唔想次次都去旺区食饭，其实东涌都有啲高质隐世餐厅。好似呢间“Maison Du Mezze”，就有好少地方食到嘅真·炭烧牛扒&肉串；并有一系列地道黎巴嫩料理—中东乾酪羊肉馅饼(Arays)、鹰嘴豆饼(Falafel)、中东烤肉(Shish Tawok)等。
以上咁多款料理，喺午市时段都有优惠价㗎！提供餐汤、沙律及前菜、主菜、甜品自由选择；并可追加各款冰茶、义大利气泡酒、红白酒等。
“Maison Du Mezze”曾入围国际餐饮设计大赛，大空间好啱家庭乐、拍拖或朋友聚会。
【午市主菜】
午市优惠嘅主菜好有黎巴嫩风味，钟意地道嘢可拣阿拉伯饭(Kabsa)、羊肉丸(Lamb Kofta)；一心想锯扒又有烧西冷扒(Beef Striploin)拣等等等。越多人食，越可以嗌多几样share最划算啊。
阿拉伯饭(Kabsa)$188
用特殊长米煮制嘅阿拉伯饭，长米会吸满各种香料、食材风味。可以拣羊肉、鱼或大虾口味，份量几多，lunch嚟讲真系好满足。
羊肉丸(Lamb Kofta)$98
黎巴嫩菜嘅炭烧肉丸好出名，外形唔系我哋食开嘅圆形肉丸，而系将肉切碎再压成条状即烧，所以口感好紮实绵密，肉味浓郁。
烧肉拼盘(Mix Grill)$198
肉控必拣烧肉拼盘，有大大份烧羊肉丸(Lamb Kofta)、烧羊排(Lamb Chops)，加咗香料烧好惹味。
烧西冷扒(Beef Striploin)$198
想要锯扒仪式感就有炭烧西冷扒，即叫即用炭炉烧，高温猛火瞬间锁住肉汁，仲有种独特炭香㗎。
【特色甜品】
午市有3款甜品选择—面包布甸(Umm Ali)、黄金饺(Qatayef with Vanilla Ice-cream)、米布甸(Rice Pudding)。3款都各有特色风味，同平时普通食件cake好唔同啊。
(中)面包布甸。外层金黄，富肉桂、坚果香味；
(右)黄金饺。中东传统甜品，炸到脆卜卜同冰淇淋好夹；
(左)米布甸。软滑布甸，配上坚果碎有双重口感。
午市时段有优惠价，一享炭烧牛扒、炭烧肉串，以及一系列地道黎巴嫩料理。
Maison Du Mezze
地址: 东涌怡东路9号湾景荟地下G10号舖
电话: 23300131