零味精自家秘制汤底
呢间中日火锅「不倒翁中日火锅料理」，主打零味精自家秘制汤底、食材。冬日暖身必食花凋醉鸡锅、花肠云英鸡锅，全部自家熬製，打边炉之前饮啖汤即刻暖笠笠，长辈一定锺意呀。
正所谓不时不食，冬天时令食材熬嘅靓汤底仲有羊肚菌文昌鸡锅、川芎白芷大鱼头锅(新鲜)、银杏枝竹胡椒猪肚锅、香茜皮蛋锅等。足料汤底好滋补，双拼汤底只係+$30咋。
VIP房麻雀耍乐 | 近港铁/高铁站极方便
「不倒翁中日火锅料理」係靓装酒楼环境，好啱亲朋好友倾偈耍乐。场内有2间12人房、3间36人房，4:00pm就可以畀房大家麻雀耍乐，有啲房仲係落地玻璃好开扬舒服㗎。
呢度交通好方便，离佐敦港铁站仅3分钟路程；香港西九龙高铁站都只係步行10分钟，内地亲友赴港食团年饭都唔怕舟车劳顿。
好意头「18祭」 | 成本价海鲜优惠
招呼亲朋唔少得游水海鲜，呢度每日都有直送海鲜，一入嚟就见到鱼缸有好多龙虾、鲍鱼、象拔蚌、东星斑等等。而家仲有好意头成本价优惠「18祭」!! 只需$1,818就有原条东星斑+加拿大象拔蚌刺身+西澳龙虾刺身。
游水东星斑原条厚切，用嚟打边炉好有结实肉感、丰润鲜美；而象拔蚌同龙虾就会刺身上枱，一嚐原始鲜甜海水味。
优惠详情！
优惠详情！
「18祭」海鲜优惠 只需成本价$1,818，即享以下全部海鲜 ·原条东星斑 (原价$688/条) ·加拿大象拔蚌刺身 (原价$800/斤) ·西澳龙虾刺身 (原价$688/隻) $50现金券优惠 全店巧手点心绝非雪藏货，每日由师傅手工製作(零味精)，新鲜猪肉特别香。现惠顾点心时段即获赠$50现金券，于晚市消费满$500可使用1张；满$1,000则可使用2张，如此类推。 |
自家秘制火锅汤底&配料 健康零味精
「不倒翁中日火锅料理」开业18年，一直受熟客、商务客支持。全因招牌烧鹅、点心、火锅汤底配料均手工製作，健康零味精唔係度度食到㗎。睇吓佢哋嘅镇店水饺皇就知，每日人手包製隻隻饱满胀卜卜。馅料係满满鲜虾、猪肉、黑松露、木耳、粉丝，一咬落去真係会爆馅好有口感，虾肉猪肉好香之馀，仲多咗黑松露层次。
打边炉点少得牛肉，呢度係用安格斯牛肉，浓厚肉味带油香，渌一渌就食得好软嫩。有不倒翁金牌手切肥牛(嵴位)、顶级雪花肥牛、至尊牛肉船、金香肥牛粒选择。
全店火锅配料都好新鲜，拣爽脆黑柏叶、日式野菜篮特别感受到。同场仲有手打丸滑—爽滑蟹籽虾丸、手打鱼滑、秘製靓虾滑等；人气海产就有顺德大鱼头(新鲜)、脆肉鲩骨腩片、桶蚝、咸淡水鳝片、桂花蚌拼珊瑚蚌等。私心推介牛骨髓、黄沙靓猪润、鲜鹅肠等，坊间少见咁新鲜。
