夏天想去睇吓海，东涌系个远离人烟嘅好地方。酒店附近仲有间黎巴嫩餐厅“Maison Du Mezze”，用真·木炭炉烤肉扒、海鲜，独特炭香劲吸引啊。
餐厅装潢曾入围国际餐饮设计大赛。大空间好啱家庭乐、拍拖或朋友聚会。
外籍大厨Samer主理，利用外国食材、香料煮制惊喜味道。
今年夏天菜单，啖啖肉得嚟又好开胃～好似烤黎巴嫩沙甸鱼、炖羊腿都好佐饭。记住食埋黎巴嫩经典菜式—炸鹰嘴豆饼，系脆卜卜嘅健康菜式。
烤黎巴嫩沙甸鱼(Grilled Lenanese Sardines)
沙甸鱼本身就有种独特海水味，鲜甜又有微微回甘。所以简单烤熟最保留到风味，又有种外酥内嫩嘅口感，低负担好啱夏天气氛。
阿拉伯香草炖羊腿 配米饭(Laham Bil Laban)
地中海菜嘅羊肉料理一向出色，可以将羊肉煮到软腍肉香之馀，又唔会太重羶味。呢道阿拉伯煮法会将羊腿连酱汁一齐上，钟意多汁捞饭嘅话必食。
慢煮羊腿配米饭(Lamb Ouzi)
另一款羊腿就无酱清爽啲，羊腿直接同米饭一齐上，令饭粒吸满肉香精华啊。
炸鹰嘴豆饼(Falafel)
一定要食嘅经典中东素小食!! 唔好以为无肉就唔好味，鹰嘴豆炸到外脆内绵，就算平时唔食豆都会好钟意㗎。
Maison Du Mezze
地址: 东涌怡东路9号湾景荟地下G10号舖
电话: 23300131