原来情人节食pizza都好浪漫精致!? 呢间手工薄饼店“Abbraccio”系靓靓西餐环境，有无敌露台望住中半山及大馆, 在柔和烛光下食薄饼、锯扒超有feel。
“Abbraccio”中环店精致有气氛。
望住中半山及大馆烛光晚餐。
户外露台浪漫感大足。
除咗气氛浪漫，呢度嘅pizza都好有水准。全部即场由搓面团做起，450°C石窑炉新鲜出炉，同现成来货嘅薄饼好唔同。中环店落地玻璃仲会见到成个整薄饼过程，望住大厨搓面团、抛薄饼再入炉真系好疗癒。
情人节套餐价钱
“Abbraccio”中环店: $588/位 “Abbraccio”北角店: $488/位 |
情人节套餐菜单
只睇价钱嘅话，北角店500蚊有找好抵食!! 不过菜式选择就会少啲。但整体用餐体验都好接近，同样食到“Abbraccio”招牌薄饼㗎。
“Abbraccio”情人节套餐
情人节双人共享菜单
前菜·选2款 法国Fine de Claire生蠔2只 配香槟泡沫、鱼子酱及金箔 (只限中环店)
罗马生菜沙律酱配松露酱 意式薄切八爪鱼冷盘 干番茄汤
薄饼及意粉·选2款 玛格丽塔薄饼 恩杜贾牛肉披萨 (辣) 白汁安格斯披萨 牛颊肉阔条面 香蒜酱义大利面 蟹肉扁面条 (只限中环店)
主菜·选1款 金光灿烂安格斯T骨牛排(500克) (只限中环店 – 另加$198) 安格斯T骨牛排(500克) 新鲜烤虎虾
甜品·选1款 Sweet End (焦糖牛奶、比利时白朱古力、烤杏仁义大利饺子 配云呢拿冰淇淋) Sweet Romance (Nutella及新鲜草莓薄饼) |
【前菜·选2款】
法国Fine de Claire生蠔2只(只限中环店)
呢款生蠔出名重海水味，配埋香槟泡沫、鱼子酱、金箔矜贵精致。蠔肉更带微微酒香，后续又有鱼子酱咸味好有层次。
中环店限定嘅法国Fine de Claire生蠔。
罗马生菜沙律酱配松露酱
想食得清爽啲推荐呢道沙律，以罗马生菜芯配蓝乾酪、烤杏仁片、黑松露酱。一啖混合几种香味，绝对系有惊喜嘅沙律。
意式薄切八爪鱼冷盘
另外就有醃章鱼薄片选择，有种独特海洋风味，伴上巴马臣乾酪、松子仁、柑橘酱轻甜富果仁味。
干番茄汤
如果钟意餐前饮啖热汤，亦可以拣呢道干番茄汤。干番茄经晒干处理，浓缩嘅酸甜味更富深厚风味。
醃章鱼薄片
干番茄汤
【薄饼及意粉·选2款】
嚟到一定要食手工薄饼啊!! “Abbraccio”自家制薄饼即叫即焗，批底特别酥脆松软好正。情人节套餐有特玛格丽塔薄饼、恩杜贾牛肉披萨 (辣)、白汁安格斯牛肉披萨拣，各有风味。私心最钟意Nduja薄饼，自家制牛肉Nduja肠香辣有肉感，又有多种乾酪、奶酪好香浓。
唔想只系食薄饼，另外一款主菜都可以拣牛颊肉阔条面、香蒜酱义大利面 或 蟹肉扁面条 (只限中环店)。
“Abbraccio”自家制薄饼即叫即焗，批底特别酥脆松软。
除咗薄饼选择，仲有多款义大利面拣。
【主菜·选1款】
之后仲可以拣多款主菜，分别有安格斯T骨牛排、鲜烤虎虾选择。私心觉得食薄饼再锯埋扒真系好有仪式感，但如果想食啲海鲜，佢哋嘅大虾都煮得好香㗎。如果你想俾另一半感受到坚贞不渝的爱，可以另加$198选择金光灿烂T骨扒，用24K食用金箔全复盖在整件T骨扒上，食落当堂心心眼（只限中环店）。
安格斯T骨牛排
烤虎虾
【甜品·选1款】
最后甜品2选1，如果你钟意焦糖同朱古力好推荐Sweet End；想食啲果肉清新吓，可以拣铺满新鲜草莓嘅Sweet Romance 啊。
(左)Sweet End，满满焦糖同朱古力好有幸福感。
(右)Sweet Romance，铺满新鲜草莓。
Abbraccio (中环店)
地址: 中环云咸街75-77号嘉兆商业大厦5楼
电话: 26333878
Abbraccio (北角店)
地址: 北角堡垒街19A号景文楼LG楼
电话: 23297028