情人节想2个人静静地、远离闹市浪漫吓，东涌系唔错嘅选择。呢间异国风情餐厅由真．黎巴嫩人主理，坚持采用外国食材，品嚐食材原始味道。店内特设炭炉烧制海鲜、肉串劲有地道风味。
异国风环境曾入围国际餐饮设计大赛。
情人节6道菜套餐｜唯美花花料理
“Maison Du Mezze”以籐弔灯、干草点缀，充满轻松度假气氛，啱晒情侣想舒服拍拖又唔会太拘谨。今年推出情人节套餐注入花花元素，无论沙律定主菜摆盘都好吸引。
大时大节食闷咗西餐，不如试吓有记忆点嘅异国美食！
情人节6道菜套餐Menu。
【精致小点】
塔布勒沙律 Tabouleh Kraides
“Amuse-bouche”法文意思系「给嘴巴的娱乐」，畀大厨有空间喺菜式中发挥小创意，同时令食客进入正餐前感受到厨师嘅烹调技巧。黎巴嫩地道小食Kibbeh，系用布格麦、香料搓成波波油炸，口感硬脆，做到好似挞皮咁，中间加入塔布勒沙律+Q弹鲜虾，层次同口感都好丰富。
【餐汤】
黎巴嫩扁豆柠檬汤 Saltaoon Adas Bil Hamod
广东人嘅经典热汤有老火汤，而黎巴嫩嘅正宗汤品就有佢！扁豆汤本身有浓厚底蕴，加埋鲜甜蟹肉、富独特香气嘅柠檬草同瑞士甜菜，整体层次level up!!
【沙律】
羊奶奶酪沙律 Fetamato
坊间嘅沙律一般都系用乾酪，呢度配合异国特色，特别加入香气十足嘅羊奶奶酪，粒粒包裹住中东萨塔香料（土耳其百里香+香草），配火箭菜同番茄，组合又几夹㖞～
【前菜】
发酵香肠伴朝鲜蓟 Sojuq Artichok
香港少有餐厅设炭炉，呢款黎巴嫩地道小食以自家调配香料醃制香肠，再炭烤到外层焦脆，咬落中间仲有肉汁𠻹!! 朝鲜蓟带微微海苔香，伴碟配肉食好啱解腻。
【主菜2选1】
海鲜盛宴 Seafood Trabolsieh
如果系高质海鲜，真系唔使多馀调味料都已经好好食。今次黎巴嫩风味揉合多款海鲜，包括蚬、鲜虾、章鱼等，蘸埋浓厚芝麻酱一齐食好惹味，体验到大海同香料嘅化学反应啊!!
炭烤羊扒配葡萄叶捲饭 Costeleta Vine Leaves
中东料理好多时会以羊做主角，炭烤过嘅羊扒香喷喷～切开中间系粉嫩肉心，散发住阵阵炭香味，入口软腍又唔羶。另有地中海料理经常出现嘅葡萄叶捲饭，新鲜葡萄叶包住米饭、香料同香草等食材，香气清幽开胃，好少地方食到咁嘅配搭。
【甜品】
杜拜朱古力 Dubai Chocolate
食到啦！食到啦！近期全城至Hit嘅杜拜朱古力喺呢度都食到，甜品造型好似一个小花盆咁，顶部有脆卜卜酥皮丝+浓郁开心果，绝对系口感担当！底层就系牛奶朱古力内藏烟韧牛轧糖，唔同层次嘅甜度夹埋一齐又几深刻～
Maison Du Mezze
地址: 东涌怡东路9号湾景荟地下G10号舖
电话: 23300131