Food Court观塘又有新热点!! 全港首间泰国主题Food Court—“Foodhall by Moon Thai”，前身系连续5年获米芝莲推介嘅上环传统泰菜餐厅“Moon Thai”。新店嚟到观塘，继续由前泰皇御厨团队主理，一嚐地道泰国风味。
观塘新店“Foodhall by Moon Thai”，继续由前泰皇御厨团队主理。
“Foodhall by Moon Thai”充满泰国度假风，落地大玻璃映透自然光，热带植物、木系及高楼底打造悠閒气氛。全店佔地5,525呎空间感十足，座位舒服宽敞，好欢迎大家带电脑嚟做嘢同Me Time，部分位置更设叉电位㗎。一大班人聚会、公司聚餐亦可预订VIP房，可容纳20人享受独立空间。
店内高楼底及落地玻璃，系观塘区少有嘅唞气空间。
座位空间感大，欢迎大家带电脑嚟做嘢同Me Time。
店家细心划分四大区域—Bar(泰茶、咖啡及酒水)、Thai Signature(泰式地道炒粉面、咖喱)、Boat Noodles & Grill(泰式船面、串烧及甜品)、Burger Brunch(Fusion汉堡、泰菜及All Day Breakfast)。繁忙午市时段系Food Court，各位观塘人可依自己喜好去该区直接落单付款。午市套餐只系$68起(包指定冷/热饮品)，CP值好高!!
店内分成四大区域，午市落单好方便。
晚市 (6pm后) 及 周末(全日)则变成泰国餐厅，嚟到坐低等侍应帮大家落单就得喇。而早餐时段(每日11:30am前)则有船面；以及~君兰面包厂~新鲜出炉嘅菠萝包。
观塘人注意！$20咖啡优惠
星期一至日，全日咖啡均享优惠价$20 |
四大区域 | Bar(泰茶·咖啡)
一入店就系Bar区，多款咖啡—Espresso、Latte、Cappuccino等均享$20优惠，观塘人随时嚟饮杯提吓神。
最值得一试，当然唔系度度都有嘅泰茶啦。呢度嘅泰式奶茶拥独特茶味、口感顺滑。泰国团队更设计泰式脏脏奶茶、泰式茶汤力，好有新鲜感。
多款特色泰茶、咖啡。现咖啡优惠价$20好抵饮。
四大区域 | Thai Signature(泰式地道炒粉面·咖喱)
Bar隔篱就系Thai Signature区域，主打泰地道炒粉面同咖喱。泰国大厨以传统煮法，爆炒虾炒金边粉、干炒猪肉河粉、菠萝海鲜炒饭等。
自家制泰国咖喱则用多种香料熬煮，有红咖喱、青咖喱选择。轻辣轻甜，每啖都有香料味微妙变化，现成咖喱难以媲美。另一佐饭之选就有泰式卤水猪手饭，接近半只猪手份量，用卤水炆到好软腍，满满骨胶原嘅猪皮、猪手肉都好似入口化开咁。
Thai Signature区域有泰式地道炒粉面、咖喱。
自家制泰国咖喱用多种香料熬煮，轻辣轻甜。
泰式卤水猪手饭。接近半只猪手份量，用卤水炆到好软腍。
四大区域 | Boat Noodles & Grill(泰式船面·串烧·甜品)
泰国厨师团队用多种香料煮制招牌船面汤底，如南薑、干葱、蒜等，地道香浓，配牛肉、猪肉、鸡肉都好好食。
当你行过呢个区域，仲会闻到好香烧烤味～因为呢度嘅串烧、烤物都系即叫即烧，有泰式猪肉丸串、沙嗲猪肉串烧、烤香茅猪颈肉等。沙嗲酱都系自家调制，好香花生酱味㗎。
呢度仲有自家制泰式甜品，私心推荐好软Q嘅斑兰椰汁千层糕，烟烟韧韧好香椰汁味。近年人气急升嘅香蕉朱古力煎饼都值得一试，甜控一定爱上浓郁朱古力酱同炼奶。
Boat Noodles & Grill区域有泰式船面、串烧、甜品。
招牌船面汤底，用多种香料熬煮。
串烧、烤物即叫即烧，经过都闻到好香。
多款烧物选择，沙嗲有好浓花生酱味。
多款自家制泰式甜品。
(左上及左下)椰汁西米糕、芒果糯米饭。
(右上及右下)斑兰椰汁千层糕、香蕉朱古力煎饼。
四大区域 | Burger Brunch(Fusion菜式·汉堡·泰式全日早餐)
估唔到泰式酱同Burger咁夹!! 如果你都钟意Fusion菜嘅惊喜，一定要试吓呢区嘅牛肉汉堡·红咖罗蛋黄酱、猪肉汉堡·青咖喱蛋黄酱等，每份汉堡都免费跟配焗薯，饱足感满分。
Fusion元素唔只用落汉堡，仲有班尼迪蛋辣荷兰酱·烤菠萝、冬阴功虾扁意粉都好有新鲜感。想嚟“Foodhall by Moon Thai”放空吓享受Me Time，喺度叫份泰式全日早餐坐半日好啱Feel，有泰式粥、沙嗲鸡串、培根、杂菌、炒蛋、酸种包。
必试牛肉汉堡·红咖罗蛋黄酱，估唔到泰式酱同Burger咁夹。
泰式全日早餐坐半日好啱Feel。
Foodhall by Moon Thai
地址: 观塘观塘道348号宏利广场1楼101号舖
电话: 28511288