大家已经一年无去旅行喇，开始习惯喺香港搵地方玩同食，发觉原来我哋嘅家有咁多好地方，特别系大屿山原来个景系咁靓，好值得我哋珍惜㗎！随住上个月屯赤隧道开通，吸引唔少驾驶人士行吓新路游车河，一场嚟到当然要食餐好先玩得畅快啦！
经屯赤隧道由屯门去机场约15分钟，可以途经东涌同大屿山郊游。趁而家机场附近车流畅通，郊游前後仲可以去亚洲国际博览馆食餐中式Fine Dining。咦？西式Fine Dining 就听得多，原来中式Fine Dining 又系另一番别致。
主打高级中式Fine Dining 澐．NUVA，位於亚洲国际博览馆二楼。
无论西式定中式，称得上Fine Dining 当然有靓景。 澐．NUVA 全店以落地玻璃映照大海，望出去海天一色令人份外写意。「澐」一字亦系依据《说文解字．水部》中提到「澐，江水大波谓之澐」而命名，坐於「澐」中欣赏如波浪般轻盈多变嘅云，又系另一番意境。
全店都有落地玻璃映照大海景。
澐．NUVA将行云流水融入环境中，亦会定期同各艺术团体合作，透过艺术平静心境享受一餐中式Fine Dining。
巧遇好天气，仲可以欣赏水天一色美景。
典雅艺术环境 一尝中式Fine Dining
如此典雅嘅艺术气氛，好啱情侣或同家人慢慢享受，特别系店家主打多款经典广东菜，坊间已少见嘅手工菜「金钱鸡」；严选五层肉炸成外脆内软嘅「趣脆咕噜肉」；以炭火上碟嘅黑毛猪叉烧「招牌蜜汁叉烧皇」都有。
冬日时节要暖笠笠，兼一试大厨手艺，可拣限定5款重量级煲仔饭。呢度嘅餐饮团队主管同行政总厨均获法国国际美食协会认证，佢哋限定设计嘅煲仔饭令人好期待呀！
即叫即做煲仔饭 堂食／外卖都得
全部煲仔饭都系即叫即做，唔系每间餐厅都愿意花上咁多时间心血，将饭心煮至软熟丶金黄色饭焦厚薄恰到好处，可原块刮起食到乾爽甘香，全赖师傅控制火喉功架。食客想悭啲时间可以预先订座落单。揸车人士都可出车前打嚟落单，嚟到就即刻有得食啦！
鲍鱼香菇肉饼煲仔饭
一打开就见到4大只原只鲍鱼，厚肉腍滑，忍唔住饭都未食就咬一啖鲍鱼先。同煮嘅肉饼亦无沦为配角，严选半肥瘦新鲜猪肉口感一流，配埋虾胶丶香菇丶蚝油等调味，弹牙唔嚡口。
鲍鱼香菇肉饼煲仔饭
鲍鱼大只厚肉。
自家制煲仔饭豉油 画龙点睛
特别一提，煲仔饭精髓之一嘅就系豉油。呢度嘅豉油系自家调制，师傅每日以蔬菜丶莞荽丶香葱等材料新鲜熬制野菜水，再以特调比例混合头柚丶冰糖等调味，绝无猪油。完全平衡到鲜味同健康，确有画龙点睛之效。
自家特调嘅煲仔饭豉油，健康又提鲜。
章鱼鸡粒膶肠煲仔饭
师傅巧妙地选用较鲜甜嘅泰国章鱼，以突出三黄鸡鲜嫩肉味。加埋本地生晒膶肠，天然原味轻油香，连埋鸡油渗入饭粒，唔会油腻之馀亦提升米香，咸香嘅油饭冬天食啱晒！
章鱼鸡粒膶肠煲仔饭
油鸭香菇鸡煲仔饭
讲到煲仔饭，不得不提经典嘅「油鸭香菇鸡煲仔饭」。油鸭系精选去骨油鸭髀，皮香肉厚，难得油髀都可以食到啖啖肉。鸡肉同样用三黄鸡，个人觉得锺意肉感嘅可拣呢款；锺意油香轻盈啲嘅可拣章鱼鸡粒膶肠嗰款。
油鸭香菇鸡煲仔饭
三黄鸡骨细味浓，口感比其他鸡种特别，所以好多人都格外锺意。
腊肠排骨煲仔饭
经典港式煲仔饭风味，用上本地生晒腊肠，油香甘醇，配饭一流超开胃，哄小朋友食饭就最啱喇！排骨就系选用腩排，有肉有骨，肉质够腍丶脂肪分布平均，骨边肉仲特别香。
腊肠排骨煲仔饭
本地生晒腊肠，有香醇风味。
野菌鸭肝煲仔饭
唯一一款中西Fusion 煲仔饭，以肥嫩浓郁嘅法国鸭肝突出饭香，可以话系巧妙地用另一种咸香代替腊肠，味道同样甘香但多咗一种Creamy 口感。配合多款菌类如鲜冬菇丶灵芝菇丶本菇等，解腻并营造多重咬口，令成个煲仔饭香而不腻。
野菌鸭肝煲仔饭
特别选用法国鸭肝，香醇Creamy。
农历新年期间限定 只限外卖
喜气洋洋嘅2月，澐．NUVA亦推出新年限定八宝鸭套餐同盆菜，提提你记得早3日预订喔！
八宝鸭套餐
有「佳节欢聚八宝鸭 配原只鲍鱼丶原粒瑶柱甫套餐」同「佳节欢聚八宝鸭 配风生水起鲍鱼海蜇丝丶蟹肉烩伊面套餐」两款拣。八宝鸭用足3斤去骨全鸭，再放满超过八宝材料，如莲子丶栗子丶咸蛋黄丶冬菇丶梅肉粒丶金华火腿丶马蹄粒丶羊肚菌丶莲藕等，味道口感丰富又好意头。
梅肉粒更系选用西班牙黑毛猪，肉质松化有油香；羊肚菌更少见於一般八宝鸭，因为身价名贵被誉为「菌中之王」，鲜味富营养，可一解油腻；而莲藕同马蹄粒都系一般八宝鸭无，师傅则觉得其清新爽脆口感好夹鸭肉丶糯米，食落有惊喜。
佳节欢聚八宝鸭 配原只鲍鱼丶原粒瑶柱甫套餐 HK$1,388
佳节欢聚八宝鸭 配风生水起鲍鱼海蜇丝丶蟹肉烩伊面套餐 HK$1,328
新春盆菜 集合多款手工菜
暖笠笠盆菜则提供6人份或12人份拣，需要3日前预订。精选16款食材炮制，用上蚝皇扣原只鲍鱼丶豉油皇特大虎虾丶自家烧制柱候腩仔丶新鲜手打鲮鱼球丶香滑贵妃鸡等，集合咗多款手工菜㗎！
此外，仲有星级食材花胶丶海参。花胶爽口弹牙，每啖都系满满骨胶原；另外工序繁复嘅特选南美海参，处理至熬制时间需时一星期，营养价值高，特别滋补养颜。
最後配埋生财菜胆丶脆炸支竹同秘制鲍鱼汁，盆菜味道可谓提升至另一层次呀。
澐．NUVA
供应日期：即日至2021年2月28日 (年初一至年初三休息)
地址: 大屿山 香港国际机场 亚洲国际博览馆2楼
电话: 3606 8818