暑假多咗好多家庭饭局，天气咁热最好揾间坐得舒服凉爽嘅中菜啦。主打海鲜嘅「翠林辣蟹舫」好啱夏天食，最经典一定系避风塘香辣蟹，大厨用炸蒜、辣椒爆香大炒。火喉镬气好够，惹味得嚟炸蒜又唔会过熟变苦。游水蟹几大只厚肉，最啖啖肉一定系蟹钳。不过私心最钟意蟹脚，直接用口咬开蟹壳嗰阵可以食埋啲蒜味，正～
避风塘香辣蟹。呢个系中蟹size已经咁大只，多人食拣只大蟹都唔系贵好多。
女生一定要嗌埋浓汤大花胶鸡，系用大花胶+原鸡熬4个钟。其实原鸡已经熬到融喺汤入面，汤料精华都逼晒出嚟，真系好滋补美颜。上枱之前会再另外加半只三黄鸡落去，保证食到三黄鸡独有嘅鸡味同嫩弹肉质啊，而家网上订座更可享花胶鸡汤半价优惠，记得记得叫啊。
浓汤大花胶鸡以大花胶、原鸡熬足4个钟，每啖汤都系精华。
龙虾迷一定唔好错过游水澳洲龙虾!! 5款口味都系一样价钱—避风塘龙虾、黄金流沙龙虾、香辣宗谷瑶柱炒龙虾、川味椒麻龙虾、水煮澳洲龙虾。
如果多人饮酒，拣黄金流沙龙虾、川味椒麻龙虾会惹味佐酒啲。饭局有长辈嘅话，推荐加咗北海道瑶柱嘅香辣宗谷瑶柱炒龙虾，香口得嚟又有瑶柱鲜味。
游水澳洲龙虾，几有海水味。
香辣宗谷瑶柱炒龙虾特用北海道瑶柱，长辈都会钟意嘅鲜甜味。
原只起壳 黄金拆肉濑尿虾
其实濑尿虾一直都好多fans钟意食，但系又硬又𠝹手嘅虾壳令唔少人却步。所以大厨索性将濑尿虾原只起壳，一夹起濑尿虾即刻食得。而且濑尿虾超大只，大大啖都要3、4啖先食完，咸蛋黄脆脆加埋超厚虾肉，食一只已经劲满足。
私心最爱就有呢道黄金流沙虾球!! 虽然个名叫虾球，但其实只虾劲大只又有虾味。食嗰阵直接一人一碗好方便，咸蛋黄脆脆满到就嚟泻，又脆又咸香。
必食黄金流沙虾球，咸蛋黄脆脆多到满泻。
中菜饭局好兴最后食个炒饭，而「翠林辣蟹舫」呢个食神炒饭系值得留肚食。因为系真·《食神》电影中嘅戴师傅亲教，煮法繁复要分4次倒入3种米炒到干身轻韧、粒粒分明又Q弹，同平时嘅炒饭真系好唔同啊。
电影《食神》中嘅戴师傅亲教，高度还原电影味道。
呢度全部都系游水海鲜同明码实价。你仲可以自己去鱼缸拣，逐只计钱唔惊海鲜价。
海鲜每日直送，可以去鱼缸自己拣海鲜。
游水海鲜生猛，逐只计钱唔惊海鲜价。
好似呢度嘅招牌菜炒蟹，餐牌已经写明每只几钱，5款口味—避风塘香辣蟹／黄金流沙炒蟹／椒麻香辣蟹／榄菜煮蟹／黑白胡椒炒蟹都系一样价钱㗎。
翠林辣蟹舫
地址: 尖沙咀亚士厘道24-38号天星大厦1楼A号舖
电话: 26289888
