有时想揾间靓餐厅食饭，其实系想要个喘息空间放空吓，估唔到旺角闹市都有选择。主打新派泰菜嘅「青花」以大地色为主调，室内挂满花花草草之外，仲有落地玻璃望到天台草地及映透柔和自然光，俨如闹市中绿洲。
唔只环境靓，呢度嘅新派泰菜真系好吸引!! 大厨用各种煮法、自家酱汁重新演绎泰菜，好似蓝蝶花蟹肉菠萝炒饭、榴梿薄饼、路边炭火蒜炒猪腩生菜包等等，都系以经典东南亚菜为基调，再加入创作元素而成。配埋靓靓摆盘同饮品，好啱同朋友边食边打卡，享受轻松用餐气氛。
「青花」有多款新派泰菜选择。
店内放满花草，加上大地色调充满东南亚风味。
蓝蝶花蟹肉菠萝炒饭
梦幻蓝色蝶豆花饭真系好吸睛，同行友人都会忍唔住即刻打卡。炒饭入面有腰果、肉松、提子干、蛋丝配料，最特别系加咗烧菠萝，咸甜交替啱晒夏天食。
最估唔到系蝶豆花饭粒好烟韧，有时又会食到脆脆果仁，口感好丰富呀。
蓝色蝶豆花饭好梦幻，特配烧菠萝、腰果、蝶豆花饭交织多重口感。
路边炭火蒜炒猪腩生菜包
平时生菜包都系用肉碎，「青花」就转用更有存在感嘅猪腩肉同脆脆烟肉。
猪腩肉肥瘦适中兼啖啖肉，好佩服大厨创新地用咗轻甜嘅秘制酱汁+原颗蒜头爆炒，配埋清爽生菜一齐食完全唔腻。私心钟意蘸啲酸辣汁一齐食，辣辣地更有风味。
生菜包嘅经典肉碎变成猪腩肉同脆脆烟肉，更加香口兼啖啖肉。
芒果糯米饭
一到夏天就想食啲甜甜酸酸嘅嘢，嚟到甜品环节真系唔少得泰国芒果糯米饭。「青花」嘅蝶豆花糯米饭好够热，口感特别软Q。芒果肉又多又厚切，绝对大满足。
夏天必食芒果糯米饭！蝶豆花糯米饭又热又软Q。
青花 (THE FOREST)
地址: 旺角奶路臣街17号THE FOREST 1楼107-108号舖
电话: 34682558
