圣诞大餐拣西式就最有feel，喺中环同北角都有分店嘅义大利餐厅Abbraccio，圣诞大餐合共提供9道菜畀大家自由组合，要肉类有肉类，要海鲜有海鲜，红白肉嘅朋友都啱食，仲有即开生蠔满足生蠔控，保证够丰富！
【中环总店】圣诞大餐（$598/位，2位起）
中环店的圣诞大餐 (部份菜式跟北角店不同)
(中环店) 空中天台用餐区俯瞰中环市观景都好有feel。
(中环店) 餐厅设有户内同户外座位，室内走艺术格调，更加浪漫
【第一道菜】（三选一）
Funghi Soup 蘑菇汤
以面包为汤碗嘅蘑菇汤，用上大量蘑菇熬煮，质感好似奶油咁丝滑，又有蘑菇粒粒增加口感；浓厚嘅菇菌香气中，带香草同微微蒜味，食埋吸满汤汁嘅面包够暖胃。
Carpaccio 生牛肉薄片
特别精选小牛肉薄片制作 ，配上巴马臣碎乾酪、酸豆、新鲜火箭菜以及高质橄榄油，令肉香更突出，开胃得嚟味道平衡得好好。
主厨加购推介：Fine de Claire Oysters 即开生蠔（加$288/6只）
嚟自法国嘅Fine de Claire生蠔，带浓厚海水味，口感清爽鲜嫩，配上mignonette酱汁同柠檬汁更加提鲜。如果想风味更显着，建议再配汽泡酒或香槟，气氛再浪漫啲𠻹。
【第二道菜】（二选二）
Beef Cheeks 红酒牛面颊阔条面
义大利菜点少得意粉呢～炖煮至入味嘅红酒牛面颊肉好软嫩，细心撕成肉丝后，连同酱汁拌炒阔条面，令面条挂满肉汁，加埋巴马臣碎乾酪，口感同味道层次立即升级！
Tartuffo e Burro 松露奶油义大利面
香气朴鼻呀～面条简单以巴马臣乾酪同奶油炒香，再拌入松露酱，上菜前即刨新鲜黑松露片，将坚果嘅香气、松露嘅清新感，以及奶油嘅creamy完美融合！
【第三道菜】（二选一）
Branzino al Cartoccio 烤原条鲈鱼
圣诞大餐丰富得嚟都可以有清新感，以纸包鱼方式制作嘅烤原条鲈鱼，加入番茄、柠檬、迷迭香、白葡萄酒、新鲜牛至一齐烤30分钟，令伴菜嘅天然香气迫入鱼肉，同时保持肉质嫩滑多汁。
Carré di Agnello 烤羊架
如果你系红肉爱好者，烤羊架就啱你喇～厚肉嘅羊架有4支骨，两个人share都好有分量，蘸上香草酱或唧少少柠檬汁，风味大大提升！而柔软嘅红薯泥，就为呢道菜同佳节增加一点甜。
【第四道菜】（二选一）
Signature Tiramisu 招牌提拉米苏
呢款招牌甜品，将creamy嘅Mascarpone乾酪、浸泡过浓缩咖啡嘅Savoiardi饼干交替层叠，面层洒上可可粉，口感湿润幼滑，甜中带一丝丝苦涩，滋味满分。
Torta Caprese 卡普里蛋糕
经典嘅义大利南部甜品，无需面粉，只用杏仁同黑朱古力制作，而且要掌握好温度，考验师傅功力。蛋糕口感松化，面层撒上糖粉扮作落雪，好加分呀～
Abbraccio
地址: 中环云咸街75-77号嘉兆商业大厦5楼
电话: 26333878
【北角分店】圣诞大餐（$398/位，2位起）
圣诞大餐可自选配搭（$398/位，2位起）
(北角店)装潢带点复古感觉，好啱约会撑枱脚
【第一道菜】（三选一）
Funghi Soup 蘑菇汤
经典嘅蘑菇汤加上奶油，集菇菌香气同幼滑口感于一身。配上焗至香脆嘅法包当作汤匙𢳂汤，别有一番滋味。
Carpaccio 生牛肉薄片
义大利嘅开胃菜之中，你会揾到Carpaccio，系用肉类或鱼类制作，而呢度就选用浓味嘅高质小牛肉，再以巴马臣碎乾酪、酸豆、新鲜火箭菜以及高质橄榄油丰富味道层次。
主厨加购推介：Fine de Claire Oysters 即开生蠔（加$288/6只）
爱好法国生蠔嘅朋友，餐厅提供Fine de Claire生蠔呀！入口爽脆鲜嫩，海水味又浓厚，无论配mignonette酱汁或柠檬汁提鲜都咁夹，啱晒偏重口味嘅生蠔控。另外加配汽泡酒或香槟，更可瞬间营造出浪漫泡泡嘅感觉。
【第二道菜】（二选一）
Beef Cheeks 红酒牛面颊阔条面
义大利菜必食嘅意粉有两款选择，红酒牛面颊阔条面啱口味较浓嘅朋友，肉与松软又入味，明显师傅花时间炖煮。而面条挂满酱汁，再拌匀巴马臣碎乾酪，每一啖都咁香口。
Tartuffo e Burro 松露奶油义大利面
要试清香嘅义大利面，呢道松露奶油义大利面绝对系首选！巴马臣乾酪同奶油令面条口感creamy，加入松露酱，双重香气特别滋味。
【第三道菜】（二选一）
Branzino al Cartoccio 烤原条鲈鱼
海鲜控之选～烤原条鲈鱼以纸包鱼方式制作，唔只为咗锁紧肉汁，令鱼肉保持嫩滑，同时将伴菜、香料同白葡萄酒嘅气味渗透全条鱼，充满沿海国家风味啊。
Carré di Agnello 烤羊架
义大利人都几钟意食羊架，冬天食仲好暖身𠻹。师傅先将羊架外层烤好，之后再切开3支骨略烤，肉质粉嫩juicy；加少少香草酱惹味又唔羶，连同清甜嘅红薯泥一齐食可以中和油腻感。
【第四道菜】（二选一）
Signature Tiramisu 招牌提拉米苏
Tiramisu最紧要口感幼滑，而呢度就做到喇。Creamy嘅Mascarpone乾酪、浸泡过浓缩咖啡嘅Savoiardi饼干交替层叠，入口依然湿润软滑；淡淡嘅浓缩咖啡味同面层嘅可可粉，则带出一点苦涩平衡甜度。
Torta Caprese 卡普里蛋糕
唔用面粉制作嘅经典义大利甜品，只加入杏仁同黑朱古力，质感有别于一般嘅蛋糕，呈松化口感但唔硬身；面层再撒上糖粉好似落雪咁，加分！
装潢带点复古感觉，好啱约会撑枱脚
Abbraccio
地址: 北角堡垒街19A号景文楼LG楼
电话: 23297028