海鲜迷有福喇!! 主打香港地道风味嘅「明厨」，立志将港式美味传承下去。大家熟悉嘅镬气小菜，看似简单却极考⼤厨炉火纯青嘅厨艺同匠⼼。其招牌 三重乾酪焗南澳龙虾炒饭 、 火焰奄仔蟹 、 琥珀醉濑尿虾 等等，一向大受本地食家同海外游客欢迎。至今紮根九龙旺⾓13年，嚟到2024年香港铜锣湾都有分店啦，港岛又多个开饭选择。
新店将4间地舖打通，座位宽敞并能以金色垂幕分隔邻桌，优雅地享受私人用餐时光。嚟紧圣诞、新年饭局不绝，呢度都有3间包厢供预订，同亲朋好友尽享「札幌惠比寿⽣啤」及海鲜最佳搭档—日本清酒、香槟、红⽩酒等，齐齐饮饱食醉。
【必食野生海鲜】
嚟到一定要食海鲜，因为「明厨」于海外聘请专人引入各国野生海鲜，每日新鲜到店。好似 三重乾酪焗南澳龙虾炒饭 就选用南澳龙虾，龙虾肉特别饱满鲜甜!! 再以三重瑞⼠芝⼠—巴⾺⾂芝⼠、⾞打芝⼠、莫萨⾥拉芝⼠烤焗，芝⼠拉丝效果澎湃，捞埋惹味炒饭底，上枱无耐就瞬间清碟喇。
另一招牌 火焰奄仔蟹 !! 选用菲律宾进⼝嘅A级野⽣奄仔蟹，蟹膏好似软冰淇淋咁绵滑。每只约10两重，比香港奄仔蟹⼤一倍。
「明厨」用油盐烤焗奄仔蟹，上枱嗰阵员工会喺粗盐淋上秘制调酒再点火，火焰强劲好似睇表演(笑)，系「明厨」原创菜式嚟。猛火唔只为视觉效果，更为逼出蟹鲜香味㗎。听讲有熟客会嗌够10只奄仔蟹，为咗一睹霸气火焰，当然亦想疯狂食奄仔蟹啦。
提到「明厨」海鲜，不得不提 琥珀醉濑尿虾 。严选印尼野⽣斑⾺濑尿虾，长如⼿臂，只只爆膏厚肉劲满⾜！濑尿虾蒸到恰道好处，虾膏好似蛋黄咁软绵，又有淡淡酒香好特别。
另一道濑尿虾菜式— 鬼火深喉濑尿虾 ，同样用印尼野⽣斑⾺濑尿虾，并以被喻为最辣辣椒之⼀「台湾魔⿁辣椒」逼出濑尿虾鲜甜。
食落先香后辣，且辣味后劲十足好刺激。同时巧妙以多种食材中和辣度，如酥炸珍珠叶、薑粒、蒜蓉、红青椒、⾖豉等等，辣得嚟唔会遮盖海鲜味。
【创意演绎香港风味】
「明厨」一向坚持香港风味，同时以创意演绎经典粤菜。好似出名讲究技巧嘅虾多士，就奢华升级为 亚麻籽活南澳龙虾多士 。将原只龙虾拆肉+多士炸到脆卜卜，并以亚麻籽代替传统芝麻，粒粒口感更强，同时补充Omega 3好健康。龙虾头摆盘相当有气势，大家都忍唔住相机食先啊。
以传统艇家煮法为灵感嘅 盐焗泰国野⽣花螺 ，由泰国引入独家巨型海花螺。比一螺般⾁更加爽甜弹牙，并以盐焗做法煮出海⽔风味。我哋食晒成碟花螺，真系只只都又弹又鲜甜，有惊喜。
另一道受传统启发嘅菜式— 有马山椒冻马友 ，系潮式冻鱼进阶版。以日本有马山椒及两种日本面豉酱，做出经典潮式冻鱼。马友鱼肉依然滑嫩，但咸香更显层次。
讲到香港风味，当然唔少得名物叉烧啦。呢道 慢煮本地太极黑毛猪叉烧 ，将黑毛猪慢煮超过10小时，做出外焦内松软嘅极致口感。
【疯狂打卡！烟燻菜式】
饭局要食得尽兴，火焰烟燻菜式真系唔少得。呢道 煲烟断片醉乳鸽 ，即席烧稻草烟燻乳鸽，未食已经闻到好香天然草味。乳鸽亦事先经冷卤慢煮，鸽肉特别嫩滑。
另一道烟燻菜式— 烟燻龙井少爷鸡，则即席以龙井茶叶+苹果木烟燻。丝丝细烟轻柔围绕少爷鸡，过程缓慢细腻，赋予鸡肉一种独特果木香气外，更带嚟视觉享受。
【奢华炒饭】
饭局尾声，唔少得嗌碟炒饭。「明厨」 招牌太子阔少炒饭 相当奢华，有鱼翅、蟹黄、蟹肉、海虾、带子、黑松露等矜贵食材。「明厨」将饭粒爆炒至干身，同时保留食材鲜味，绝对值得留肚食啊。
明厨 Ming’s Kitchen
铜锣湾坚拿道西15号永德大厦地下G8-11号舖
Whatsapp 查询或订座: 6313 8806
Instagram: @mingskitchen.hk
