Odelice! 由湾仔小店做起，法国人老板想大家喺轻松气氛下，一嚐地道法国料理。不卖花巧，价钱贴地，感觉就好似喺巴黎街头casual 地行入小馆用餐咁，唔侷促又唔惊out budget，而家香港已有多间分店 (尖沙咀/湾仔/将军澳/荃湾/沙田) 。
香港人咁出名钟意食海鲜，Odelice! 当然喺餐牌度落足心思加入唔少海鲜元素，今次主题就介绍几款海鲜好物，用亲民价黎满足一众海鲜控。
法国南部风味 蕃茄茴香酒煮蚬
茴香酒 Pastis 系法国南部嘅招牌开胃酒，味道甘，配上大蚬的鲜甜相当合衬，更可提升蚬肉嘅鲜味，加埋蕃茄及甜椒等小蔬菜，成个汤汁好有层次， 连埋蚬肉一齐”啜” ，口感轻盈又不失香浓鲜味，难怪成为其中一道招牌菜。
必试头盘 煎封吞拿鱼薄片
好多人钟情于吞拿鱼Sashimi，呢款煎封吞拿鱼薄片可以话系升呢版， 吞拿鱼粘满黑白芝麻，用橄榄油慢火煎至吞拿鱼呈半生熟，一咬落去脆卜卜之馀，更带出吞拿鱼嘅甘香鲜甜，最后口腔蕴藏芝麻馀香，而酱汁方面有个醒胃柚子醋汁，同有新鲜柚子肉点缀，色香味俱全，又一绝对要试嘅一款头盘!
法国西北部经典料理 杂锦海鲜荞麦薄饼
可丽饼Crêpe系法国西北部布列坦尼地区嘅经典传统料理，喺香港早已出晒名，但唔知大家有冇试过Crêpe都有个咸嘅版本? Odelice! 呢款海鲜荞麦薄饼，用荞麦粉打成面糊嘅荞麦薄饼 Galette，有大蒜炒香嘅虎虾、鳕鱼、BB带子同八爪鱼仔，配个经典不过香草白酒奶油汁，堪称完美，荞麦薄饼唔系度度有得食，加埋呢个为香港人而创嘅配搭，保证食过番寻味!
普罗旺斯的光荣 马赛龙虾海鲜锅
食法国菜点可以唔试埋作为世界经典名菜之一嘅Bouillabaisse，亦系普罗旺斯美食嘅光荣! 半只龙虾、青口、大蚬、盲槽鱼及小八爪鱼，大啖海鲜嘅鲜美甘甜一碟过足本享受，想再抵食d 可以叫Odelice! 人气 $788 二人餐，除左海鲜锅之外仲可以拣多款主菜，套餐亦包括餐汤、头盘及甜品，包罗万有，绝对系抵食选择。
仲有无其他特别优惠? Odelice! 之所以咁深得民心，因为一直对食客照顾够周到，所以答案系有嘅!
【逢星期二: 海鲜放题 每位$268】
逢星期二5:30pm开始，任食纽西兰青口、澳洲黑青口同大蚬!
两款汤汁”白兰地奶油汁”同”地中海海鲜汁”各有各精彩， 点可以唔试晒佢地?
【逢星期日: 点生蠔! 即送法国白酒】
逢星期日全日到Odelice! 每嗌6只正价生蠔 $218, 即送2杯法国Chardonnay靓靓白酒，坚抵!
生蠔为法国Fine De Claire，蠔壳修长轻薄，蠔肉略带海水咸味，肉质多汁，口感柔软，配法国Chardonnay白酒，清爽新鲜，丹宁度低，同生蠔系绝配!
温馨提示: 生蠔每星期空运到港，数量有限，记得预订!
