旺角新开「粗店烧烤」同平时串烧店唔同，每张枱都有串烧烤炉㗎！店员会将热辣辣串烧放上烤炉保温，好方便一班朋友share，就算倾计慢食都唔怕放到冻晒啦。
早鸟优惠88折
「粗店烧烤」会不定期推出OpenRice订座优惠，最近就有早鸟优惠88折，即睇详情～
日期: 2022年12月16日 至 2022年12月23日 时间: 17:30—19:00 详情: 逢星期五、六，经OpenRice订座指定时间即享88折 (不包括酒水及服务费加一) |
一齐粗犷！
呢度之所以叫粗店，因为汉朝古人会用称为「粗炉」嘅烧烤炉煮食。「粗」字代表烤炉外，嚟到现代更有一种简单、放开束缚嘅感觉。店家就系想大家喺度同朋友畅快食串烧、饮酒，无包袱无拘束～
每张枱都有烤炉为串烧保温，可以倾计慢慢食，为咗方便食客抽纸巾，每张枱都有悬挂纸巾好特别，几有心思。
【烧肉串】不经醃制 一嚐原始肉味！
食串烧最怕啲肉太干太咸，呢度嘅肉串就不经醃制，现串现卖。特别系牛肉串、羊肉串都好食到原始肉味；另外个人最钟意烧五花肉，入口劲有油香！
肉串真系原汁原味，有牛肉串、羊肉串、五花肉等。
人气推介仲有烧到脆卜卜嘅鸡中翼、鸡软骨、鸡皮，同场猪手、椒盐鱿鱼须都系饮酒一流㗎。
脆口串烧、炸物好啱饮酒。
【烧海鲜】必食新鲜生蠔·濑尿虾
海鲜烧物就有冬天必食秋刀鱼，鱼肉紮实略带鱼油；即开即烧新鲜生蠔，特别大只脆嫩；最估唔到烤扇贝、濑尿虾都好厚肉，私心推介呀。
多款新鲜海鲜，生蠔、扇贝都好大只！
【烧蔬菜】有辣有甜够过瘾
疯狂吸入第一轮串烧后，可以食啲蔬菜串烧平衡腻感～烧粟米、烤茄子、烤韭菜、翠玉瓜、鲜冬菇等都有；钟意惹味啲可拣虎皮尖椒，辣得好过瘾；个人必点烤菠萝好清甜多汁，当埋甜品食都得。
多款蔬菜串烧拣，特别系烤菠萝好清甜多汁。
【锅物】辣住饮啤酒
除咗一系列串烧，呢度嘅锅物都好佐酒，特别系麻辣烫、甜麻杂贝真系有种粗犷感觉，食住流汗再饮啖啤酒几正。
麻辣烫有好多爆汤配料—豆卜、粉丝、生菜等，入口香辣，后续又渗啲麻。
麻辣烫好多爆汤配料。
甜麻杂贝汤底系麻辣汤底+特调牛奶，中和辣度之馀更突出海鲜鲜甜，有多款新鲜直送贝类—沙白、蚬、青口。
甜麻杂贝有多款贝类，放到满晒劲多料。
【过冷河】弹牙冷面
食咗咁多烧物辣嘢，都可以叫碟粗店凉面过吓冷河。
粗店凉面
【拉丝浓郁】乾酪捞丁
冬天食个热辣辣乾酪捞丁真系好有幸福感～呢度嘅双重乾酪拌一丁有车打乾酪、乾酪碎、蒜茸，上枱前仲会用火枪炙烧乾酪表面，劲惹味creamy。
Photo
双重乾酪拌一丁，上枱前仲会炙烧乾酪超拉丝。
粗店烧烤
地址: 旺角豉油街60-104号XX Arcade地下AB号舖
电话: 37051318
