鱼边、三文鱼、牡丹虾、池鱼、三文鱼籽、鹅肝，加埋北海道马粪海胆、4只时令生蠔，集合晒多款矜贵鱼材，CP值够晒高。
活海胆拖罗五点 7折$569/原价$813 (尖沙咀限定)
连壳上嘅活马粪海胆，一望就知系新鲜即开～加埋大拖罗、三文鱼、牡丹虾、带子，全部刺身都好厚切足料。
软壳蟹六杯丼 7折$289/原价$413 (尖沙咀限定)
选择困难症发作唔使惊，六杯丼真系一次过有晒6款迷你丼饭，最抢眼一定系劲大只炸软壳蟹，同埋堆到满嘅三文鱼丼～其他仲有带子、牡丹虾、鹅肝、吞拿鱼粒迷你丼。
【入口即溶之选】A5宫崎和牛！
呢度有多款A5和牛料理，想食石板烧和牛、寿喜烧或他他原始风味都得。
石板A5宫崎和牛厚切 7折$388/原价$554
可以自己喺热辣辣石板上面烧和牛，望住油脂慢慢标出嚟，但肉质都系好粉嫩，一定要趁热食！
A5宫崎和牛烧到热辣辣即食好正。
A5宫崎和牛他他 6折$239/原价$398
如果你钟意食和牛嘅原始肉味，可以拣和牛他他。将半熟和牛夹住洋葱、酸汁一齐食，粉嫩肉质软绵绵又惹味。
和牛他他好粉嫩，有浓郁原始肉味。
A5宫崎和牛小熊泡泡浴寿喜烧 7折$398/原价$569
A5宫崎和牛堆到成座山咁高!! 可以自行将寿喜烧汤倒入锅中小熊，望住佢慢慢融化好得意又有啲唔舍得(?)。
小熊泡泡浴嚟啦！亲自倒入寿喜烧汤。
A5宫崎和牛成座山咁多。
【捲物·六杯蠔】
爆葱吞拿鱼蓉鮟鱇鱼肝捲 (尖沙咀及元朗限定)
鮟鱇鱼肝一向系日本矜贵食材之一，味道淡雅、口感绵密。今次连埋爆多吞拿鱼蓉一齐食更加软绵绵，又唔会抢咗吞拿鱼鲜味。
鮟鱇鱼肝有独特口感，又唔会遮咗吞拿鱼鲜味。
常满捲
「黑木亭」开业几年就咁受欢迎，其中一个原因系啲嘢真系好足料。好似常满捲就有好厚切嘅三文鱼、油甘鱼、带子，仲要铺满海胆。
「黑木亭」捲物都好爆料，顺便挑战吓一啖食唔食得晒咁多鱼生!!
海产细味六杯蠔
六杯生蠔分别配上泰式汁、鸡尾酒汁同酸汁，拎起生蠔杯一啖过啪入口好爽。
六杯蠔劲新鲜，自带灯光效果打卡好靓。
【元朗店晚市】一人前定食低至$168
召唤元朗人～「黑木亭」元朗分店有好多大份量定食，就算一个人嚟食饭都饱肚又抵食。
88mm直径A5和牛和球石头饭 $168
好吸睛嘅和牛波波，一望就知几足料喇！上枱嗰阵石锅仲系热辣辣，将和牛波波压落石锅焫熟就食得，仲可以整到饭焦𠻹。
和牛波波好吸睛。
将和牛压落石锅焫熟就食得。
葱花牛舌袋烧肉 $168
近年日本爆红葱花牛舌，喺度都食到呢种风味喇～大厨将葱、薑放晒入牛舌入面，可以自行将牛舌放上热石烧嚟食。
【「黑木亭」最新优惠】尖沙咀&元朗散叫刺身寿司68折
尖沙咀分店 1) 散叫单件寿司及单点刺身 68折#(12pm-5pm 或 9pm后入座) 2) 「二人前午市套餐」7折$398/原价$568(12pm-5pm) 3) 晚市单点餐牌 88折优惠*(6pm-9pm入座) 4) 限定版清酒买一送一，价钱低至$378/2支(全日供应及星期五除外)
元朗分店 1) 全日散叫单件寿司及单点刺身 68折# 2) 「二人前午市套餐」7折$398/原价$568(12pm-5pm) 3) 晚市定食送榴梿/海盐雪榚1球 4) 限定版清酒买一送一，价钱低至$378/2支(全日供应及星期五除外)
天后分店 1) 晚市单点餐牌88折*(6pm-11pm) 2) 限定版清酒买一送一，价钱低至$378/2支(全日供应及星期五除外)
#1) 所有午市定食. 晚市定食.大满贯.寿司盛. 刺身盛及本月推介除外 2) 优惠不能与晚市单点餐牌 88折优惠同时使用 3) 没有折上折优惠 *星期五、六、父亲节及公众假期前夕除外；以及本月推介及饮品除外 |
黑木亭居酒屋 (尖沙咀店)
地址: 尖沙咀金马伦道58-60号国钯大厦地下-1楼
电话: 23296669
黑木亭-お食事処 (元朗店)
地址: 元朗裕景坊15-25号玉成大厦地舖
黑木亭居酒屋 (天后店)
地址: 天后清风街10号清风大厦地舖
电话: 26606373