近年日本、台湾都掀起汉堡扒热潮，多间人气汉堡丼店纷纷成为排队店。其实唔只过江龙做得出色，香港人都有属于自己嘅汉堡丼店啦。观塘新开「牛霸王」由几位香港人开设，并由拥多年经验师傅主理，推出每日手打汉堡扒!!
汉堡扒由零开始研发，用咩牛肉、点调味都要逐一试味，2款镇店汉堡丼系试到最好嘅成品—招牌手打和牛汉堡扒兰王蛋饭、手打乾酪安格斯汉堡扒兰王蛋饭。老板坦言，开店前已经试食咗超过1000 件汉堡扒喇，绝对值得嚟观塘支持吓呀，而家仲有新店优惠𠻹。· +$5追加汽水、自家制蜂蜜绿茶及一人小食追加优惠。
「牛霸王」新店优惠！
优惠日期: 由即日起至2024年2月29日 - 晚市堂食（18:00-21:30）及全日外卖自取 (堂食每位最少消费$68元)可享85折优惠 |
观塘新开「牛霸王」，主打近年人气爆升嘅汉堡扒丼饭。
自选你嘅专属口味 | 7种颜色·8种味道
「牛霸王」会跟配兰王蛋、萝卜蓉、芝麻；并有2款汉堡扒、3款酱汁、2款配料各选1款畀大家配出专属口味。
足足6款食材，连埋日本晴冈米拼出7种颜色～而点解系8种味道呢? 除咗7款食材各有风味，师傅最推荐系由上至下将全部配料一大啖入口，就系精心设计嘅第8种极致味道!! 完美融合7款食材滋味呀。
自选专属口味 (每项选一款)
自选汉堡扒: 手打和牛汉堡扒／手打乾酪安格斯汉堡扒 自选酱汁: 秘制汉堡汁／白味噌汁／日式咖喱汁 自选配菜: 日式泡菜／芥辣酸瓜 |
选择困难症都唔紧要，师傅透露咗佢嘅私心完美配搭啦!! 就系手打和牛汉堡扒+秘制汉堡汁+日式泡菜。和牛汉堡扒选用澳洲和牛，油脂分布、肉香更平衡，一咬落去外脆内嫩兼渗出油香。
秘制汉堡汁嘅独特柚子香味，则恰好平衡腻感；微酸轻辣日式泡菜就刺激味蕾撞出层次感，难怪店家大力推荐要一大啖食晒7款配料啦。
师傅私心完美配搭—手打和牛汉堡扒+秘制汉堡汁+日式泡菜。
测试过千次 | 牛霸王汉堡扒！
店家研发汉堡扒期间屡败屡试，曾经用唔同份量、材料试味过千次，最后先有最满意嘅黄金比例。而且诚意十足, 每日手打，过程中会令汉堡扒肉质更弹性，咁先煎到外脆内嫩效果，每啖都有满满澎湃嘅油脂感&浓郁肉味!!
汉堡丼一上枱，最抢眼一定系鸡蛋界天花板—兰王蛋。由日本九州大分县出产，向来被称为贵族蛋。因为兰王蛋具严格品质控制，甚至规定由200至320天母鸡生产，佢哋嘅饲料必为原料谷物，不含添加剂、激素及抗生素。所以蛋黄特别饱满圆润，蛋浆浓厚富蛋香，同汉堡扒撞出不可言喻嘅口感、味觉享受。
手打乾酪安格斯汉堡扒丼饭。兰王蛋好浓厚，安格斯汉堡扒入面仲有乾酪，双重浓郁享受呀。
拆解3款酱汁 & 2款配料！
「牛霸王」嘅汉堡丼灵魂就系酱汁，3款自家调制酱汁经多次调味研发。以日本常见食材煮制，质地唔会好浓稠同汉堡扒好夹㗎。
店家最推荐嘅秘制汉堡汁加咗柚子，酸酸甜甜好解腻，同时又突出到汉堡扒肉味。白味噌汁口感最丝滑，特选日本味噌中最温和嘅白味噌，带有醇香、微妙咸味突出汉堡扒风味。而日式咖喱汁味道轻甜甘口，馀韵又会渗出香辣，最有层次感同开胃。
而2款配菜—日式泡菜、芥末酸瓜都唔系普通现成货，自家制和选材可增加层次感。日式泡菜好有日本渍物影子，微酸轻辣，比韩国泡菜轻盈得多。芥末酸瓜就将日本醃制青瓜+芥辣，独特轻辛味好有新鲜感。
白味噌汁以豆酱香气、微妙咸味突出汉堡扒风味。
秘制汉堡扒汁加咗柚子，酸甜解腻又突出汉堡扒肉味
观塘人饭堂 | 多款特色丼饭 & 小食
除咗招牌汉堡丼，「牛霸王」都有多款特色丼饭，最平$68就食到，好啱成为观塘人饭堂。
日式慢煮猪软骨丼饭。以日本豚角烧方式慢煮5小时，酱汁浓郁又富软筋口感。
浓茄野菌炖牛肋条饭。用新鲜番茄煮成浓茄蓉，绝非现成茄膏茄汁，一嚐天然风味又健康。
健康鸡扒沙律。清爽沙律零负担，仲有足料鸡扒补充蛋白质。
新店优惠享一人小食追加优惠，多款金黄香口小食选择。
自家制乾酪虾春捲配泡菜酱。将虎虾打成虾滑，加入洋葱、乾酪，酥脆弹牙。
跟餐优惠仲有+$5追加汽水、自家制蜂蜜绿茶。
牛霸王
地址: 观塘成业街19-21号成业工业大厦1楼26号舖
电话: 63334238
