韩国人大时大节，都会同珍贵嘅人隆重其事食韩牛，但原来唔系全部韩国牛都系韩牛嚟，一定要韩国国家级管理优良基因嘅特定品种，并通过严格系统安全生产先会成为韩牛。
每只韩牛诞生都经精密计算，以人工授精确保血统纯正优良。佢哋食嘅饲料，都系严格挑选嘅有机谷物+草混合物嚟㗎。
所以韩牛产量真系唔多，但身价矜贵唔止因为罕有，其布满大理石花纹兼肉味浓郁都系特点!! 平时食和牛系油花饱满，但食多几件就好易腻喇。韩牛就喺油花、肉味之间拎到平衡。入口富油香带甜，咬落肉质软嫩又有嚼劲，越咬越有肉味系一大享受。
平时想买到真·韩牛，就可以留意韩牛出品包装有无QR code。由「韩国农林畜产食品部」引进嘅「牛肉履历制」，畀你查看韩牛由饲养、屠宰、包装等各阶段资讯。韩国政府更会定期随机抽样检查，确保大家食到高质韩牛!!
今次仲有懒人福音，就系 aT Center香港 (韩国农水产食品流通公社香港支社) 联乘高级扒房“The Steak Room"，于2024年8月1至31日推出期间限定「韩牛套餐」。轻轻松松，坐低就食到100%韩牛靓扒喇 ! 香港支社社长金显镐提道，希望透过是次联乘活动令香港人一嚐韩牛品质及独特味道，等大家进一步了解韩牛的品质管理、安全性及其顶级味道。
“The Steak Room”限定韩牛套餐$988/3道菜
前菜(3选1) 韩牛1++牛柳薄片 配泡菜及蛋黄酱 韩牛1++牛柳 配生菜沙律、韩国梨及辣蛋黄酱 传统焗洋葱汤
主菜(2选1) 韩牛1++ 肉眼扒(8oz) 韩牛1++后腰脊西冷扒(8oz)
所有主菜均附乾酪薯条&自家制泡菜 酱汁选择: 法式蛋黄酱 / 烧汁 / 野生蘑菇汁 / 黑胡椒白兰地 / 白蒜牛油
甜品 柠檬挞 配柠檬奶酪椰子慕斯 |
去“The Steak Room”食最高级韩牛1++
大家都好了解日本和牛最高级别系A5，咁韩牛又点睇呢？原来韩牛会以切割面嘅脂肪分布、肉色、脂肪颜色作为指标评级。1++为最高级别，其次系1+、1、2、3级。另外亦会根据牛只实际可用肉量百分比，分为 A、B、C 三大级别。
所以今次喺“The Steak Room”食到嘅韩牛1++，已经系脂肪、肉色最上乘之品嚟㗎。
【前菜】食韩牛1++牛柳！
前菜选择中，其中2款都有韩牛1++牛柳系最回本之选。牛柳系T骨入面一条肌肉，因为运动量少成为最幼嫩肉位。
【主菜】韩牛牛扒 两大肉位点拣？
两款牛扒都足足8oz!! 肉位方面，后腰脊西冷扒(Striploin)系近年人气肉位之一，如果你追求肉味浓一定会爱上。肉味浓又弹牙，肉味越咬越突出㗎。
当然都可以拣经典肉眼扒(Ribeye)，大理石花纹较多又均匀，系肉味同油花平衡之选。
THE STEAK ROOM
地址: 尖沙咀广东道2A号富卫1881公馆主楼1楼
电话: 39880288
