呢排冷风来袭，喺被窦睇韩剧见到韩国人食烤肉、饮大酱汤就好羨慕喇!! 如果想喺香港都食到韩国暖笠笠风味，铜锣湾呢间「伽倻韩国餐厅」就系由韩国老板娘开设，佢笑言试匀香港大部分韩国餐厅，「伽倻」系最地道之一嚟㗎。由2002年开业至今，一直都好受韩迷欢迎。
一整排落地玻璃卡位，好啱慢食倾偈。
梳化座位宽敞，好啱一班人聚餐。
可预订VIP房更有隐私度。
一入座即免费送上韩国小碟。全部自家制，贴心地随季节改变食材。
好钟意「伽倻」嘅精致环境，一入门口已经闻到高级香味。一整排落地玻璃卡位，好啱慢食倾偈。临近新年，多人饭局亦可预订VIP房就更有隐私度啦。
【MUST必吃推介】韩国直送 秘制酱油蟹
食地道韩国菜，必定点的当然系「秘制酱油蟹」，这里的蟹用咗餐厅自家制嘅酱油做调味，有提鲜嘅作用。而呢度的蟹都来自韩国，只只都爆晒膏，而且蟹肉够晒鲜味。酱汁调味部份都好出色，唔会抢咗酱蟹嘅鲜甜。价钱仲好抵食，1只HK$300 / 2只HK$580。
【招牌烤肉】必食1++韩牛
呢度烤肉均用高级靓肉，特别系韩国牛后腰肉、烤特级肉眼扒系最高级韩牛1++，肉味浓郁又有咬口，比油脂重嘅和牛更有肉感!!
韩国牛后腰肉。肉味浓郁，一向好高人气。
嚟自美国嘅激长烤特级牛肋骨，以韩国做法醃到甜甜地，食落有咬口又唔韧。最钟意烧到咁上下，夹到好高剪成一件件好有仪式感。
激长烤特级牛肋骨嚟自美国。韩国做法醃制，轻甜有咬口。
烧到咁上下，夹起剪成一件件好有仪式感。
韩国老板娘推荐: 蔬菜包烤肉更地道
韩国老板娘好推荐，用蔬菜包烤肉嘅地道食法。平时以为只系食落无咁腻，今次试咗佢哋自家制鲜香葱，原来轻甜轻辛嘅大葱丝连埋烤肉一齐食咁有层次。当然你都可以拣平时常见嘅鲜杂菜沙律、鲜生菜拼盆包住食。
(左上至右)鲜香葱、鲜杂菜沙律、鲜生菜拼盆。
【韩国人食完烤肉会食咩?】
大家都知韩国人会先食前菜小碟，再食烤肉主菜。但原来韩国人食完烤肉，仲有个习惯食埋面条。所以「伽倻」都有热锅面—鲜牛肉锅面、海鲜锅面等；又或冷面—冷制荞麦面，辣杂锦荞麦捞面等。全部自家制面条，特别软Q。
【还原韩国口味】多款地道料理
新年一班人食烤肉，都想食多几款韩国料理～当中必食外脆内软海鲜煎葱饼。系用韩国传统煮法，先做到内里轻韧口感㗎。
「伽倻」开业多年，熟客一直好钟意呢道炆牛肋骨煲。牛肋骨炆到好腍，唔使用力咬就会喺口中化开，肉味带甜好开胃。
冬天食韩国嘢，点少得饮碗大酱汤暖吓胃。滑豆腐海鲜辣煲好香辛，趁石锅一上枱仲热辣辣，即刻捞匀蛋黄，令蛋浆包住各种海鲜更好食。另一款辣牛腩片大葱汤就更满足!! 牛腩好厚切，有男士同行系必食。热汤辣得嚟又有葱香，即刻想配两啖白饭一齐食。
食完咁多热辣辣嘢，最后都可以叫碗雪花冰降吓温。芒果雪花冰、红豆雪花冰都系用韩国机即制，入口即融好过瘾。红豆雪花冰仲有韩国直送麻糬𠻹。
伽倻韩国餐厅
地址: 铜锣湾登龙街1-29号金朝阳中心二期 - Midtown 9楼
电话: 28389550